Covid-19後第一飛 // 冲繩Day1

香港航空 HX658 > Times 租車 > Hotel Collective > 国際通 Shopping > 国際通り屋台村

Yeah Yeah Yeah！！終於到林家飛喇！！疫情後的第一飛！！三年沒有到機場，機場好像也變了旅遊景點，影了不少相，哈哈！！Gate11的隔埋多了一個小朋友繩網玩。而香港航空去咗gate18，經過Sky Deck，又可以睇睇風景。真係太耐無去旅行，原本諗住返大陸，去北京，點知林生的回鄉證過期。但其實細佬的護照也過期，不過好快就攪掂！近近地去冲繩！！因為個疫情，好多租車公司已將車子賣掉，所以租車都好點難。今次部車都好細，緊緊可以放到三件大行李⋯⋯行程的第一天，都是在等，等上機（delay了一個多小時），等租車，等check-in。Hotel Collective就在国際通，十分方便！！見證著佢起！！勁新！！仲有「浴池」添，嘻嘻！！晚上，去了屋台村食，有一間三文魚子飯多到滿瀉，超happy！！食飽飽再返回酒店浸溫泉，食宵夜，呵呵！！

https://hotelcollective.jp/

Easter Homework

 嗱嗱林做完功課準備去旅行!!!!!

Park Island // Noah’s Ark // Riva 灣Bar & Grill

林家第一次入馬灣，哈哈哈，真大鄉里！！因為好多人同林太講「不用去喇，幼稚園時一定會去，去到你唔去」。結果，兩小寶已讀完幼稚園都未去過！！哈哈！！去到食返個lunch，大部分餐廳都是12:00開，所以走了入一間11:30am開的餐廳。今次攞到免費一大一小的羅亞方舟入場門票，要多買一大一小，信用卡折扣後HK$320，包了工作坊一個/單車或家庭車。他們一早選擇了「3D模型打印創意工房」，沒有人排隊，一去到時間啱啱好。其實只是理論課，唔可以自己繪圖，由膠粒講起。課堂完咗之後可以選擇一隻公仔和一種顏色列印。之後，玩了兩次「童趣飛馳樂之旅」，爽呀！！在羅亞方舟內左行右行，玩理個公園就走了！！ 

https://www.noahsark.com.hk/eng/index.jsp