樂施米

自從2017年同吱吱賣旗之後，都未試過義賣活動，上次參加完樂施會的活動，亦想出一分力！！今天參加了「樂施米」義賣活動！！去到目的地，原來他們由早上10:30已開始賣，可能好多街坊都已經買咗。吱吱背著個袋，攞住啲咪，一直都唔夠膽出聲。終於肯上前問人，連續兩個人願意買的時候，才發覺自己身上沒有錢！！多麼的失望！！！好彩有朋友仔相伴，終於搵到人買，終於肯出聲，終於有成果！！義賣除了可以幫到人，還可以建立他們的自信心，不怕被人拒絕，再接再厲！！！Well done, my girl！！

《Pikachu》

佛誔放假呀，林生林太冇咩特別節目，林太只想瞓覺瞓覺瞓覺⋯⋯到最後有即興節目！！去咗數碼港睇戲，比卡超！！！

是11:00場，都算是早場，所以有特價票，估唔到全院滿座，咁多人鍾意睇比卡超？！

戲裏面的比卡超識講嘢，以前嘅卡通片他只會”pika-pika”，哈哈！！林太在”pika-pika”時，兩個小寶就不斷”chu”！！示意林太講漏咗個字，哈哈哈！！兩小寶都睇完套戲，不過唔知明白幾多？！因為卡通片嘅R兵團，既”阿夢”原來是好人呀⋯⋯

LamB’s 5th Birthday Party // Unicorn Party

吱吱，生日快樂！！

今年的生日是在星期日，好好彩呀，可以係正日慶祝！！由吱吱揀選佢要好的朋友來參加生日會，真係大個咗喇，更加獨立和自主！！相反地林生林太就懶咗好多，哈哈！！場地、蛋糕和魔術師都和上年的一樣，因為覺得上年的已經很好，所以不用再搵，不用再轉，哈哈哈⋯⋯上年生日會魔術表演後，個個小朋友都記得「嗎呢嗎呢空，香蕉變檸檬！」還話其他的魔術師錯，要講晒成句先可以變到，所以不得不請回上年的魔術師！！！（可惜，畫面姐姐不及上一年嘅好）

一睇就知，吱吱的生日會主題是獨角獸！！女孩子們去得太多生日派對，都是獨角獸，人家鍾意獨角獸，自己又鍾意？！林太已用盡方法搵還未見過的獨角獸派對用品，哈哈哈！！（可惜，係派對之前收不到從澳洲寄來的獨角獸遊戲和杯碟）希望吱吱大個咗之後，記得自己有一個獨角獸生日會！！Love you！！
https://drive.google.com/drive/folders/1ynPdgwiOc4MLw-Toy2cjDlmtXhyJqBi_