貴州研學團五日四夜 // 返香港

今日返香港了，一樣是在廣州南轉車。導遊勁早帶咗去車站坐⋯⋯買定杯麵坐火車，原來唔同火車型號的廚房/menu都唔同！！今次連熱咖啡都無⋯⋯嗚嗚⋯⋯

貴州研學團五日四夜 // 貴州 // 西江苗寨

林生帶着吱吱去了福岡，細佬選擇去貴州捉棋比賽，林太好認真咁問佢真的嗎？！細佬好認真地回答：「日本成日都去，貴州的比賽可能只有一次，下次就不會是貴州了！我哋下次先去日本！」林太俾佢嘅認真嚇傻了，唯有陪太子讀書，報名參加！！其實報完名都沒有認真睇睇行程，只知道在高鐵站集合，哈哈哈⋯⋯今日勁早起身，坐地鐵去高鐵站，坐高鐵去廣州南再轉車，總共坐了四個多小時的高鐵終於到達「都勻東」站。之後上旅遊巴，再坐兩個半小時到達「西江苗寨」。導遊姐姐一路講普通話，林太的普通話麻麻哋，所以聽到一半半⋯⋯聽到話西江千戶苗寨景區被評為國家AAAA級景區，為保留原有面貌裏面係冇車，入園後要行！！諗住個團有老人家又有小朋友，應該唔會好辛苦，點知一落車見到一路的石春路已覺不妙！！跟住導遊不停向前走，又再向前走，行了半個鐘終於到！！苗寨的吊腳屋是沒有電梯，一定是行樓梯，結果拉着行李行了三層樓梯！！放好行李，諗住去食個飯就可以休息，點知，仲要睇夜景！！！不過，他的夜景真的很美，好像《千與千尋》的感覺！！很美，很美！！

行程：導遊都勻東高鐵站接客人後，前往西江苗寨，坐在苗家吊腳樓上，倚著美人靠，聽聽自然的聲音，喝杯濃香的苗家米酒，無比愜意。在山坡上建有大片苗家木質吊腳樓，層層疊疊咖啡色的老房子，晚上干戶苗寨的景色堪為一絕，家家戶戶亮起了黃色的燈，千戶苗寨也變成了一片燈的海洋。

15小時遊福田

Yeah！通關！各人的回鄉證到手，係時候返大陸玩！！買了08:25西九去福田的車票，但林生預早些的性格，所以07:00就離開屋企，出發！！有一個小插曲，就是忘記了帶小朋友的passport！！完全忘記了！！因為要用passport相片來認證身份證！！相信林生林太不是第一個吧，所以海關人員都寬容可以出關。不用15分鐘就到福田，商場還未開門，所以去飲個早茶！！依到飲茶有茶具玩，好得意呀！！之後，就是去商場，和商埸！！真是超大的商場！！林太其實係第一次行大陸商場，發覺飲品好平！！~¥20杯！！就算在餐廳，咖啡室，所有飲品都平過香港，林太好鍾意飲嘢，所以超開心，哈哈哈！！

高鐵——福田站 > 點都德 > Coco Park > 午餐——探魚 > 卓越 > 晚餐——小炳勝 > 高鐵——西九龍站

《兩日一夜長隆之旅 — Day 2》

第二天，當然是再入長隆野生動物世界。尋日見佢裏面咁多餐廳，諗住入到去先食早餐，點知全部餐飲都是11:30後先開！！嗚嗚⋯⋯帶着兩隻餓鬼行，分分鐘都在叫：「我好肚餓呀！」「我好攰呀！」「可唔可以抱啊！」⋯⋯好彩最後都捱到去熊貓餐廳，可以同熊貓一齊食午餐！！今日行了尋日沒有到過的地方，例如白老虎、熊貓、纜車和南美探密。南美探秘是介紹南美洲的雀鳥、猩猩和動物，很利害可以令這些動物咁聽話！！有時覺得大陸的動作園很殘忍，要一頭白老虎生十六次，小狗生三、四次都要休息吧！！但有時亦很佩服他們，諗到其他動物園/馬戲沒有做過的表演。

行到三點多已有點累，開始返回酒店，吱吱參加了「長隆C&N Camp」。原本的是去農場認識農作物，但吱吱的普通話有限，嗰段時間又只得佢一個人，最後好似係兩個工作人員帶他參觀酒店，行了90分鐘！？反嚟只畫了幅畫，哈哈！！這90分鐘，嘩嘩就在大堂小休，睡著了⋯⋯

晚餐都是去了美食小鎮，今晚識叫了，食海鮮，哈哈哈⋯⋯食完就坐的士去車站，買到最後一分鐘，哈哈哈！！

總結今次返大陸的體驗，酒店和樂園整體上的洗手間都很乾淨，但一到車站的就有點……大陸已進入e-money的時代，其實好方便，但如果冇支付寶/微信就很麻煩！！好似林太咁，就冇得俾錢，成日要跟住林生，哈哈哈……