LamB’s first Sport Day

復常，復常，終於有陸運會！！吱吱的第一個陸運會，學校鼓勵每一個小朋友最少參加一項比賽！吱吱參加了4X100米接力，比賽前，佢都覺得自己沒有機會贏，因為只係好朋友一齊參加，而不是跑得快所以參加。結果由第三棒開始，已是最尾嗰隊，結果雖然最尾，吱吱都繼續跑和完成！！而細路學校也是陸運會，但只有小三至小六參加，佢今日放假一天。佢無嘢做，所以偷運咗入嚟睇比賽，哈哈！！

Pokémon party // DIY Pokémon party decoration

細佬就快七歲，應承咗幫佢開生日派對！！今年對現吧！！細佬暫時鐘意Pokémon，所以開個Pokémon party吧！！佢已經好清楚，指名道姓話：「我要一個Pokemon ball的卜卜蛋糕，全部係糖既，我唔食蛋糕，唔要蛋糕，要好多糖！！」哈哈哈⋯⋯好興奮的小男孩！！林太用A4紙箱做了四個Pokemon抽獎箱，裏面放咗飲品和零食，因為今次會喺playhouse到開party，應該會玩到冇時間食嘢，等佢哋抽禮物返屋企食，哈哈哈！！還買了一個日本的1至30號的抽獎。準備好了！！

開始放假的腳步 // 迪士尼

吱吱考完試，所以林太一早預約定入迪士尼，可惜今朝早吱吱發燒。吱吱就在家休息，林太和細佬繼續入園！！坐地鐵入去，第一次發現，原來車頭是可以睇風景的，哈哈！！入到去10:45，立刻衝入去玩灰熊山谷，都開始要排隊，排了15分鐘，之後就見人海⋯⋯玩咗灰熊山極速礦車》降落傘〉午餐》Iron Man〉咖啡杯》森林河流之旅，仲可以預約到新嘅「Duffy and Friends play house」，但係原來只約了一個位，哈哈哈，所以細佬就自己入去搵朋友仔影相，多謝晒工作人員又影相又拍片！！

Dyson小小工程師體驗活動

林太見到免費活動，就幫兩個小寶報咗，竟然有位！！短短個幾鐘頭做了三個小實驗，用Dyson風筒嘅風吹住兩個乒乓球，之後用水做一個漩渦，最後用紙/錫紙/牛油紙做一隻可以浮嘅小艇！兩個小寶玩得好開心，而且仲收到份禮物，Dyson玩具吸塵機！！哈哈！！

全方位學習日 // 香港動植物公園 // 香港歷史博物館

為了提供多元化的學習活動，本校將於3月29日(星期三)至3月31日(星期五)進行全方位學習日，讓不同年級的學生，透過參與不同類型的學習活動，鞏固所學，開展眼界，擴闊經驗。學習日內的活動各有不同，請同學多加注意活動前老師的提示。

細佬學校無端端三日不用上課，做學生嘅當然開心到爆！！冇功課，爽YY！！做家長都好開心，因為有時候家長自己帶佢哋去博物館，佢哋會好似甩繩馬騮咁，周圍跑，都不會欣賞展品。而家有人帶着，用心講解，所以十分之like！！林太仲走咗去香港動植物公園「偶遇佢哋」，哈哈哈！！雖然落著微微細雨，但每個小朋友都好開心，一把傘兩個人一齊用！！林太沒有打擾他們，悄悄地走了⋯⋯希望各位同學仔，有兩個開心的早上！！

麥當當生日派對

細佬被邀請參加同學仔的生日會，麥當當生日派對，但係要去到黃埔，一間好歐陸風情的麥當勞！！哈哈哈！！生日會大概90分鐘，見到啲麥當勞姐姐忙過不停，一開始嘅時候大家都未熟，所以冇人夠膽叫嘢食。之後玩遊戲，小朋友圍着麥當勞姐姐氹氹轉！！係咁叫佢吹波波，哈哈哈！！之後又忙着切蛋糕，派蛋糕，都沒有時間收拾之前食完嘅嘢，啲嘢飲超危險！！不過依啲嘢對小朋友完全沒有影響，佢哋玩得好開心！！謝謝邀請，祝生日快樂！！