DIY — 畫動物

吱吱真係長大了不少，而家佢可以跟住step by step學畫畫。林太年幾前買咗依本書”I can draw farm animals”，終於用得著！！畫得很攪笑，林太替佢哋畫返黑邊，也不錯吖！！

DIY — 輕黏土動物公仔

吱吱學校有新的親子功課，題目是「動物」⋯⋯既然是動物，動物就是主角吧，所以林太就去咗買兩包動物，哈哈！！回家後數下啲動物仔，諗下點玩嘅時候，比人哋話”無heart”，”啲動物唔夠靚！”，”怪怪的！”最後林太決定用輕黏土自己做吧！！個幾鐘頭做了十二隻，夠吧？！但屋企沒有工具，用了牙線來幫手，哈哈哈，又幾OK喎！！！小動物貼了眼睛，好精靈呀！！第一次做都算不錯啦！！！

大樹先生的家，銅鑼灣站

Back-dated 03/02/2019

終於港島區有間了，去睇吓先！！

一入到去，感覺上係細小小，但多了些元素。有水玩，但唔多小朋友玩，可能只得釣魚，又好易釣，如果些魚可以游/動就好了！！還有個LEGO機器人區，有遙控玩，不過不能真打交，所以只行前行後⋯⋯大樹先生的家最靚的波波池也較細⋯⋯但食物精緻咗，啱食咗！！

不過嚟，都是為了小朋友。一邊玩的時候，大人可以傾吓計。所以也是一個好選擇！！！

https://m.facebook.com/Mr.Tree38HK/?locale2=zh_HK

Doreamon Post Office

林生林太超低B，一早去銅鑼灣食早餐，之後就去了叮噹郵局寄信，寄給未來的你！！對，真係寫信；真係寄給未來！！其實是寫完的明信片，可以寄存至你想寄出的月份，才替你寄出。林生超鍾意叮噹，所以就買了一大堆明信片，寄給未來生日的人⋯⋯其實依個年代都沒有人寫信，亦都有點無聊，其實是消費，但當有人陪你一齊做無聊的事，又幾開心喎！！

九井寿司 // 豐田夢想車創意繪畫工作坊

因為下午要去九龍灣，所以就去了Megabox食午飯。吱吱還記得九井寿司有禮物送比小朋友，想再去！！吱吱去到，第一時間簡禮物，不過已沒有上次的PJ Mask車車，攞了隻蛋，仍然是PJ Mask，已經夠開心，不用食了，哈哈！！

之後，去了豐田汽車陳列室，參加了「豐田夢想車創意繪畫大賽2019」。其實可以自由參加，不過Ohpama預備了一個工作坊，有姐姐教路應該點樣畫！？可以從個「車樣」或是「車裏面」入手，吱吱繼續新春大作，畫了一架「豬車」。林太叫佢記得設計張大沙發比媽媽係車上瞓覺，又有喎，哈哈！！

DIY — 費納奇鏡

小時候喜歡在書的每一頁右下角畫個公仔，然後好快咁揭書，個公仔就會好似動畫咁。這個是同一道理，不過是不停旋轉，所以公仔會不停郁，直至停掉電源為止。林太小時候以為是眼睛看得不夠快，所以睇唔切，誤以為畫面在動。原來是有正確的解釋 — 視覺暫留。原因是由視神經的反應速度造成的，其時值約是1/16秒，對於不同頻率的光有不同的暫留時間。

今次又玩依個DIY pack，實在好方便容易，吱吱都可以自己做到。林太做了小幫手，替他滅雙面膠紙和對齊紙邊。因為會用來交功課，怕學校以為是爸爸媽媽做晒所有親子功課，所以就拍片，哈哈哈！！！成品幾可愛啊！！！

https://m.youtube.com/watch?v=zNU0nCayfqM

「港鐵安全體驗天地」參觀活動

新年最後一天的假期，約了吱吱的同學仔們去「港鐵安全體驗天地」。其實是林太的私心，自己想去，但他們只接受團體報名，所以林太就膽粗粗報了，好彩有咁多小朋友一齊玩！！依個活動是免費的，建議比五歲以上的小朋友參加，K2的小朋友大部份都是四歲半至五歲，應該都可以吧！！（不過嘩嘩都參加咗！！）可能他們有點坐不定，但已十分專注，其實佢哋留心聽咗嘅記性係好好㗎！！！今次帶依個活動嘅哥哥都十分之好人，亦令到小朋友們十分專心，謝謝哦！！還有少少紀念品，實在太豐富了！！

「「握扶手，企定定！！」」

http://www.mtr.com.hk/ch/customer/community/safety_zone.html