LamBB's food journey

睇返些相，嘩嘩好似食嘢無咁叻，又易嘔，又唔識自己食，男仔真係蠢些？！哈哈！！但有朋友話林太扁心，對嘩嘩小咗心機比佢試食。好吧～～!比你試羊扒！再試燒鵝！！哈哈！！Yum～～!

Calia

林生係香港返嚟，又係睇到人哋的check-in，所以又想試Calia。哈哈！！嘩嘩也有份食，食了蟹哦！好味！
http://calia.com.au/

LamBB's food journey

睇返吱吱以前的baby food，真係有點難睇和單調，嘩嘩的多味好多！而且嘩嘩食得快些，餵佢開心些！哈哈！！嘩嘩已開始食飯，rice bubble，乳酪，和日本小零食。林太繼續懶，用了嘩嘩的purée煮意粉比吱吱食，夠營養哦！哈哈！！

家姐仔吱吱大個喇，鐘意餵baby，餵佢食包包，和baby food。乖乖！～～

LamBB's food journey.... purée

嘩嘩好鬼仔哦！鐘意食包，蕃茄，薯仔！哈哈！！對米糊不大興趣。一餐可以食差不多100g再加麵包，比起以前的吱吱，好似真係食得多些哦！

LamBB's 1st tooth

嘩嘩出牙喇！！吱吱一歳才出牙，比家姐快哦！
嘩嘩一直都唔肯食solid，前幾日突然食了成包baby food，原來是為了出牙作準備！可以咬嘢！！食多d嘢吧！！

Melbourne Cup Day

賽馬日，公眾假期。林生都係要返工，林太都係要做阿媽，無得放假。好彩有兩位保母，陪了兩個寶貝一個下午！
首先，去了Fitzroy garden，林太睇相以為很大，但原來只得兩樣嘢玩，滑梯和鞦韆。上滑梯的梯級勁斜，鞦韆只有兩個位。很快玩完吧！！
午餐去了食「拉丁菜」，哈哈！！拉丁菜原來是這樣？！
http://www.elatino.com.au/
之後，就是兩位保母出動喇！！陪吱吱彈琴，睇書；餵嘩嘩食嘢！呵呵呵！！

LamBB's food journey -- rice cereal

見嘩嘩對食物有興趣，立刻買了米糊比佢試。第一次！！未能成功！！哈哈！！「咦口咦鼻」！！哈哈！！

Healesville

本來想去睇櫻花（cherry blossom），但去到時太大風，公園關門。唉～～!無辨法啦！！去食個午餐，再去附近的小公園玩玩吧！
P.S.嘩嘩第一次食嘢哦！佢係枱攞了塊包包！

Home Cook X Sushi night

林太的幫手返曬香港，所以晚餐都是簡簡單單吧！有一晩，林生一早就瞓咗（因為第二朝要1am返工）。林太和吱吱兩個人，玩玩新意思，包壽司！！哈哈！！吱吱還記得幾日前的普通話堂，點樣做「飯團」，一樣吧！！哈哈！！佢食得又快又多！！叻叻！！

LamB's food journey....... Fine motor skills

為了食，吱吱的fine motor skills好叻，用筷子，刀叉無難度。吱吱進一步，食排骨，"met"蝦殼。勁！！！

LamB's food journey。。。。重口味

林大小姐除了鐘意食東菇，鮑魚，花膠，和海蔘外，她的口味都十分之大人！！吱吱仲食串燒，蠔和蜆。又食生嘢，日本的魚子/蟹子，意大利的煙燻火腿。甜品又食貴嘢，甚麼是貴嘢？！不是平嘢吧！例如麥記軟雪糕，牛奶公司雪糕柸，無味蛋糕仔。。。。唉！真難養！！
吱吱又學大人用筷子，但其實佢不太愛食嘢。次次的正餐都要又迫又請！！

