林家放暑假2019 — K11 Donut Playhouse

兩日前見到廣告，在Donut Cafe有任何消費，就可以免費到Donut Playhouse玩一小時。林生好想去K11 Musea睇睇和影相，就順便八掛一下。

十一點半到達Donut Cafe，排了個小隊（六個人），店員已話Donut Playhouse要排到晚上七時。諗住放棄的時候，Donut Playhouse又話可以排即場候補位，等人早走候補位就可以入去玩十五分鐘至半小時。又再等，等了四十五分鐘無人早走。最後，Donut Playhouse提出可以即時「只玩滑梯一次」。下午一點，林生林太、吱吱和嘩嘩終於可以每人玩了一次滑梯！！！其實除了滑梯，Playhouse都沒有其他特別嘢玩⋯⋯排完滑梯，又再排一小時等午飯，救命呀⋯⋯

https://www.k11musea.com/zh-hk/visit/donut-playhouse/

DIY — 視覺暫留 // 結他

又到下雨天，係時候在家DIY一下。係晚飯前，搵個簡單些的「視覺暫留」。真的很容易，勁快就做完。吱吱和嘩嘩亦聚精會神，落足眼力，哈哈哈！！他們覺得是一個魔術，變變變，變了入去，哈哈哈！！

之後還未食晚飯，再做「結他」。吱吱和嘩嘩粗手粗腳，把紙版扯爛了，最後林太出手做吧！但橡筋太緊，把個結他揸在一起，不能長綁在紙版上。

LamBB’s K1 新生適應日

林生林太差啲忘記了新生適應日，嘩嘩剛剛才介片成功，希望你係新生適應日時唔會有意外發生，哈哈哈⋯⋯細佬是女校男生，三十人一班，今年有四位男孩子，但其他嗰三位都好靜哦！！點算⋯⋯

林家放暑假2019 — 「在家整嘢玩」

係屋企附近就有Playright的「在家整嘢玩」pop-up store。雖然開了兩個月，但只是在星期三、五下午開放，所以一直未去玩！今日去咗喇！！

Playright是主張free play，由學童自己選擇做乜/玩乜？！但當太多選擇時，小朋友又未必唔知自己想做乜？！吱吱行咗個圈都未諗到做乜，林太已搵到嘢玩，一把膠鋸！！噢，真係鋸到厚紙板，又唔會介到手！！好玩哦！！就叫吱吱開始，最後佢做了個人出來，呵呵！！

https://playright.org.hk/

《驅魔使者》

偷走的一夜⋯⋯

林生早上同吱吱睇《Dora》，林太晚上睇《驅魔使者》，哈哈！！其實係林生唔肯睇鬼片/血腥片，林太自己揾朋友仔睇。已經唔記得咗上次同朋友仔睇戲係幾時？！噢⋯⋯又幾好睇哦！！多謝陪伴！！

Cynthia's Birthday Party // Park Party

暑假就快完，嚟一個生日派對，一個很特別的生日派對，和汗水玩遊戲！！哈哈哈！！十幾個小伙子，在公園玩，再踏scooter去到西環碼頭，個個都大汗踏細汗！！善珩，生日快樂呀！！希望十幾年後睇返d相，會有那些年的感覺，好好地一起成長！！