返大陸騎馬

林生無端端即興，帶咗兩小寶返大陸，星期日騎馬！！其實騎馬只是半個鐘，但唔想咁趕，所以星期六晚就已經到大陸，瞓咗一晚。飲飲食食，再騎馬！！家姐啱啱測完驗，都應該休息一下；但又到細佬要考試了⋯⋯加油啊！！

科學 // 香港大學許士芬地質博物館

又來陪太子讀書系列，林太睇完科學科的「自修筆記」先知道香港大學裏面有一個博物館 — 香港大學許氏芬地質博物館。裏面擁有極多岩石/化石/礦石，任由市民參觀，免費入場，唔使預約！！仲要咁近！！所以放學就衝咗上去！！！真係有好多化石！！！而且有個大地球的模型，解釋地震，火山爆發，地殼板塊移動。真係啱晒依一課書！！林太最鍾意係有一大舊「白水晶」，可以摸摸，叉叉電，將啲負能量放低！！哈哈哈⋯⋯

Welcome to Stephen Hui Geological Museum

科學 // 香港科學館

今年小學四年級，由常識科轉了人民科和科學科，而且體育要計分，咁同以前的「社、科、健」有咩分別呢？！哈哈⋯⋯其實林太細個嘅時候很喜歡社科健，因為相比起中英數，比較多圖像，小文字。林太對圖解比較容易吸收，不知道細佬是否一樣？！今日同細佬去咗科學館，因為科學第一課，是地球結構，就去看看吧！！睇吓圖解，大型圖解，會唔會更加易吸收？更加有興趣？？

數學比賽 // TIMO初賽

林太見到唔使錢，又幫細佬報咗名！！！哈哈哈！！！他人生中第一個奧數比賽！！！其實都知道奧數與普通數學爭好遠，但有問過數學老師。細佬上年的數學老師話：「他不是一個因做唔到，而有極度挫敗感的人，俾佢試吓！！就算佢唔識，咪俾佢睇驗一下。」今日比賽到了，林太都是第一次大開眼界，係勁勁勁多人！！一批接一批，可能又下雨吧，出入有點困難，因為咁樣所以有人遲到⋯⋯細佬，出到嚟有點失望，有一半唔識；不過林太覺得，竟然識一半喔！！不錯不錯！！哈哈哈⋯⋯

「站見」鐵路展

今朝早細佬去咗大學裏面做人哋研究嘅對象，30分鐘收咗$150，哈哈哈⋯⋯所以順路去了紅磡地鐵站的鐵路展。其實鐵路展開咗好耐，所以都有睇過人哋嘅相。不過，都同細佬去去吧！！細佬不是鐵路的超級粉絲，本來諗住佢冇乜興趣！？但可能林太之前去旅行，細佬問點解唔同佢去，林太答佢：因為佢唔鍾意睇博物館。可能佢耿耿於懷，嚟到鐵路博物館，佢就好雀躍咁周圍影相！！其實林太之前都冇見過/坐過Ktt，所以林太都覺得Ktt好靚，仲靚過高鐵，哈哈哈⋯⋯而細佬對以前嘅襟章/制服、車頭、車卡好有興趣。值得一看！！

「站見」鐵路展網上預約

中秋節快樂2025

又到中秋節，中秋節快樂！！林媽媽永遠都是正日做節，梁婆婆都是正日做節，所以預先同梁婆婆慶祝。今年有去維園睇燈飾，比上年更熱鬧，好多人呀！！家姐今朝早有返學，所以都有點攰，等唔到火龍返維園，下年吧！！祝大家人月兩團圓，身體健康！！

Back to school 2025

又到開學日，祝你們開心上學！！繼續充滿好奇心，想知想問。不過，要練習！！有天資，不練習，是枉費！！

數學比賽 // Now Junior Stem

暑假嘅尾聲，參加咗一啲比賽。其實志在參與，睇吓自己實力去到邊。細佬終於肯去數學比賽，其實佢啲數學唔差，但係大意。嚟到之後個個都細過佢，原來係玩越級挑戰⋯⋯哈哈哈哈哈⋯⋯ Let’s see⋯⋯

圍棋 // 中華盃

又來圍棋比賽，五局，兩勝三敗⋯⋯好似有點不在狀態！！唉⋯⋯下次吧！！

扯鈴 // 第一堂扯鈴

六月考完試之後，細佬無端端話要學扯鈴？！林太摸不着頭腦？！佢點解會識呢樣嘢？！係學校嘅中國文化日？！搵吓搵吓，終於搵到一間，但時間唔啱，等吓等吓，上星期終於上咗一堂⋯⋯但係溝通上，阿Sir唔知，所以學咗轉碟。今日！！！終於學到！！佢勁開心，睇吓嘅笑容！！所有媽咪都喜歡的「自信的笑容」，「滿足的笑容」！！噢⋯⋯又多樣「興趣」，點攪？！

劍擊 // 第三屆文燕盃

林太又係Facebook搵到免費劍擊比賽，平時一個劍擊比賽要$500至$600，當然立刻報啦，好彩又抽到！！其實林太覺得細佬實力未夠，所以林太唔想俾錢去輸，有免費的比賽，就去練吓吧！！不過，經過暑假上多幾堂，好似又好咗啲，姿勢靚咗少少⋯⋯竟然出到線！！再接再厲吧，加油！

Kayak

一年一度的林家Kayak！！唔知從幾時開始，每年的夏天都要Kayak！！但係今年由七月開始就是下雨，每個週末都是下雨，一係雷暴，一係打風，一係黑雨⋯⋯暑假都就放完，都冇乜晴天，所以今日無端端見到個太陽，就衝咗去Kayak！！多謝林生的陪伴，成就「Kayak傳統」！！

