賽馬會青少年足球發展計劃 U8 比賽 （04.2024）

終於得閒，可以落場比賽！！但唔見細佬有進步，喺龍門前扭pat pat，做龍門的時候，俾人入咗四球！！救命呀！！真係要搵過第二樣嘢俾佢學！！

賽馬會青少年足球發展計劃 U8 比賽 （01.2024）

又要去到大埔比賽，今次林太去咗睇林生嘅馬拉松，所以叫了梁媽媽帶細佬去踢波。沒有見證到佢哋終於贏了一局！！哈哈哈哈哈⋯⋯佢哋真係好屎波⋯⋯

賽馬會青少年足球發展計劃 U8 比賽 （12.2023）

今個年度第一次落場比賽，好似比上年好咗好多，但其他隊伍依然更勁！！其實運動真係要花時間，同音樂一樣，真係比幾多時間，係睇得見！！今次去大埔比賽，近近地，搵了梁公公和梁婆婆食午飯，祝梁婆婆生日快樂！！身體健康！！

賽馬會青少年足球發展計劃 U8 (2022-2023完)

咁快就過咗一年，九月再努力！！林太要「休暑」，哈哈！！多謝教導！！

賽馬會青少年足球發展計劃 U8 比賽 （05.2023）

問過細佬點解唔鐘意劍擊？！因為成日「輸」！！但踢波都成日「輸」，點解仲嚟比賽？！因為「好玩」！！林太不明白的道理，有人解答嗎？母親節整天落雨，細佬繼續練波，真係風雨不改，媽媽也是風雨不改地等⋯⋯哈哈哈⋯⋯

賽馬會青少年足球發展計劃 U8 比賽 （02.2023）

到二月的比賽，今次林太帶，一早爬起來！！哈哈哈⋯⋯有姿勢無實際的朋友！！

賽馬會青少年足球發展計劃 U8 比賽 （01.2023）

細佬又踢咗幾個月波，終於有得出賽啦！！本來有學校的課外活動也請了假，因為林太覺得真係要體驗一下比賽，細佬一直都唔明白比賽的重要性？！成日喺度玩吓玩吓，有時候要認真地玩！！第一場比賽輸了，下次再努力吧！！U8還有一年多的時間等你！！

賽馬會青少年足球發展計劃 U8 2022-2023

之前有媽咪介紹過，不過因疫情沒有轉足球班。今年來試試吧！！細佬已六歲，所以是入U8 (under 8yro)，篩選日期有兩天，每次兩小時。有60人報名，最後40人可以參加，所以兩天的篩選日都要凖時出席！！入選後，全年不用交學費，只需買球衣。HK$300的球衣絕不欺場，足球隊當然有兩隊球衣顏色，還有冬季制服，實在超值！！細佬是17號！！！加油啊17號仔！！https://www.hkfa.com/ch/load_page/468