101全港兒童年度聖誕繪畫大賽2018《我最愛的聖誕大餐》優異獎

林太又一多手之作，行過見到《聖誕大餐》繪畫比賽，見吱吱之前畫個幅都算貼題，就用$150參加了！！攞了《優異奬》，有30名，唔知有幾多個小朋友參加？！大人就覺得是豬肉獎，但對小朋友來說是一個鼓勵！！哈哈！！

主辦機構是101 Learning Mall，頒獎典禮還有攤位遊戲玩，睇咗一陣，玩咗一陣！！

海洋公園

林太忙着喺攤位幫手，林生忙着拍攝，好彩有梁媽媽和梁爸爸陪吱吱玩。之後，梁媽媽和梁爸爸仲接了細佬放學，入去海洋公園，一直玩到五點！！強呀！！！

親子日 — 攤位遊戲

林生攝影師鏡下的攤位遊戲，但佢話見唔到吱吱玩，所以無乜影吱吱哦⋯⋯噢⋯⋯

《拯救大海洋》DIY

學校的親子日，今年是玩攤位遊戲，有幸同其他媽咪一起負責，我們的攤位叫《拯救大海洋》！！有位媽咪是專業，印製了所有大件道具，所以我們不用剪剪貼貼。但林太都想花點心思，佈置一下。用膠樽做了隻水母，吱吱幫手穿觸鬚，再用中秋節剩下的燈籠，變了隻變色怪物水母，哈哈！！還用紙碟做了很多條小魚，嘩嘩也有幫手貼貼貼！！

利東街的天使⋯⋯

吱吱和嘩嘩都是早睡寶寶，每晩大概8:30就睡覺，輪到林生林太去玩，哈哈！！今晚沒有去睇戲，去了睇聖誕燈飾，第一站去了利東街打卡！！由英國倫敦來的天使燈飾⋯⋯還有飄雪⋯⋯雖然不是18、22，對老夫老妻不覺浪漫，但嚟影張相、飲杯嘢、食個甜品，都幾舒服、幾靚嘅！！

之後，再坐叮叮慢慢地回家。估唔到夜晚10:30仲有咁多人坐叮叮！！

巴士記

今日完咗concert之後，見到有架巴士好似可以返屋企，就隨口問吱吱想唔想坐巴士，佢話：「坐巴士。」林太對巴士路線極度不認識，住了係港島區只有一年多，連街名也分不清。最後，找到了巴士站，等呀等，吱吱都要繼續等！上了巴士，原來是星期天遊行，大塞車！！林生打嚟，叫我們改坐地鐵，問吱吱不如坐地鐵，他堅持坐巴士⋯⋯林太心想，真的很小機會可以百無聊賴地坐巴士，這個時間還能花得起，繼續坐吧⋯⋯

巴士慢慢地駛，有人遊行，沿途都是警察，吱吱很忙地同警察叔叔hello，但沒有人回應。開始了對話：

太：「警察叔叔好忙，睇唔到你。」

吱：「點解呀？」

太：「警察叔叔已企了一個下午很累了。」

吱：「點解要企喺度？」

太：「有人遊行，要警察叔叔企喺度維持秩序。」

吱：「咩叫遊行？」

太：「一班人想表達自己嘅想法，或者訴求，用和平嘅方法就係遊行。」

吱：「哦⋯⋯咁樣遊行是和平的方法，新聞嗰d就係唔和平的方法。（法國巴黎黃背心抗議事件）」

哈哈哈哈⋯⋯笑了！！原來食飯時的不專心，是在睇新聞！！今天長長的車程，值呀！！

The 17th classics for kids christmas concert

“Every year in Christmas time, the SAR Philharmonic Orchestra will hold the Classics for Kids Christmas Concert to share the joy of music to kids and families. We would do waltz around the orchestra, and sing the Christmas carols together! This year, Ah Mui and her 3 funny friends - Do Re Mi, will play interactive games with the audience. With the use of eyes, ears, mouth, nose, and body, we would dive into the world of fantasy, and create our own Candy House Rhapsody together!”

經友人極力推介，林太用早鳥優惠一早預定門票，同吱吱去睇。小朋友係音樂會中真係有視覺、聽覺、味覺和觸覺的享受，但林太覺得依個音樂會較適合幼兒參加（1至5歲），大小小的小朋友應該會覺得較BB。不過也是很好的體驗，下一年可以同細佬嚟參加！！再見！！