今個旅程：
高鐵來回車票
一晚熊貓酒店親子房
二張大人（二天）長隆野生動物世界門票
長隆國際大馬戲門票
送一個小童90分鐘的托兒服務或參加「長隆C&N camp」
共HK$5000
咦⋯⋯都唔平哦⋯⋯所以要玩盡些，選擇了較早的高鐵，08:25開，去到立刻玩！！
林太大鄉里出城，個機鐵站好靚呀！！不過太早出發商店都未開，連早餐都未食，duty free都未行，就上了車。有點像機場，騙了兩小寶以為搭飛機，哈哈哈！！上到高鐵時醒晒，車程沒有再瞓，完全坐不定，好彩只需45分鐘就到！！
由車站再坐的士去到熊貓酒店，吱吱最愛的「熊貓」哦！！見到隻人扮熊貓已經興奮到要排隊影相！！（但林太只見到隻黐粒粒的污糟熊貓，仲要¥99張相）放低行李就開始入動物園玩（長隆野生動物世界），的士叔叔提議由北門開始玩起，就由北門入，玩到南門，由10:45玩到15:00，嘩嘩玩到無電為止。
入到長隆野生動物園世界，見到好多人排小火車，就排小火車吧！！都排了差不多30分鐘哦！！小火車的路線，可以自駕遊/包車/的士行，但都不便宜哦，坐小火車算吧！！小火車沿途經過很多動物，但不會停下來給你時間拍照，絕對是走馬看花，哈哈⋯⋯玩完小火車見未肚餓就繼續行⋯⋯沿途都是順路要繼續行，林太被迫要行入「金蛇秘境」，睇個名都知係睇乜啦？！所以林太不會被騙，全程瞌埋眼行，攬住林生，林生變得強大了，哈哈哈！！下午仲餵了長頸鹿，¥30一枝樹枝，不過吱吱和嘩嘩未夠高，長頸鹿都食得幾辛苦！！
今次入長隆野生動物園世界嘅體驗，比起八年前林太的記憶，好似大咗好多，乾淨咗冇咁臭（又可能是冬天吧！）。大陸人又不是咁冇禮貌，餐廳/餐飲有好多位置，雖然人多但係唔迫，而且價錢合理。感覺總算良好！！
返到熊貓酒店攞房，雖然只得一年新的酒店，但牆身和地氈都有點舊/污跡？！地磚/雲石都有水漬/咖啡漬？！房間都幾大幾舒服，還有按腳機，不過要另外收費，哈哈。全家休息一會再出發睇馬戲。
今次的套票沒有包自助餐（早/晚），所以只去了美食小鎮（food court）食晚餐。快快食完就去睇馬戲。馬戲是7:30開場，六點多就去到，但預留比酒店嘅位置已經滿了，最後要坐到D section。90分鐘的馬戲沒有悶場，亦差不多全院滿座，勁呀！！兩個小寶貝睇得勁興奮！！嘩嘩仲話要學特技單車！！睇完之後，仲返酒店食宵夜！！
No comments:
Post a Comment