吱吱有同學仔住南丫島，趁放假邀請咗吱吱入去玩！大頭蝦林太以為是生日會，原來只是單純的playdate。小朋友需要的play date！！從他們媽咪的口中知道更多學校的趣事，每個小朋友返到屋企只是剛一部份，砌砌埋埋終於知道發生咩事！！真係好笑！！同學仔的媽咪仲預備咗豐富節目，又玩水，又染衫，又YoMama！！真係辛苦了大肚媽媽，謝謝邀請！！
吱吱小三最後一天上學，今天是結業典禮！！雖然今年的成績普普通通，但係終於有得覆常返學，係一件開心的是！依班同學一齊成長了三年，樣子仍然很BB，但係高咗好多，現在你們長大了，很可愛！！今年，亦見到班主任的心思，搵個全級第一坐喺吱吱隔離，真係幫咗佢好多！！教佢做功課，默書，介紹英文書俾佢睇⋯⋯近朱者赤，近墨者黑的道理係真㗎！！Thank you！！九月大家一齊再努力吧！！（今年畫咗三個印章送俾老師）
今朝早，有個小朋友一起身，就俾佢爸爸話：「冇得睇電視，冇得打機，冇得玩iPad！」之後就嬲爆爆上了床⋯⋯平時咁多活動的小朋友，很難處理「無聊」/「寧靜」。最後，林生頂唔順，都是帶了他出街！！哈哈哈！！仲要帶咗佢去好遠嘅西貢玩獨木舟！！睇相都知佢好開心，笑容燦爛！！Father and son bonding is a must！！
今日林太要去試姊妹衫，難得吱吱有朋友仔約，於是各有各玩！！有朋友仔約佢聽演奏會，好正呀！！係聽自己的演奏會！！小小年紀已經有自己的演奏會，係一件好自豪的事。之後仲可以一齊食飯同睇戲，happy gathering！
上次角落生物餐廳只在尖沙咀，仲要全部預約滿額！！今次竟然過咗嚟銅鑼灣，應該要去見過面！！約咗墨爾本的朋友仔，飲杯珍珠奶茶，見吓白熊！！
細佬跟學校學了一個學期的圍棋（13堂），圍棋學校有個比賽，細佬話要參加！！佢好少肯自願參加比賽，咁去吧！！比賽時間09:00-13:00，嘩，都幾長時間！！要玩五局！！最後兩勝三敗，有四分！！但見到佢個樣累到一個點，哈哈哈！！林太今日也大開眼界，見到「虎爸」，不斷問個仔「點解你要咁做？」「點解你要咁行？」「係無意思！」「點解會輸咁多粒？」「點解你唔聽指令？」⋯⋯⋯其實捉棋旁觀者不得依牙鬆槓，佢放棋的一刻就有他的想法，最後無贏/未能達成也沒辦法，下次再試過吧！！細佬，加油呀！！
吱吱的小學由小一至小三都係同一班，所以班同學大大話話識了三年！！因為疫情都好少出嚟玩，下年小四就會分班，有同學仔媽咪鼓起勇氣，約晒全部出嚟玩！！去到白石燒烤，有水上瀡滑梯，雖然開頭落雨，但最後玩足一日！！第一次見到25個少女，其實都唔係好認得，哈哈哈⋯⋯https://whiteheadbbq.hk/
