你好，田田！！

林生都是想要仔，左想右想，結果收養多一隻仔！！和色蜥是同一批蛋，所以是兩姐弟，但孵化時間不同，相差兩個多星期。回來後，諗住一齊養，點知打交，不能一齊住，結果要分籠⋯⋯噢⋯⋯

20.09.2021

田田 （不喜歡的話叫牠：填填）

身長：3cm

重：2g

回來後，已脫皮兩次，大得真快！！

Disneyland Halloween

嘩嘩的小一面試已完成到八八九九，未有一個好消息，不過life must go on⋯⋯林家精神：玩得就玩！！所以今日踢完波，就衝了入迪士尼！！Halloween哦！！攞糖和到此一遊！！Yeah！！

BBQ

嘩！林太的中/小學同學聚會，還有男同學，簡直少有，哈哈！！去了朋友的天台，還有大廚開蠔！！勁呀！！

STEM STEM

暑假前，已淘了這盒「STEM工具包」，大概HK$120。一直沒有開，哈哈⋯⋯一打開，原來有十多個小實驗/STEM工具包。吱吱和嘩嘩各自各選擇，嘩嘩取了全部有「軚」的東東。林太也對「倍力橋」很有興趣，只用木枝，沒有膠水。「倍力橋」是由許多「桁架」組合而成，原理是一個結構體能夠將所承受的力，利用其中的桿子轉移到支撐點，而不會毀損其結構，優點是可做成空心的樣子，而且以模組化的作法運用在架橋上。好，叫了嘩嘩試吓，我們有實驗精神，哈哈哈！！

Dazzling cafe

本來林太同吱吱撐枱腳，諗住去間girly啲的地方。點知排排吓隊，兩位男士又加入！！林生當然在問點解嚟依間？？有乜好食？點解要等咁耐？點解⋯⋯唔理咁多，排了個幾鐘，終於得到想要的「兔仔椅」和靚靚甜點！！

https://m.facebook.com/dazzlingcafe.hk/

颱風圓規 // 8號風球 // Halloween mummy bread

8號風球！！兩個小魔怪好開心地唔使返學，林生林太好眼瞓地留在家中！！哈哈！！準備了⋯⋯無限補充練習！？因為買完都未做過！！還有今日截止的填色比賽！！仲有仲有YouTube學摺紙！！出奇地，吱吱唔想做麵包，繼續摺紙，得嘩嘩幫手做木乃伊BB包。不過，不像木乃伊，似隻腳指公多啲，哈哈哈！！

LamBB’s P1 interview (8）

又是interview的日子，又是三號風球，又是完成後下午掛八號風球！！哈哈，好彩好彩！！今朝早08:00-09:00面試，三個小任務，拍片，一小時內完成。本來仲驚細佬未瞓醒，點知佢06:30同家姐一齊起身，食完早餐，換了衫，玩咗一陣才開始。今次林太沒有吹逼（因為機會太微吧！），只是1take過，08:30完成⋯⋯之後，10:00仲去睇早埸《愛登士家庭 2》哈哈哈⋯⋯多謝「圓規」，下午再回家休息吧！！