Christmas Card

在十一月頭畫的畫，在十一月尾變了聖誕咔！！係時候用功地抄「聖誕快樂」，哈哈哈！！但吱吱好好心機地畫公仔⋯⋯一張半小時，仲有時間做功課嘅？！

DIY — Christmas Card

又是K3的功課，每年K3每人要做五張聖誕咔，學校會簡選送給各校董/校友/其他學校校長。男孩子很難叫他畫一張，面積太大，他們會畫到怪怪的。林太預先剪了聖誕樹，畫小d，容易d！！今早KO，YEAH！！

四眼妹！！

吱吱的班主任打嚟，是學校的「陽光電話」。林太”投訴”了一頓，話佢的中文讀極都唔識，可以點幫佢，哈哈！！到最後，老師話佢坐第一個都睇唔到黑板！！！噢，這個才是今日打電話來的重點！！林生林太當然立刻行動，立即驗眼，因為林太的近視都幾深，5.00/3.25！！一驗之下，吱吱和嘩嘩都有近視！！Oh no！！！

DIY — Christmas decorations

上次雙十一在淘寶買回來的戰利品，又幾靚喎，哈哈！！吱吱和嘩嘩又幾有耐性，坐咗好耐，係到篤篤篤！！讚！！

何蘭正

我們又來了！！因為幾好坐，炸雞、薯條、叉燒飯小朋友都喜歡。今次細佬幫林太影相，忽然變了長腿姐姐，哈哈！！不知林太在細佬心目中是不是一名靚女？哈哈！！

Sunday // Encanto

星期日，林生林太也需要休息！！幫嘩嘩請了假，唔上足球班，走了去睇戲《Encanto》！哈哈！！因為⋯⋯林生林太想偷懶，而且吱吱十二月考試，今日唔睇無得睇，哈哈！！Encanto講美麗寶全家都有天賦，唯獨佢沒有，但佢仍然想留在家中守護每一位。但林太又覺得美麗寶也有天賦，就是他令人講出心底話！！可能是他的真誠，唔係每個人都有！！

童理玩// 銅鑼灣花園

「童理玩」邀請大家一起設計，共創新一代遊樂場。吱吱實在太好彩，有朋友仔報多咗一個位，可以跟著參加！！（因為得二十四個位，超難報）今日是【社區遊樂研調】實地試玩與考察。吱吱要去銅鑼灣花園自由玩，林太要在旁觀察佢點玩；之後是創新玩，要諗一些新方法，親子一齊玩，共融地玩，用觸感地玩。之後，再返回小組（四位小朋友）分享，溝通，創造一個新的遊樂設施！！一個很好的體驗，可以給小朋友觀察，創作，聆聽，遵守一些規定/一些必須符合的條件。林太也學到嘢，就是「加減乘除的設計」，在設計上有乜嘢可以加？冇乜作用嘅就可以唔要？多謝晒這個機會，期待2023年公園的成品！！