Mr & Mrs Lam

Sunday, 10 December 2023

今個年度第一次落場比賽，好似比上年好咗好多，但其他隊伍依然更勁！！其實運動真係要花時間，同音樂一樣，真係比幾多時間，係睇得見！！今次去大埔比賽，近近地，搵了梁公公和梁婆婆食午飯，祝梁婆婆生日快樂！！身體健康！！

其實比賽應該要懷着甚麼心情？見到別人家的孩子只攞到第二都發脾氣，心有不甘。我家的孩子：「噢！我有第五名呀！」之後，去咗玩。是他不夠認真？！還是，自己知自己是，不夠斤兩？！不過，上次對依位妹妹大敗；今次，追到10:8先被淘汰，都算是有進步吧！

唉⋯⋯又到考試時間⋯⋯有人溫書溫到瞓著！！唔知係唔係病病地？！但總之只答你一句「唔識！」成績認真麻麻！！一考完試，學校就係咁出填色比賽？！真搞笑！！細佬應承咗，每晚兩篇閱讀理解，希望會有幫助吧！！

吱吱的同學仔十歲了，咁快就十歲了！！都做咗七年同學！！看著佢哋長高長大，自己的性格亦越來越強，越來越有個性！！希望大家身體健康，幸福快樂地成長就夠了！

細佬的考試週，12:45放學，所以”順便”先送飯給吱吱，再接仔。今個月做多咗幾次公仔飯盒！！加油呀！！

小擺設創作工作坊(共2節)

時段：22，29/11 11:00 - 13:00

諗來諗去都唔知送乜嘢俾林生做生日禮物，林太本來想自己做一隻陶瓷小擺設，但原來要等一個月，最後同林生一齊上課吧！！提早的生日禮物/慶祝，希望你喜歡！！

上到去，一間小小的工作室，大大嘅窗，喺度做嘢好舒服！！林生林太的藝術細胞也不錯吧，抄下老師嘅作品，加啲減啲，哈哈哈！！老師好好呀，一早預留超時嘅時間，一啲都唔趕（係自己食飯趕時間，之後接小朋友）。兩堂做好了！！期待收到作品！！

又嚟圍棋比賽，佢輸咗一局，好彩贏咗個馬鼻，有冠軍！！佢不知幾緊張！！佢都有着緊的時候！！哈哈！！個棋力評估分group，佢D組22-27級，所以較易贏（佢22級）。之後，升C組13-22級！！有排追，加油！！！上apps玩時，試過全勝！！全白色！！好壯觀！！