出前一丁工作坊

依家一個返上午班、一個返下午班，想一齊去玩只有星期六日，想預約出前一丁工作坊星期六下午4:30埸係超難！！林太最後是在凌晨時份等新嘅位出，才預約到！！哈哈哈！！細佬終於夠高110cm可以參加，太好了！！（之前在大阪和香港的舊館都未能參加）入到去，原來個展館咁細，不用一分鐘就行完！！如果不參加工作坊，入場費都要HK$10哦！！因疫情關係，只有半數人入座，一班12人，HK$120@。而且有很多職員/導師，1:2進行講解，用人工來計，這個工作坊都幾抵，哈哈！！對細佬來說，都有點難和攰，因為要重複壓制粉團14次，再6次！！這次經驗都十分之好玩，小朋友亦滿有成功感！！「出前一丁」仲係大人小朋友的至愛，哈哈哈！！ https://cupnoodles-museum.com.hk/

《大阪偷雞之旅—Day5》

今日係兒童日，全日都是兒童節目！！可以瞓多陣，上午做柸麵，下午去Kids Plaza。但吱吱和嘩嘩已無乜電，中午頂不順要午睡，睡了個幾鐘差電！！

香港也曾經有日清柸麵製作工作坊，但無去到，嚟了大阪咁多次，都未去過，今日試下先。下著微雪，去做柸麵，一人一個！！300yen一個，好多人一齊做哦！！畫好，放麵，放調味，放材料，包裝，攪掂！！好可愛哦！！

https://www.cupnoodles-museum.jp/ja/osaka_ikeda/

在附近食碗拉麵，就小休。再到Kids Plaza，其實只有三層，見議用一個半小時完成。吱吱和嘩嘩玩了兩小時（5:00pm關門要走）都未行完！！哈哈哈⋯⋯林太覺得Kids Plaza就像香港的科學館，但對小朋友比較有心，道具比較認真。中間的playground可以貫通兩層，小朋友跑跑跳跳又去到另一層/區，又有不同的事物可以探索！！ 

https://www.kidsplaza.or.jp/sp/

晚上食炸和牛，好特別哦！皮是炸的，肉質仍，很嫩滑，值得一試！！

https://www.gyukatsu-motomura.com/