LamB's food journey..... ice-cream

林生和林太都是一個naughty父母！比咗成枝雪條比吱吱食！哈哈！佢又食得很開心哦！！其實，佢無食曬成條，半條到啦～～！

LamB's food journey..... 海鮮餐

嘩～～!吱吱食得好爽哦！又鮑魚，又龍蝦！！
其實吱吱跟了林生和林太去壽宴，朋友媽咪的生日飯。本來只預備比吱吱食龍蝦既伊麵，但見鮑魚仔咁淋，龍蝦咁甜，咪比佢試下囉！結果食了一隻鮑魚仔，一舊龍蝦肉和三碗伊麵！！平日又唔見佢食咁多？！

上次係悉尼魚市埸，吱吱已食過龍蝦既伊麵，食完之後個身有幾粒紅點。幾驚是海鮮敏感！今次又無哦！好彩！

高級B

吱吱個嘴仔已經食咗很多貴野，再大些都唔知點算?!?林生同吱吱行D.O.C.，吱吱左摸右摸，拍拍拍拍!!!拍斷了些餅餠，有點不好意思，所以買返盒。嘩~~!!!AU$10.99哦!!!D.O.C.話係全人手做，用靚芝士做，係真唔係呀?!?不過，又真係好好食哦!!!

LamB's food journey..... 簡飲摘食

吱吱係屋企好惡的!!!一早要食餅餠唔飲奶。夜晚睇下有咩餸，可以唔食飯等食奶!!!有片有真相，睇下佢幾扭計!!!

有時候佢又好可愛的!!!第一次食新鮮玉米，好好味哦!!!

諗住佢可以自己慢慢食，但佢聰明地把所有搖矖出來!!!激死!!!

朋友介紹比小朋友食枝豆，可以訓練他們的手仔。吱吱好鐘意哦!!!

澳洲品牌的零食，又幾好味哦!!!吱吱可以一次食一包!!!

吱吱可以自己食粉麵，所以又試下不同的粉麵吧!!!

為食B..... Industry beans

有其父/母，必有其女。哈哈!!!吱吱有小小鼻水和小小咳，但仍然精力充沛，好似林生咁病都擋無事。又超為食，好似林太咁。吱吱偷食成功!!!食了polenta chips + mayo!!!哈哈!!!好味!!!一歲後，乜都食得啦，無所謂啦!!!哈哈!!!
註:Industry beans的食物和咖啡都好好味哦!!!!
http://industrybeans.com/

Umaido

暫時吱吱最愛食烏冬，最好是日本急凍個種。可能因為她能夠續條拿着吃，啜啜啜又一條!!!哈哈!!!為了她，去試試Umaido吧!!!(成日都無乜人咁，唔知好唔好食?!?)
試了它的冬日限定，北海道牛乳湯，有奶和紫菜，吱吱當然喜歡!!!但我就覺得是普通白汁，cream sauce，真的是北海道牛乳嗎?!?不過，烏冬都夠彈牙，OK哦!!!
https://www.zomato.com/melbourne/umaido-box-hill

LamB first babycino!!!!!

嘻嘻~~!!我和林生忍唔住喇!!想比吱吱飲Babycino喇!!!哈哈!!!同林生，林太一齊coffee time。我一直以為Babycino是免費的，今日才知要比錢哦!!!通常是AU$0.5-1.5，吱吱今日個柸要AU$2.5!!!!唉~~這個寶寶真愛吃貴野哦!!!!

LamB's food journey..... 日本米

吱吱由六個月開始，我們就嘗試比糊仔佢食。試了開的米糊，還有雞粥，魚粥，瘦肉粥。佢全部都唔多喜歡!!!食五口就收工!!!                          
以為佢要做鬼妹，要食薯仔。點知原來佢要做日本妹!!!要食日本米!!!!哈哈哈!!!!我們去日本時，發現佢食早餐的粥，和晚餐的飯。返到嚟澳洲就試試吧!買了日本米!!!真的食哦!!!!哈哈哈!!!!

LamB's food journey..... lunchbag

吱吱開始飲小咗奶，但正餐又唔食得多，最鐘意食小食/零食(如水果，乳酪和生果)。所以買了個A貨lunchbag比佢(Skiphop的反版@eBay)。哈哈!!
有時出街三，四個鐘也不用飲奶，帶少咗好多用品，連媽媽袋也不用了!!Yeah~~!!

吱吱繼續愛吃， 繼續新賞試!!!