ABC Cooking // Restaurant Meal with Acqua Pazza & Home-Baked Focaccia

嘩！上次上cooking course已一年前！！一直諗住小朋友上學後會有時間，但原來又要接放學，又要上興趣班，都沒有時間！依家仲有20堂未上，哈哈哈！！今日的食材全部都是冰的，但又幾好味喎！！奇怪！？

Kiwi August — Marble timer

好耐沒有開箱，因為一係要做功課/溫習，一係出咗街。尋晚哈囉喂玩得太夜，今日hea hea地，在家開箱。吱吱和嘩嘩自動波開嚟玩，林太一邊晾衫，一邊聽到他們的對話：「你（嘩嘩）幫我準備一粒綠色，一粒橙色，一粒青色。」嘩嘩就照做，有共同的目標，可以分工合作真是不錯！！林太晾完衫諗住幫吓手，點知他們已差不多完成！！吓⋯⋯咁快⋯⋯不用三十分鐘已玩完！！哈哈哈！！咁就有點貴哦，唔抵唔抵！！

Happy Halloween

林家好少慶祝Halloween，亦只是試過一次係自己的大廈攞糖。因為始終是鬼節，沒有需要特別慶祝吧！！今年的疫情，更沒有trick or treat，好彩有朋友仔攪飯局，可以去玩一下。哈哈！！林家變了Mario一家！！！哈哈！！Happy Halloween！！

賣旗日

因為疫情，好耐冇得賣旗啦，今日細佬有得賣𣄃呀！！但似乎姐姐們更加落力幫手！！多謝你們哦！！

The wonders of life X 童畫

終於有得玩了！唔知依堂平時都係咁少人，還是因為疫情，所以更少班教學？！上完依幾堂，吱吱更認識動物，更用動物來作比喻。「我好似隻駱駝咁，不用飲水！返學前飲完，放學先要再飲。」「我的皮膚好似仙人掌咁！」「啄木鳥是樹木醫生！」哈哈⋯⋯有趣有趣⋯⋯

【鳳園蝴蝶節 - 植物導賞活動】

秋風起，應該去吓郊遊！但今個星期是long weekend，相信些熱門地點一定會好多人，所以走了入大埔，鳳園蝴蝶保育區，行吓山睇蝴蝶。見有導賞團，林太就預約了。一直以為導賞團是介紹蝴蝶，但行行吓才發覺係介紹植物，哈哈哈⋯⋯細佬一早去了劍擊比賽，所以有點累，行行吓只想搵狗仔玩，甚麼也聽不入耳！途中蝴蝶就影唔到，它們飛得太快，但真係有好多！！！

導賞日期：每個月的最後一個星期日 9:30 或 12:00

地點：鳳園蝴蝶保育區

內容：鳳園蝴蝶保育區內的風水林植物及中草藥

費用：活動費用全免，訪客只需繳付保育區個人參觀即日通行證之費用 (20元正) 

https://fungyuen.org/

Primo Fencing 小人仔小比賽

之前的暑期證書課程已完結，還有個小比賽，今日舉行！！當然是分年齡，和分性別，所以有四組，總共十四個小朋友。嘩嘩個組個個都細細粒，沒有甚麼技術，就是鬥快冲呀！！哈哈哈⋯⋯很可愛！！嘩嘩個組四個小朋友，攞了亞軍，哈哈！！