DIY — CNY greeting card

大頭蝦的林生林太，剛剛才發現上年新年的利是還未開。給他們開完後，那些可愛的利是封又不肯唔要⋯⋯那麼⋯⋯將可愛的公仔，字句寫下來，剪剪貼貼成為新的賀年卡吧！玩了一個小時，只做了兩張，慢工出細貨呀，哈哈！！將會送給他們的老師！祝新年快樂！！

小紅星 // 「童」心關懷手作坊zoom

上過小紅星的zoom好多次，今次話要收費（HK$100），本來都覺得有點奇怪，原來係會捐贈去買些頸巾比老人家，而且個材料包還有禮物，真係物超所值！！哈哈！！其實係教摺毛巾，將毛巾/手巾摺成花/小熊，又幾可愛嘅！！細佬摺了花，家姐摺了小熊。Thank you！！

「童亮。同玩」獅子山棋樂

上完「童亮。同玩」的家長zoom講座，講了一句：「兒童沒有遊戲，就如叫小鳥不能飛！」吱吱和嘩嘩是不是不夠遊戲呢？！所以腦塞？？Zoom學習越來越慢⋯⋯就攞盒「童亮。同玩」嚟玩吓！！今日嘩嘩選了「獅子山棋樂」。棋盤很簡單易明，但些體能活動/挑戰哠很可愛，很有心思。有一個是小朋友雙腳踩上大人雙腳，在家行一個圈，吱吱很開心，笑咗好耐！！哈哈哈！！

創新科技嘉年華 2020 — 創科DIY@Home學習套件

有家長介紹，八八掛掛申請了兩份—「4D Frame小火箭」和「4D Frame 小蝸牛」。費用全免，不過港島區要去筲箕灣攞，而且上年十月申請，尋日先有得攞。攞到之後，覺得好似好簡單，今朝就比細佬試試，噢⋯⋯KO了！！他們的對象好似是初小，哈哈！！其實是幼稚園年代用飲筒和泥膠砌圖形，不過，4D Frame的接駁位靚咗，容易些處理。細佬砌小火剪不用幫手，到小蝸牛有些弧形他就需要幫忙。佢仲好醒咁同林太講：「我分派依份工作比你去完成！」哈哈，笑死⋯⋯ https://enroll.innocarnival.hk/

DIY — Chinese Dragon Puppet

返多一個星期學，就放年假，上學期就此結束了！慘慘⋯⋯今個新年有冇得拜年？今個新年可唔可以同同學仔玩吓？放假之後可唔可以返學？⋯⋯唉⋯⋯唯有自己搵吓嘢玩，增添新年氣氛！！都是剪剪貼貼，農曆年的龍，寓意龍馬精神，步步高升！！ https://www.redtedart.com/wp-content/uploads/2021/01/Dragon-Puppert-Printable-watermarked.pdf

DIY — 湯圓

林太買咗包黑芝麻，諗住做角落生物湯圓。（一年前做過）但日日都唔夠時間，一係大少姐做功課太慢，一係二公子不感興趣⋯⋯今晚做咗佢，但一包豆腐剩返四份一，好似不夠玩顏色，最後全紫色吧！（紫薯粉）哈哈⋯⋯他們的出品大粒到⋯⋯⋯哈哈哈⋯⋯有冇人想試？！

叮叮

由上星期坐完叮叮後，天天問可唔可以再坐⋯⋯依家的星期六，坐叮叮好像變了例行公事！！其實叮叮行得咁慢，不像嘩嘩性格，點解咁鐘意呢！？

公公

細佬的小意外，相信最擔心他的是梁爸爸吧！哈哈！！山長水遠來陪他，食個早餐，玩了一個上午！廿四考公公！！

Friday movie with skittles popcorn

細佬個頭咁樣⋯⋯不夠膽出外跑跑跳跳⋯⋯留了在家。中午已玩了煮野食，下午就movie time吧！睇了《Wonder Woman 1984》，對於他們來說也有點難明白，到打鬥場面他們才興奮，哈哈！！在他們眼中只有好人和壞人，戲中的好人因為慾望而變了壞人，他們真的有點不明白！？唔明白，就食嘢吧！！用彩虹糖的甜味做嘅甜爆谷，林太最愛彩虹糖的紅色和綠色，就留下來私有化！！哈哈！！

Lunchtime // DIY Buchimgae

見細佬尋日咁慘慘豬，今日開心吓，午餐時間玩吓！先做「Buchimgae」（Korean pancake），個盒內有兩包粉，加水就可以了，味道不錯！！再包角落生物壽司，一盒60塊紫菜，一次比他們KO了！！

意外

諗住落平台放放電，點知發生了意外⋯⋯細佬玩scooter時同對頭撞到，跌落地，頭流血⋯⋯嘩，嚇鬼死人！！一扶起佢，成手都是血！！嚇死，所以林太打了電話call白車。由白車帶入急症室。今天急症室好忙哦，全都是需要瞓床的公公婆婆。而且依個疫情，見到隔離嗰個咳，或者面紅紅，怕人哋發燒，就搬位坐，搬到無位坐。入到急症室，見完分流護士，見到是分流「4」，都知會有排等⋯⋯排見醫生，排照CT，排縫針，縫了兩針，由5:10pm攪到10:10pm，嘩嘩都小睡了20分鐘⋯⋯不過，總算是不幸之大幸！！

