Happy Easter 2025

今次復活節假期，林太本來諗住同細佬一齊去桂林圍棋交流團，點知買唔到高鐵飛？！結果，大家乖乖地留在香港，做功課和特別節目！振興香港經濟！！哈哈哈哈⋯⋯林生帶佢哋兩個去踩單車，在雨中繼續踩⋯⋯又有上山頂做遊客⋯⋯林太仲買咗《膠戰》飛，去排應援，去大叫，哈哈哈⋯⋯⋯Happy Easter!!!!!!

踩單車：馬鞍山—》科學園

上次吱吱和嘩嘩踩單車，林生沒有陪同，佢哋不斷話好好玩，所以林生又想踩下嗰條路線⋯⋯但今日天氣麻麻，不過小朋友咁興奮點會唔去？！林太係唔識踩單車單，決定喺中途站——科學園，等他們一起吃午飯。佢哋由馬鞍山出發，經大埔海濱公園，再到科學園午飯。午飯後，已開始下雨，唉⋯⋯唔去大埔海濱公園，快啲完成，就可能避開今次埸雨⋯⋯不過，在雨中踩單車，他們也很興奮，其實都熱到濕晒！！好彩沒有意外，亦沒有病到！！完成！！

偽單親 // 踩單車

對！林太係唔識踩單車的！！本來諗住同另外一位媽媽租家庭車，最後佢都係選擇踩普通單車追住個女，所以林太唯有再等⋯⋯哈哈⋯⋯絕對冇問題！！多謝各位爸爸媽媽照顧兩小寶！！林太去咗石門行街和食甜品，佢哋由馬鞍山踩到科學園！！勁呀！！

年初四梅窩 // Day Camp

暑假之前，兩小寶就喺呢度學識踩單車，今次知道佢哋有Day Camp，就立刻要嚟再玩過！！都好呀，放咗咁耐新年假，林生林太終於可以放假，哈哈哈！！Have fun～～

《小島民Day Camp》

24年 2月13日 【年初四】

🧧Bike Tour 單車小島遊  

🧧Farm Visit農場採摘 

🧧Camp Fire 野外柴火

🧧專人中環碼頭接送

🧧家長無需出席

🧧一日玩捉8小時

內容：

🎉單車學堂

🎉農場採購時令蔬菜

🎉野外生火（季節限定）

大美督踩單車

今日學校假期，周圍應該冇乜人，問咗細佬想去邊，佢話踩單車⋯⋯結果連林太都俾人捉咗去踩單車！！好鬼曬！！！細佬而家踩單車已經好好，大美督水壩來回咗兩次（X4）再加不停的細圈！食完午餐，仲唔肯走，去多轉沙灘！！真係曬到燶咗⋯⋯

Aussie back to Aus Day30 // 10km bicycle ride

小朋友們期待了一個星期的踩單車！！林太唔識踩單車，所以走咗去行街街，飲咗杯咖啡，食返個chocolate muffin，回味一下中學時的味道。小朋友們上次去完camp，「話」學識咗踩單車，其實都唔係好相信，返到嚟澳洲又是冬天，又落雨又凍，又沒有機會借到單車，所以一直未試佢哋識唔識？！哈哈！！今日有個叔叔搵咗兩部單車同佢哋踩過！！原來一踩是10km！！踩完之後吱吱都變咗樣，哈哈哈！！相信佢係太攰，食完個飯，飲返包檸檬茶，個樣開心返！！哈哈哈！！Well done my kids！

Blooms Summer Camp

一開始放暑假，就送了兩小寶去camp！！哈哈！！因為想幫吱吱搵個英文老師，想佢開心學英文，咁入camp就可以開心做評估，哈哈哈⋯⋯兩日一夜的英文營，無穿無爛出返嚟，佢哋話玩得開心！最驚喜的是，他們學懂了踩單車！！有時，換個地方，換個人，就可以學識，無謂勞氣！！哈哈！！

大尾督

又一個星期日，唔踢波都晨早起身⋯⋯點解⋯⋯（愛睡的林太，生活在一個不愛睡的家庭，點解）今次又去到”老遠”，大尾督踏單車！！吱吱和嘩嘩，一人一駕，終於可以去到對面岸！！太感動了！！終於可以完成！！

大尾篤

其實入完camp，個個都好眼瞓。尋晚落大雨，係咁醒！！但林生話入到大尾篤，無理由唔踩單車！？結果全部人一齊踩單車⋯⋯見到細佬個樣就快瞓著，就叫佢超越前面的車。當佢好開心想show off的時候，左右就失控了，反車，頭仔撞到柱，起咗樓。慘慘豬⋯⋯⋯

大尾督踏單車

星期五，出街日。見無落雨就去了大尾督踏單車，雖然大霧，但都算舒服！

泊好車已覺不妙，勁多車！！午飯又多人，不過只在單車上，應該OK吧！嘩嘩選了駕go-kart車，新的，好型哦，但唔好踏！林太想佢換，但不成功，哈哈！！全部人都上了車，除了林太，因為要在嘩嘩的背後，準備推車！！他們已經好叻，踏了全程，要推嘩嘩的時間不多！！哈哈！！