學校五月之星生日會

吱吱第一次喺學校開生日會，每個生日之星都要天才表演。一直幫吱吱諗可以表演啲咩？！佢一時話唱歌，林太一時叫佢朗誦，到一個月前吱吱參加完上個月的生日會，話要表演「魔術」。佢好肯定地講了幾日，話要表演魔術，好吧！林生就去了灣仔玩具街搵，一套魔術玩具，大概HK$450，再上吓淘寶，最後用了HK$100。哈哈！！林生同吱吱練習了一個星期多，今日終於表演喇！！

林生林太去到學校，才知道今日有十六個生日之星！嘩！好多人表演哦！！吱吱唔知係唔係好緊張呢？！生日影相都唔笑！！哈哈！！吱吱表演好成功啊！！反而爸爸助手穿崩，引到大家大笑！！哈哈！！

各位五月之星，生日快樂！！

Yamaha JMC

兩年的Yamaha JMC課程開始喇！！兩年呀！！吱吱你要努力啊！！林太也會陪你！！加油加油！！

http://www.tlmf.org/course/course_detail.php?id=17&section=11&group=3

學校生日會小禮物

學校每個月都會舉行生日會，吱吱參加咗好多次生日會，而且已經收到好多小禮物。今次輪到吱吱要送禮物喇！！（相信係佢同老師講要分享小禮物）哈哈！！其實送小禮物很頭痕，怕冇用，又唔想送太多糖，最後林太決定了送書仔！！My Little Miss！！全套有35本，送出咗30本，唔知十幾年後C1班可唔可以儲返埋一套呢？！哈哈！！

勞動節@赤柱

五月一號勞動節，林生林太去了赤柱勞動一下，去飲個茶，逛一逛。吱吱畫既畫開始睇得明，佢畫咗漢堡包，一個人仔，仲有Fox，你搵到嗎？！哈哈！！今日不是太曬，但好熱，對眼都打唔開！！吱吱主動話要食雪糕，唔玩playground。嘩嘩食雪糕，食到好似賣告白咁，靚仔嗎？！哈哈！！雪糕需要代言人嗎？！

中西區海濱長廊

中西區海濱長廊開咗啦，有個小小的兒童遊樂場和休憩場地。今朝早冇嘢做，就同嘩嘩去咗行一行。其實個入口有很多貨車經過，都要小心車輛！！小男孩當然很開心啦，每次見到有船經過就更加興奮！！哈哈！！不過暫時只得一個入口，行完之後要返轉頭，哈哈！！

Kokuyo立體模型教學坊

今日同吱吱參加咗依個教學坊，林生好驚訝係要比錢，但其實係個書價！！本書係HK$110，日本書，印刷同紙質都好靚。本書可以做五隻動物，完全不用剪貼，十分方便容易。今日的工作坊就是做了第一隻動物—馬仔，而且預備了木顏色，貼紙和金粉膠水比小朋友裝飾一下。吱吱隻馬仔貼了很多圓點，林太就問：「隻馬仔係唔係叫波波？」吱吱話：「唔係呀！佢叫波波點！」哈哈！！小朋友真有趣！！

XOXO Lab

去到九龍灣淘大廣場上工作坊，就在淘大廣場搵食。去了XOXO Lab，個樣似台灣嘢食，事實上都應該係，哈哈！！個樣靚靚，味道一般吧！！哈哈！！到此一遊！

https://m.facebook.com/xoxocafelab/?locale2=zh_HK