再見2022

今年是第一年兩隻小魔怪唔瞓覺一齊倒數，他們當然是玩到癲咗！！由食飯，再去溜冰，再等到倒數，不停嘅食、玩、尖叫！！就是這樣迎接2023年！！

多謝2022年，

繼續在疫情中渡過。

幸好，只有林生中過，

還未感受到Covid-19的威力。

有一天，細佬話：

「我會長大，你會老。

你會死，我會來拜你。

咁之後會點？⋯⋯」

之後，自己眼睛水汪汪⋯⋯

對哦，你們長大了不少；

林太的白頭髮也多了不少！！

細佬的2022年，

由上zoom堂，不停聽到「坐好d」，

到搵學校，報學校，面試，入小學，

現在的小學雞！

開始俾人投訴，

希望你2023年懂得幾時玩，幾時認真！！

家姐的2022年，

好像真的開始返學了！？

遲了三年，已經是小三，

但還像一個小寶寶！！

希望你2023年能獨立和自理，

找到你溫習的方法！！

林家的2022年，

都是陪着小朋友24/7，

2023年可以做啲乜？

不如讀吓書？

找個新興趣？

NYE // 坪洲 // Snoopy石 // 祺森冰室 // 牛皮廠

睇完《新假期》https://www.weekendhk.com/香港好去處/坪洲-牛皮廠-蝦多士-周末遊懶人包 好似不錯，人少少，呼吸一下新鮮空氣，又有嘢食，哈哈哈！！林生林太帶著四個小朋友，有嬸嬸問林太是否生了四個？！好叻呀？！⋯⋯哈哈哈⋯⋯林生林太當然是「早出早歸」坐9:15am船出發，2:30pm就回程了。跟足新假期的行程，沒有上「手指山」，只去到Snoopy石（「釣魚公」的大石頭）。雖然是冬天，入冬以來最凍的一天，但無阻小朋友們係沙灘玩！！坪洲，真的很舒服，一個很平靜的小島！！

2019 to 2020

又一年了，新的一年，新的開始！！

由2019去到2020，沒有什麼特別感覺，上年好似沒有大的achievement，好像平平的過了⋯⋯平安是福，希望2020有更大的achievement！！哈哈⋯⋯開始諗下諗下⋯⋯

NYE 2017

2017年最後的一天！！

2017對林生林太來說是「很忙」的一年！由一月時林生獨個兒回港，林太一拖二；到五月時一家大小返香港，忙著找學校，忙著報名上暑假班和興趣班，更忙著去旅行；到年尾，差不多習慣了香港的忙，忙著返學，忙著上興趣班。哈哈！！希望2018年可以開心地繼續忙！！

Bye 2016!~~

有咗兩個小寶貝，相信不能外出倒數了！！怕人多，怕要抱著他們（太重），怕他們扭眼瞓，所以留在家吧！簡簡單單的Aussie BBQ！！Bye 2016！～～

NYE 2015 (II)

在2015年最後的一個晚上，林生林太在家靜靜地過！唔知吱吱係唔係知道是節日，唔肯瞓！！！到十一點才睡！！在吱吱睡之前，教了他畫林生的腳，哈哈！！又教了他食prosciutto，吱吱超愛！！教識了他講「ham」，「please」！！哈哈！！笑死了！！

NYE 2015

很久無見的朋友仔，大家都做了媽咪，又有了第二胎。哈哈！！但吱吱不太喜歡弟弟，唔同人玩哦！！自己走了去試鞋！！

ByeBye 2014

再見喇!!!!2014!!!! 
2014是很特别的一年，我只返了十幾日工，之後就開始我的悠長假期。放了事假，病假，產假，有薪假和無薪假。哈哈!!! 
在未生吱吱之前，就係咁食!!!食呀食!!!hea遊香港每一日。生咗之後，就忙咗小小，但多了一個開心果在身邊，天天也充滿歡笑!!! 
係今年，因吱吱的關係，多了時間和家人一起，一齊食飯，玩，和住。多了認識梁爸爸，梁媽媽，和林媽媽!!!也比你們更了解我們的生活。多謝你們!!! 
在2014年，恩典實在太多!!!多謝祢!!!也多謝林生，和小寶寶吱吱倍我一起渡過!!!

Mr & Mrs Lam pre - New Year dinner @ Nobu

哈哈~~"Pre＂，對，是Pre，因為林生New year eve和New year都要返工，所以我哋提前食吧~~!
沒有Book枱，只得bar位，也好，可以望住佢哋煮。好好味哦~~!嘻嘻~~!