香港兒童足球學校

大大話話細佬已經踢咗兩年足球，雖然中間有疫情停了很久⋯⋯但每個星期日，都會同依一班”波友”踢到身水身汗，勁！！林太頂不順了，放個暑假休息一下先！！Good job my boy！！

《第四期恆常足球班完》

林太一心諗住林生會”次次”陪嘩嘩，但點知只陪了幾次，林太就做了隻燒豬！！

見到嘩嘩由第一堂咩都唔識，用手搶球，玩到半堂就要走。到依家，玩足一堂，識用腳踢，鈎人哋個波。已經叻咗好多，叻叻！！

三歲小寶寶

通常做阿二都被忽略，林太都覺，所以依家要陪多些細佬！！而且三歲的小朋友很可愛，他們的語言能力和思考力都在發展中，所想所講的未必合情合理，但同佢傾計會很開心！！今日去踢球時，林太與細佬的對話：

嘩：太陽伯伯出咗嚟。

太：哦。

嘩：雲姐姐都出咗嚟。

太：係喎！

太：你叫雲姐姐遮住太陽伯伯，等你踢波冇咁熱啦！！

嘩：好啊，雲姐姐可以遮住太陽伯伯！

太：雲姐姐有時着白色衫，有時着黑色衫，你鍾意佢着咩色衫？

嘩：白色衫。黑色衫佢會行雷。

太（笑緊）：係呀佢着黑色衫嘅時候，雷神哥哥就出嚟啦！

嘩：係呀，兩個雲姐姐拖住手，雷神哥哥就會出嚟！！

香港兒童足球學校

細佬三歲，又可以上課，哈哈哈！！足球班呀，3-4歲，一班同齡的小男孩，一起跑跑跳跳，不錯呀！！但細佬第一次上課，玩到一半話累了不踢，好彩最後也返回跟大隊。佢又攪笑地「用手」搶球，哈哈哈⋯⋯希望你鐘意玩啦！！

http://www.ysahk.com/