重陽節 // Kayak

 

家姐終於測完驗，幾個週末沒有出外⋯⋯雖然成績不如預期，但今日放假，都出外走走吧！！去咗西貢kayak，細佬無去，因為有圍棋比賽，同咗家姐的同學仔去！！

Y & P's wedding

林太第一次喺香港做姊妹，好過癮呀！！有得玩新郎哈哈哈哈哈⋯⋯不過，原來真係幾攰！！因為要勁早起身！！好彩，係食中午飯，之後可以返屋企休息！！Wishing you a happy wedding！！

Primo Fencing Challenge U7 Epee

細佬學花劍，hea吓hea吓咁學，都已經學咗三年幾，一個星期一堂，就是這樣子⋯⋯佢一直唔肯參加比賽，又唔肯加堂/加操。終於，比阿Sir發現，好一句問：「俾你hea多年，之後你想點？」唔繼續學，咁不如唔好學！？小朋友再hea多年，就會冇興趣。「其實你想點？」林太聽完之後，都諗咗好耐，不如就試一試，加操！！咁啱知道佢學校想出重劍隊，同阿Sir商量後，不如試吓出重劍比賽，就出賽吧！！今個月經過四堂的一對一，阿Sir加操佢嘅體能，見到佢有好大的進步，把劍終於有用，哈哈哈⋯⋯

Happy 11th anniversary // Cafe Bau

上年的週年紀念，收咗咁多驚喜，今年平平靜靜食餐飯吧！！去了Cafe Bau，以前的廚魔位置，一樣咁玩嘢！！味道好新奇！！值得一試！  https://lubuds.com/zh/cafe-bau-%E7%81%A3%E4%BB%94/

清潔社區 — 淺水灣

記得幾年前，林太同吱吱去過黃金海岸沙灘拾垃圾，佢有深刻的回憶！！想再參加這類活動，但發覺很難就時間⋯⋯一個得閒，另一個要測驗，等等。細佬的學校竟然有這種活動，仲要免費，當然參加啦！！感謝老師們紅日都回校帶隊！！謝謝你們！！其實全班都識，氣氛更加開心！！

中秋節快樂！

復常的中秋，條街明顯熱鬧咗好多！！食完飯，仲可以行夜市！！不過，今年無買燈籠，哈哈！！

大美督踩單車

今日學校假期，周圍應該冇乜人，問咗細佬想去邊，佢話踩單車⋯⋯結果連林太都俾人捉咗去踩單車！！好鬼曬！！！細佬而家踩單車已經好好，大美督水壩來回咗兩次（X4）再加不停的細圈！食完午餐，仲唔肯走，去多轉沙灘！！真係曬到燶咗⋯⋯