林太偷走到土耳其Day13 // 亞洲 // Egyptian Bazaar (MISIR CARSISI）

今日坐船過去土耳其的亞洲部分，二十幾分鐘的船程就到，幾方便，而且又平！！過到去諗住食「fish wrap」，但竟然無得賣！！哈哈哈⋯⋯亞洲區出名是有大大幅的壁畫，題材好random，不過幾靚！！亞洲區感覺好似較繁忙，多車多巴士多金舖。不過，無咩嘢行/買。最後，坐船返返去，又是遇到日落，好晒呀！！之後，逛逛Egyptian Bazaar，好似 Spice market咁，都係買唔到嘢，所以決定早點吃晚飯，之後喺酒店試吓 Turkey bath。林太叫佢做「卒老泥浴」！！有點像一隻大肥豬在砧板上，俾人醃製！！哈哈哈哈⋯⋯

林太偷走到土耳其Day12 // Yerebatan Sarnici Museum // Blue Mosque

尋晚嘅青口搞到勁肚痛，今朝胃口都不太好，所以早餐食咗好少嘢。今日唔使飛，不過會轉酒店，轉一間靚仔啲，作為今次旅行的總結。Check-out後就去新酒店check-in，之後搵佢哋嘅郵局（叫「ppt」），寄完Postcard之後就到「地下水宮殿」（Yerebatan Sarnici Museum）。曾經是神殿/地下水庫，十分有趣！！林太見排隊的人龍不多，所以最後冇上網買預訂門票（網上的較貴）。入到去順流行一個圈，燈光會轉變，所以大家都在等唔同嘅燈光影相。行完出嚟又到下午，可以食嘢，哈哈！仲未試過土耳其薄餅，就試試看吧！又幾好食喎！！仲試了他們的甜品和土耳其咖啡！！之後就行過去Blue Mosque，女士們記住要包頭、長袖衫、長褲。是免費入場，入去前記住除鞋，個個都除鞋，所以入面有少少臭腳味⋯⋯清真寺嘅圓頂真係好靚，是古時的人觀看日月星辰計算出來的圓頂，相信亦可以靠近神。睇完之後返酒店換件衫，着返件褸準備夜遊伊斯坦堡。一早預約了這個「船河」，可以睇到兩邊嘅風景，包了3 courses dinner，汽水無限暢飲，仲有土耳其各種民族舞睇⋯⋯節目都幾豐富！！十分之準時，由晚上八時半玩到十一時半。

http://yerebatansarnici.com/

林太偷走到土耳其Day11 // Dolmabahce Palace // Ataturk Cultural Museum

尋日check-in時，先知道酒店包早餐，咁多日林太都冇食早餐，因為未醒哈哈哈⋯⋯所以今日特登早啲起身，爬落去食早餐！！最驚喜是他們有honeycomb，好正呀！！之後，就學坐叮叮，「過海」去睇皇宮。其實而家土耳其已經再沒有皇室成員，但之前嘅皇宮/有錢人住嘅地方就變咗博物館開放，Dolmabahce Palace有多個打卡點，好似幾靚，就去睇吓！！所有室內地方都唔可以影相，林太有偷偷地影幾張，確實幾靚！！值得一看！！林太仲買了一粒Sultan Stone戒指，希望能夠得到以前嘅Sultan眷顧，可以有錢啲（以前嘅皇親國戚/有錢人，個姓都係Sultan）。哈哈哈⋯⋯行到勁攰，所以坐低飲杯嘢先，再行去搵午飯。去咗間食土耳其雲吞，傳統嘅土耳其雲吞好似我哋嘅水餃，細粒啲，都係烚嘅；而家有炸嘅。兩樣都試了，不錯啊！之後行返去Ataturk Cultural Museum睇他們的圖書館，因為他們的圖書館已列入世界最漂亮圖書館頭十名，哈哈！！圖書館真係好新，仲有好多位放書！！其實最想睇他們裏面有個圓波波設計的Türk Telekom Opera Hall，應該會有一流的音色，可惜冇開⋯⋯唯有繼續行其他地方，晚上試咗佢哋嘅青口，青口釀飯！！好搞笑！！味道可以嘅，但食完之後林太肚痛了⋯⋯還是甜品太甜呢？因為林太試了土耳其出名嘅甜品，baklava，真係甜到一個點！！！

林太偷走到土耳其Day10 // 四川航空 // Loti Rooftop Bar

今日真係D小姐連環不幸事件，一出門口發現部𨋢唔郁，攞着廿幾kg行李行樓梯落去；行咗一陣，發覺條褲濕濕地，原來手袋裏面樽水漏水，救命呀！！去到巴士站個行李PK落杯咖啡到，結果miss了一班機場巴士，要等20分鐘，所以去到機場比較趕，退稅又退唔到，排長龍，排到要final call！！好彩，最後也順利上機，今次坐「四川航空」，平時冇諗過會坐依間航空公司，其實也可以！！最後順利落機，順利去到酒店，發覺全日都冇食過嘢（正餐），所以嗱嗱臨搵嘢食。去了一間Roof top餐廳，諗住睇日落，曬到暈咗！！哈哈哈⋯⋯

Loti Roof Lounge - LotiPoints.com

林太偷走到希臘Day9 // Changing of guard // Ergon

每個星期日上午十一點是雅典嘅大型換兵儀式，Changing of guard，會封路。好似好大型咁，所以特登預留今日去睇。上午十時半到達，已經人山人海，又好鬼曬！！林太又生得矮，睇到人哋頭頂，乜都睇唔到！？哈哈哈⋯⋯不過都繼續等，首先有他們的銀樂隊出場，相信是奏起他們的國歌，之後就是換兵儀式。真係曬到人都燶！！之後就周圍逛逛，經過一間米芝蓮一星嘅餐廳，就走咗入去試試，竟然咁好彩有位！！其實食啲casual嘢，最出名係佢哋嘅麵包，好好食！！好正！！好chill！！星期日，本來想繼續行街買手信，但原來星期日大多數舖頭都是關門休息！！所以唯有繼續景點打卡，到咗雅典較雜的地區，又不是想像中那麼差；去了他們的銀行、公園、大學、圖書館、舊國會大樓⋯⋯他們下午六點仍未天黑，所以chill住咁飲杯cocktail寫下postcard，再買外賣返酒店食，因為酒店有Netflix可以繼續煲韓劇，哈哈哈哈⋯⋯

ERGON

林太偷走到希臘Day8 // Acropolis // LUKUMAΔΕΣ

今日的大日子就係去睇Acropolis，諗定食個早飯，有足夠體力行上去，點知係未開！！？結果，早餐食他們嘅冬甩，LUKUMAΔΕΣ。食完仲好早，就順路去睇遺址，一樣沒有比入場費，出面zoom入去影，哈哈！！準時11:45排隊，因為超多人！！行他們的雲石樓梯极，好彩不是太滑，但是沙塵滾滾，又大風！！！吹到個頭好似獅子王咁！！期待已久嘅相，影到好似獅子王咁，無限NG！！哈哈！！個頭簡直接受唔到，要特登買支護髮素返去洗頭，沖涼！！！終於食到佢哋嘅超人氣Kebab，排了半個多小時，真係超好食！！超多汁！！超推介！！之後，就周圍行，晚上喺「街邊」食海鮮，好local啊，哈哈！！超大的海鮮， 10歐一碟！！！好熱鬧呀，正呀！！食完仲有位食雪糕，完美。