當文歷餅店

佢喺中環開多間分店，一直都未幫襯添！！哈哈⋯⋯今朝早要去中環，結果就買咗兩個返去，真係好鬼靚！！林太最愛栗子，好味！！

香港新聞博覽館

林太在Facebook見到這個博覽館，見兩個小朋友好似好耐沒有去導賞團，就報名參加。本來覺得有啲貴，但去到才發覺原來是志願團體搞，除了政府的免租，其他開支都要自負盈虧，真係有啲難，值得支持支持！！帶領導賞團的Kenny哥哥好有心機，雖然細佬不斷走開，但佢都嘗試令細佬有興趣！！展品當中的「999機」最為深刻，第一代的狗仔隊偷聽消防及警察通話，再第一時間去採訪！！吱吱和嘩嘩當然是最喜歡體驗遊戲，做小記者，當然睇唔切中文，講唔到，不過都好搞笑！！哈哈哈⋯⋯臨走時，仲可以免費揀一本書，吱吱揀了一本《聰明爸媽慢教孩子》，哈哈哈是給誰看？？

親子同遊「香港新聞博覽館」

。導嘗（約30分鐘）

。1張「我上頭版」照片

。4 張新聞體驗遊戲劵（「直播中」；「控制室實戰」）

。4 本贈書

。未滿 12 歲子女獲發紀念品及趣味工作紙

https://www.hkne.org.hk/web/zh-hk/index

繪畫比賽 // 蛋糕設計比賽

細佬又一傑作！！嗰排細佬不斷做海洋生物的輕黏土，成日睇魚！「夢幻海洋世界」這個題目，他應該有興趣，所以試試！！結果，細佬攞了優異獎，Well done！！（一名冠軍，六名優異奬）雖然佢有一點不忿，覺得自己的靚過冠軍，哈哈！！不過，有個頒獎禮已經很開心，令他有飄飄然沾沾自喜的感覺，哈哈哈⋯Thank you！

LamB's P3 - 1st test

小一至小二的不斷停課和zoom，攪到小朋友有點懶散⋯⋯唉⋯⋯還有點文盲和退步！！吱吱逼極都儍笑？！是太樂天？！還是太懶？！結果⋯⋯麻麻地，最大的問題是吱吱覺得OK，他就是這個grade，唉⋯⋯

中 65.5

英 70.5

數 85

常 73.5

Vivienne Westwood Cafe 外賣英式下午茶

家姐仔終於測完驗，雖然只是短短四天，但係林生林太已死咗好多腦細胞！！唉⋯⋯所以林太買了個tea-set，補補個腦！！哈哈！！

小一默書

因疫情關係，細佬係幼稚園真係未試過默書，遊戲方式認字/寫返個字出嚟就有。雖然有學英文拼音，但好似對一句完整英文句子沒有太大幫助！！第一次英文默書，已經是完整句子！！他連「I」「am」「are」「and」都唔識！佩服他逐隻字死記下來！！練習了幾個星期，終於有100分！！叻叻！！獎勵是彈波波，哈哈哈！！繼續努力！！

小朋友的留白

作為爸爸媽媽都知道要留白，但又唔想無聊？！叫小朋友二選一，就兩樣都想⋯⋯可以點簡？！其實功課做快少少，冲涼冲快少少，食飯食快少少，已有一小時的空白，哈哈⋯⋯林太已盡做，課外活動要在校外食午餐再帶回校，之後又要趕功課！！唉⋯⋯媽媽也需要一點留白！！