林太偷走到首爾 Day3 // Miffy與魔法信箱 // 高速巴士客運站 // Wild Wild After Party // bhc chicken // 東大門

林太的朋友仔是Miffy粉絲，見到有Miffy展，當然要去走走！！HK$95的入場費，林太心諗應該不會太大，結果喜出望外，都幾大⋯⋯而且，每一個展區都有打卡位，等吓影吓，都要花時間呀！！之後，就在Miffy展附近食個lunch，再下一站。去到「高速巴士客運站」的地下商店街，有點似旺角中心，乜都有得買，不過要小心有些是淘寶貨，哈哈哈⋯⋯林太買了一大袋，朋友們也是，只好租個locker，先去睇show。要去睇猛男show！！！一班像林太的中女去看猛男，個個都有點兒怕羞，又有點期待。哈哈！！猛男們又高又大隻，真係好吸睛！！他們的肌肉剛剛好，不是大隻到Hulk咁，就是女孩子喜歡的肌肉！！個show大概75分鐘，睇完啱啱好可以食晚飯！！睇完食慾大增，去咗食炸雞，還有特備節目，朋友仔生日剪蛋糕！！Happy Birthday！！沒有小朋友的晚上，可以繼續shopping⋯⋯

亞洲最大規模《Miffy70週年紀念展：Miffy和魔法郵筒》

展覽日期：即日至2025年8月17日

⁡地址：Insa Central Museum (인사센트럴뮤지엄), B1, 49Insadong-gil, Jongro-gu, Seoul

Wild Wild After Party

地址：明寶藝術廳（ O三喜）Raon Hall /Daon Hall B1, 47 Marennae-ro, Jung-gu, Seoul(1₴

특별시 중구 마른내로 47 지하 1층)

http://www.w2company.co.kr/artist/wild-wild

林太偷走到首爾 Day2 // KLOOK — 鎮海軍港節 - 櫻花慶典一日遊 // 明洞韓食王妃家 （Hansik Wangbijib）

第二天的行程，是特別報名的！！跟了KLOOK的一日團，去「鎮海」看櫻花！！他們的相太吸引了，所以林太未去之前，已經強烈要求要參加！！多謝朋友仔陪伴，來回的車程要坐八小時多，仲要早早出發！！多謝晒呀！！林太知道要睇櫻花，所以特意扮靚靚，但搞笑地太耐冇黐眼睫毛，最後要朋友仔幫手喺Starbucks到黐眼睫毛，哈哈哈！！結果乖乖地坐了四個小時，到了鎮海這個地方，第一站其實只是一個公園，有一個火車頭，排隊拍拍照！！！就到另一景點，拍照和食午飯，亦遇上鎮海軍節巡遊。整個旅程其實只行咗三個半小時，又再坐四個小時返去。返去明洞食晚飯，因為已經夜了，就走入一間食韓燒。朋友仔二號唔食牛，所以叫多啲「豬腩肉」，呵呵呵呵⋯⋯

林太偷走到首爾 Day1 // 明洞 // Hello Kitty Cafe // Sinsa kkotgedang Apgujeong Rodeo // Nine Tree Hotel Dongdaemun

林生去咗兩轉日本，林太都唔執輸，要飛返轉先得！！今次去韓國旅行，機票和酒店都不是特別平，可能是櫻花季節，亦可能是香港的長週末？！不過唔理了，林太要去旅行！！！Yeah yeah yeah，成功偷走，仲引誘咗朋友仔拋夫棄子一齊去，哈哈哈！！坐07:15機，沒有delay，去到坐埋巴士，剛剛好15:00 check-in，坐6001號巴士，喺正酒店門口落車！！上一上房，就去明洞的Hello Kitty Cafe，有朋友仔2號預先去Hello Kitty Cafe攞位，所以一去到就入得。三層嘅Hello Kitty Cafe，最高嗰層係買嘢，見到其他人買完嘢食之後，就霸住個位，上樓上買嘢和影相，林太當然照做啦！！哈哈哈⋯⋯食完早/午餐，喺明洞換韓元，和行行街。又食晚飯了，食返餐醬油蟹！！Yum Yum Yum！！之後，返酒店附近Olive Young買買買，返酒店即用！！

「多多美麵飽西餅公司」麵包廠連親手製作麵包及鮮果撻工作坊

又嚟同學仔包團工作坊，實在太人強馬壯，次次都可以成團！！哈哈哈！！今次嚟到麵包廠，其實只是做造型麵包，和水果撻。兩個小時勁密集的行程，完全沒有悶場！！但其實地點較遠，要一小時車程，趕住回家接細佬，冇得同同學仔繼續玩⋯⋯

多多美麵飽西餅公司：葵涌打磚坪街97-103號金富工業大廈1樓全層

March’s lunch box

好鬼忙的三月，又有考試，又有測驗，放學時間又唔同⋯⋯有開心的寶寶，早放學可以同同學一齊食飯。更有最特別的一次，就係落禮堂食飯，細佬竟然交齊功課一個學期，可以參加學校聚餐，有得加餸：叉燒和紅腸！！！繼續努力！！

北上七小時

好耐無北上，林生林太見小朋友今日有課外活動，遲啲放學，就北上！！哈哈哈⋯⋯其實都無咩特別，都是先來柸咖啡，洗個面，食個火鍋，再行一行街街就回程！

香港海事博物館 // 「等我教你點開新」工作坊

林太知道香港海事博物館開放日，細佬又考完試，所以就諗住同佢嚟行吓，而且仲有免費工作坊，一早報定睇吓有冇位。其實報嘅時候都唔知做乜，仲以為係3D睇影片，哈哈哈⋯⋯原來是水上人介紹一下「開新」 = 「出海」。香港以前是一個小漁港，多謝這班水上人令香港漁業大盛！！其實他們的捕魚工具都十分簡單，捕魚真係好需要時間，收穫未必穩定，真係有啲慘⋯⋯去完工作坊，仲可以行吓博物館。以前未有飛機，船運真係好厲害，靠着簡簡單單嘅指南針就去咗咁多地方！！