意外

諗住落平台放放電，點知發生了意外⋯⋯細佬玩scooter時同對頭撞到，跌落地，頭流血⋯⋯嘩，嚇鬼死人！！一扶起佢，成手都是血！！嚇死，所以林太打了電話call白車。由白車帶入急症室。今天急症室好忙哦，全都是需要瞓床的公公婆婆。而且依個疫情，見到隔離嗰個咳，或者面紅紅，怕人哋發燒，就搬位坐，搬到無位坐。入到急症室，見完分流護士，見到是分流「4」，都知會有排等⋯⋯排見醫生，排照CT，排縫針，縫了兩針，由5:10pm攪到10:10pm，嘩嘩都小睡了20分鐘⋯⋯不過，總算是不幸之大幸！！