啫喱仔

又係之前的食譜，超簡單，又好食！買了個新角落生物模，試吓先！哈哈！！

http://mrslamdiary.blogspot.com/2019/01/blog-post_17.html?m=1

DIY — truffle chocolate

屋企發現有兩支煉奶，就諗住做truffle chocolates。因為truffle chocolates只需兩樣材料，就是煉奶和可可粉（240g煉奶：100g可可粉）。但原來可可粉都唔平哦⋯⋯哈哈⋯⋯而且可可粉很危險，吱吱攪到全身全地都是，唉⋯⋯林太試完後，都忍不住加了榛子碎，好味些，嘻嘻！！

行上山頂⋯⋯

吱吱無端端話：「要好似爸爸咁行上山頂！」「我得嫁！我得嫁！」搵了吱吱的同學仔，佢又話可以行上山頂⋯⋯咁試吓啦⋯⋯結果行到日落才回家⋯⋯哈哈！！

叮叮遊

等咗好耐，終於有機會同嘩嘩坐叮叮！叮叮實在太慢⋯⋯所以成日趕著⋯⋯不夠時間坐⋯⋯哈哈！今日由西港城坐到返屋企，慢慢的，叮著！嘩嘩很興奮呀，高高的，可以見到貨櫃車頂，紅綠燈頂，同巴士一樣高！！

益力多小船

屋企的益力多樽攞嚟玩，又簡單，又好玩！玩完可以分開，橡筋，樽可以再用！Very good！！

My little violinist

原來吱吱由2018年10月開始學小提琴，已學了兩年。剛剛考了二級，有distinction，林生林太當然開心！起初都無乜練習，所以沒有聽「湯雞」聲，哈哈！！到疫情開始，才開始天天在家練習。計返條數，原來依個兩級琴是用了差不多三萬元來換取，嘩⋯⋯⋯哈哈⋯⋯

《迷路的蛋》

細佬有個興趣班，隔離開了間書店「小皇冠童書館」，有香港印刷和出品嘅圖書。上星期已買咗幾本，今個星期嚟上堂時，又忍不住入去行個圈。今次林太好叻叻，沒有破財，哈哈！！不過，係入面同嘩嘩睇了本書《迷路的蛋》。封面寫着”自我認同繪本”，故事內容講述有一隻蛋迷路，唔知道邊個係佢嘅爸爸媽媽。講到太陽落山，西斜照著隻蛋，見到裏面的影子，嘩嘩唔多明白⋯⋯返屋企試吓吧！！噢⋯⋯是見到蛋黃的！！很久沒有照雞蛋！！很可愛哦！！

「童亮。同玩」大澳奇想

依排在街上都見到一些媽咪拿著「童亮。同玩」的盒子，林太都十分好奇，終於到嘩嘩學校派發。可以開箱了！！幼稚園繼續停課，可以開來玩玩，有些地方是我們熟悉的，睇吓可以點樣玩？！第一課：大澳奇想。上個月才去完大澳，睇吓吱吱和嘩嘩記唔記得先？！等嘩嘩介紹一下棚屋！！

https://family.caritas.org.hk/zh-hk/services/view/123#.X_0xkeTdklQ

https://m.youtube.com/channel/UCBhoUisVZrecJSIUgXNAnLQ

下午茶 — Choco chips muffins

又嚟下午茶時間！！在網上見到個食譜好簡單，只要將”乾材料”攪在一起，再加所有的”濕材料”攪在一起，就得！磅好了所有材料，等吱吱和嘩嘩「攪」就OK了！！他們一邊攪，一邊偷食Choco chips，又話唔夠要加！！最後加咗好多！！不用15分鐘就攪好了！！ https://blog.ulifestyle.com.hk/seahorsebb/4109877/

甩牙妹！

上年十一月，吱吱已投訴隻牙”鬆鬆地”，但林太一直唔覺⋯⋯等了又等，終於見到粒”豆仔”，粒豆仔越來越大，但隻乳齒仍然不動。林太擔心到想帶佢睇牙醫，有媽媽朋友話繼續等啦⋯⋯終於等到了！！甩牙妹！！Yeah！！六歲七個月二十九日開始換牙的旅程了！！

西高山的祕道

星期日，又是早早出發（10am）上了山頂。小朋友已記得上西高山的秘道，嘈着要上去。林太諗住偷懶⋯⋯但吱吱和嘩嘩不斷話：「媽咪，我想你一齊呀！」結果一齊爬上西高山！但一開始，嘩嘩已不見了，一馬當先沖了上去！！太強勁了！！

DIY — 麻薯波波

停課期間，林太同吱吱和嘩嘩煮過不少嘢食，但嘩嘩係面試班答老師：「媽咪只會自己煮嘢食。」又失憶了，又再loop麻薯波波。依次仲有減價，林太見佢哋得閒，叫了他們切火腿加落去，仲加了芝士！！依個牌子好味哦！！還是，他們打得夠大力，好QQ呀！！哈哈！！

數學環保玩具

一直都是zoom zoom zoom，之後又放聖誕假，林太完全傻咗！！唔記得要做功課，更加冇諗住溫習！！哦！！原來要交功課啦？！嗱嗱臨同吱吱一齊做，第一日花了一小時做黏土，等黏土乾的第二日花了兩小時合併，再花了一小時寫報告！！登登登登⋯⋯完成⋯⋯哈哈哈⋯⋯見笑了！！

Happy New Year // 西高山

Happy New Year！！新的一年新的開始！！希望疫情好快過，大家可以周圍去！！林太亦係新的一年，第一次上西高山！！但因為一月一號太多人，林生話有一條小徑沒有人知，林太就跟著去了⋯⋯點知是要爬石，捐過窄窄的樹林！！小朋友們很興奮，他們有着冒險，刺激，挑戰難度的精神！！最後都到達西高山！！強呀！！