Sport Day

其實有咁多種運動，又有新興嘅運動，小朋友又使乜咁快揀定吖！？林太覺得小朋友應該多嘗試，多體驗！！最好，乖乖聽教練講，哈哈哈！！聆聽同服從係要學㗎！！佢哋玩完之後，覺得Cricket好好玩！！

利物浦香港季前巡迥之旅2025 // 足球訓練營

其實林生、林太都唔係好睇足球，不過利物浦咁出名點會唔識？！聽到有利物浦足球訓練，就立刻報咗！！家姐竟然都話去！！！足球場，又曬又熱，都頂咗40分鐘！！強勁！！之後室內仲有Mini game，又有嘢食又有嘢玩，thanks for having us！

日期﹕ 2025年7月23日(星期三)

時間﹕ 下午2:00 - 下午4:00 

足球訓練營時間：下午2:30 - 下午3:30 

地點 ﹕ 香港足球會 (主球場, 香港跑馬地體育路3號) 

貴州研學團五日四夜 // 返香港

今日返香港了，一樣是在廣州南轉車。導遊勁早帶咗去車站坐⋯⋯買定杯麵坐火車，原來唔同火車型號的廚房/menu都唔同！！今次連熱咖啡都無⋯⋯嗚嗚⋯⋯

貴州研學團五日四夜 // 黃果樹大瀑布

今日香港打緊十號風球，這邊風和日麗！！好好彩地又避過一個風球，不過林生要滯留日本，嗚嗚⋯⋯貴陽必看的黃果樹大瀑布，兩個半鐘頭車程終於到了，已見到勁多人！！入場費都不便宜哦，成人要¥215，還要另加¥50園內車費。真係好多人，順着人流，迫吓迫吓，終於見到大瀑布，又是打張卡，拍個照！！又再迫吓迫吓去下一景點⋯⋯導遊姐姐嚇到小朋友，話睇奇石林要兩個小時，小朋友們都話放棄，寧願早些回酒店捉棋。所以今日早咗完，返酒店開咗間房（食飯房）捉棋，特訓兩小時！！林太就睇咗大陸的綜藝節目兩小時，哈哈哈！！但男孩子們還以猶未盡，仲要食宵夜和打機！！

行程：酒店早餐後，黃果樹瀑布，遊覽有水上石林、天然盆景之稱的【天星橋】，貴州必遊景點【黃果樹大瀑布】是1986版西遊記水簾洞取景處 — 【陡坡塘瀑布】黃果樹瀑布群中瀑頂最寬的瀑布，瀑布形成百米多長的鈣化灘壩上，在平水期，水流清澈，瀑布顯得十分清秀嫵媚。

貴州研學團五日四夜 // 蠟染體驗 // 控拜銀匠村

今日嘅研學團就是蠟染體驗和銀器體驗！！中間的時間就是行街，哈哈哈⋯⋯細佬冇咩買，全部都係玩具槍，手鏈，頸鏈⋯⋯林太就係咁買嘢飲，yeah⋯⋯林太識得俾錢啊！！哈哈哈哈，掃得好過癮！！！兩個體驗班都考起小男孩，做完一個手工又一個！！

行程：酒店早餐後，蠟染體驗邂逅干年非遺【蠟染】的靜謐藍，親手體驗蠟染藝術，以蠟為筆、以布為紙，勾勒自由紋樣。浸染藍白世界，感受植物染料的天然饋贈，讓傳統技藝在指尖流淌 — 控拜銀匠村，苗族銀飾鍛造技藝發源地，600 多年歷史沉澱。跟著老匠人，掄起小錘，敲打出專屬銀飾，讓苗寨故事與匠藝，隨著叮叮聲，刻進這一方銀器裏。

貴州研學團五日四夜 // 貴州 // 西江苗寨

林生帶着吱吱去了福岡，細佬選擇去貴州捉棋比賽，林太好認真咁問佢真的嗎？！細佬好認真地回答：「日本成日都去，貴州的比賽可能只有一次，下次就不會是貴州了！我哋下次先去日本！」林太俾佢嘅認真嚇傻了，唯有陪太子讀書，報名參加！！其實報完名都沒有認真睇睇行程，只知道在高鐵站集合，哈哈哈⋯⋯今日勁早起身，坐地鐵去高鐵站，坐高鐵去廣州南再轉車，總共坐了四個多小時的高鐵終於到達「都勻東」站。之後上旅遊巴，再坐兩個半小時到達「西江苗寨」。導遊姐姐一路講普通話，林太的普通話麻麻哋，所以聽到一半半⋯⋯聽到話西江千戶苗寨景區被評為國家AAAA級景區，為保留原有面貌裏面係冇車，入園後要行！！諗住個團有老人家又有小朋友，應該唔會好辛苦，點知一落車見到一路的石春路已覺不妙！！跟住導遊不停向前走，又再向前走，行了半個鐘終於到！！苗寨的吊腳屋是沒有電梯，一定是行樓梯，結果拉着行李行了三層樓梯！！放好行李，諗住去食個飯就可以休息，點知，仲要睇夜景！！！不過，他的夜景真的很美，好像《千與千尋》的感覺！！很美，很美！！

行程：導遊都勻東高鐵站接客人後，前往西江苗寨，坐在苗家吊腳樓上，倚著美人靠，聽聽自然的聲音，喝杯濃香的苗家米酒，無比愜意。在山坡上建有大片苗家木質吊腳樓，層層疊疊咖啡色的老房子，晚上干戶苗寨的景色堪為一絕，家家戶戶亮起了黃色的燈，千戶苗寨也變成了一片燈的海洋。