有同學仔媽咪發起「一齊整」，所以兩爐齊開！！好壯觀呀！！
又要去到大埔比賽，今次林太去咗睇林生嘅馬拉松，所以叫了梁媽媽帶細佬去踢波。沒有見證到佢哋終於贏了一局！！哈哈哈哈哈⋯⋯佢哋真係好屎波⋯⋯
林生越跑越過癮，上年參加完10km，今年玩半馬！！10km太早起步，上年林太爭啲瞓過龍，哈哈哈！！半馬的時間好好多，所以林太諗住去支持一下！！有定準備，做了張大子牌！！！加油，加油，加油！！！
上次E先生開演唱會時，林太仲喺澳洲旅行，趕唔切返嚟睇！今次終於有飛，可以入場睇啦！！Yeah Yeah！！林太都不算是超級fans，但係少少鍾意E先生囉！！哈哈！！Good show！！去亞博館睇演唱會，原來之後要喪跑去坐機鐵⋯⋯好瘋狂啊！！
Yeah！！BBQ group又出動去BBQ！！哈哈！！依個組合，九成的活動都是BBQ！！真係好好笑！！但開心花園農莊個跳彈床，依家要一個大人睇再個小朋友，小朋友不能自行入去，大朋友要入去陪坐，陪曬！！鳴⋯⋯
劍擊學校校內比賽，冇其他人，唔代表唔難⋯⋯唉⋯⋯結果就係食白果！！！噢！！下次再努力吧！！
好耐冇出過嚟食下午茶，多謝朋友仔帶林太出街街⋯⋯舒舒服服食咗個下午茶！！
