大阪快閃之旅 // Day 4

咁快就玩咗四日，睇返飛機時間，其實食個早餐就要開始出機場。今早仲要唔知點解Google Map係咁要我哋坐巴士！！可能入了國際機場Terminal 2，就只有巴士才到⋯⋯喺酒店附近食咗個麥當勞，就開始行去鐵路站坐車出機場！！迂迴曲折下上了Hello Kitty車！！哈哈哈！！有幾靚喎！！順利到達，完成四天之旅！！

大阪快閃之旅 // Day 3 // 黑門巿場 // 難波八阪神社 // DekaSan // Owl Cafe Chouette // 一斗 // 心齋橋 // Baskin-Robbin’s雪糕 // Dormy Inn Premium

今日早咗少少起身，但可能是星期日，黑門市場啲店舖未開齊，最後入了一間6:30就開的舖頭。當然再食大掃羅，仲食咗一個open手卷。正呀！！林生問：「點解你哋冇景點嘅？」所以就去去景點——難波八阪神社，其實好近，但隻獅子好攪笑！！之後，又食，220g的牛肉三文治！！重點是去貓頭鷹餐廳，但如果上網預約，要幾日前選定時間和先付款。去旅行好難選定時間，所以決定去搏一搏，結果即時是沒有位，下午三點才回去，都好！！所以就可以行街，心齋橋shopping！！下午三點再返回貓頭鷹餐廳，一小時包一杯飲料，再加同貓頭鷹互動都是¥2500！！好得意呀佢哋！！BB貓頭鷹啲毛好軟熟，好可愛！！和牠們互動的時間亦都好足夠，真係比足時間你影相！！睇完貓頭鷹，就去食和牛！！係Ig介紹，和牛中的Hermes’級！！但其實真係好油，所以食咗好少，都已經飽飽地！！唔緊要，行陣街，再食甜品！！

大阪快閃之旅 // Day 2 // 黑門巿場 // V Cafe // 心齋橋 // 道頓堀大觀纜車 （Donki摩天輪） // 梅田 // 梅田藍天大廈展望台

今日遲咗小小起床，09:45先去到黑門巿場，第一天食咗個豐富早餐，有長腳蟹的腳，又有大拖羅，呵呵呵⋯⋯諗住咁近酒店，就行吓藥莊，點知行得太耐，趕唔切返酒店，就繼續攞著大包小包的行程。之後，去了LV開的V Cafe，主要是輕食，所以無乜興趣，只食個甜點吧！！哈哈！！打打卡⋯⋯再去心齋橋行街街！！行到累了，就上了Donki摩天輪，涼吓冷氣，休息一下！！嚟過咁多次都未玩過，哈哈！！之後，回酒店換件「白色的」衣服，準備今晚行程。去了梅田的「高層」大廈食個晚餐。之後，上去梅田藍天大廈展望台。一棟先起兩邊，再釣個展望台上去的大廈，其實不是很高，得35層。它們出名的是展望台會夜光的地下！！！！哈哈哈！！但想不到的是，要排隊哦⋯⋯都等咗陣⋯⋯上到去，有星光的地下，林太覺得比起出面的燈光更美，所以沒有影風景，哈哈！！玩完，就返去，個BRÛLÉE雪糕（crème brûlée），超好吃！！

大阪快閃之旅 // Day 1 // 四天王 // Dormy Inn Premium （天然溫泉）

難得七。一的長週末，林太搵到朋友仔陪玩！！嚟個快閃之旅！！大阪四日三夜，沒有早機去晚機返，舒舒服服的中午機，一個遊閒的旅程。坐Peach MM064，但遇上跑道塞車，遲了一小時起飛，所以去到，再坐火車出大阪市已是晩上09:00，快快手check-in，和食碗拉麵！！四天王的雞湯拉麵好香呀！！仲有日元對港元，碗麵只是HK$45，仲係超抵！！食飽飽，就去打機，夾公仔！！Yeah！！

《大阪偷雞之旅—有家姐多麼的好》

其實吱吱和嘩嘩都不算太曳的小朋友，雖然有時會搶吓嘢，有時會扮吓嘢，睇吓你幫邊個？！但當他們相親相愛時又很可愛！！臨瞓時話「以後唔同你玩」要分開瞓，到瞓著時會牽著手！但其實吱吱很愛細佬，亦做到大家姐的角色，做得很好，好叻叻！！希望你們一起開心快樂地成長，相親相愛，到爸媽老的時候仍繼續互相扶持！！

有家姐多麼的好：

1。家姐有無限玩意，行路可以玩黑白（踩黑/白，深/淺色的磚），可以玩平衡木，可以跳石頭，可以扮寵物，可以扮醫生/病人

2。家姐食得少，飲得少，次次都不介意同細佬分享，其實細佬食/飲多過一半

3。陌生的地方，陌生的遊戲，家姐永遠行先。不過，吱吱也有驚的時候，哈哈哈⋯⋯

4。免費禮物（派糖呀，送筆呀）家姐永遠攞多份，爸媽買雪糕記得係買兩柸

5。將自己喜歡的卡通介紹細佬，半迫人一齊鐘意。例如自己喜歡角落生物，就話細佬係鐘意炸豬排，哈哈哈⋯⋯

《大阪偷雞之旅—住宿篇 Hiyori Hotel》

今次入住了間超新的酒店，只落成了幾個月，就在平日住開的Fraser Residence Nankai Osaka的正對面！！真係超新，超乾淨，但都不是太大⋯⋯都勉強可以開到行李。洗衫只有兩部洗衣機，就在七樓，要入銀仔哦，以前Fraser是免費的⋯⋯下次再諗諗！！不過，今次一晚都不用HK$800，又幾抵嘅，哈哈哈⋯⋯

https://namba.hiyori-hotel.jp/

《大阪偷雞之旅—Day7》

最後的一天⋯⋯shopping day！！

Shopping前醫醫肚，去了魚市場，不過今天是日本的公眾假期，所以好多都唔開門。好彩海鮮丼專門店有開，9:45am到，排到10:30am，原來已是他們最後一批客人，已售罄！！

https://r.gnavi.co.jp/5acgh5tj0000/

食完就開始shopping，去完Aeon Mall，再去Outlet！！Yeah！！

今次是晩機，零晨12:00才到香港，嘩嘩一直唔肯休息，又要去廁所，激死人呀！！

《大阪偷雞之旅—Day6》

今日由朝玩到晚，全日都係Universal Studio Japan，勁啊！由早上9:30玩到晚上8:30，吱吱仲沒有睡覺玩足全程，勁呀勁呀！！嘩嘩好醒地係落雨嘅時候瞓覺，林太就可以偷雞坐咗一陣，休息休息。發現周圍好多父母都在休息，父母個樣完全冇電，但小朋友仲不停跑來跑去，哈哈！！

日本的民族出名鍾意排隊，今日排隊的時間相信花了三個多小時，吱吱和嘩嘩都總算合作，肯自己行，雖然周圍摸嘢，已經不錯了！！帶着兩小寶入去諗住hea玩，成績也算不錯了，玩了：

1. Universal Spectacle Night Parade
2. Sing on tour
3. The amazing adventures of spider-man the ride 4K3D
4. Despicable me minion mayhem
5. Freeze ray sliders
6. Hello kitty’s cupcake dream
7. Big bird’s big top circus
8. Elmo’s little drive
9. Moppy’s balloon trip
10. Elmo’s bubble bubble
11. Moppy’s lucky dance party

玩到8:30，仲要返酒店附近食嘢⋯⋯呵呵呵⋯⋯牛牛牛！！