Strawberry picking

墨爾本的夏天，就是摘水果的季節。今日，林家出動喇，去摘士多啤梨！一去到已見到好多人空手而回，話沒有士多啤梨，最後開了新的地方，好彩有得摘。但真的很多人，很快已無乜剩，連食嘢都等了很久！！不過，小朋友們總算過了一個開心的下午！！
http://www.sunnyridge.com.au/

Werribee Plaza

嘩！一別十六年，十六年前，林太中學時代成日去的地方！Werribee Plaza！依家變成咁！靚咗咁多哦！
林太同吱吱去了食個午餐，再行行，就回家了！因為要成個鐘才返到屋企！

Melbourne museum

幾個月前，林太已想買Melbourne museum的年票，因為近屋企，日曬雨淋都可以入去玩。但又怕吱吱未啱玩，展覽係比大些既小朋友？！最後，去了問工作人員，他們說十二月會開一個全新的"Children's gallery"，會啱吱吱玩。好，等到了！！Melbourne museum children's gallery！
今日林生都放假，買了年票，Family pass (2adults+4kids)AU$79，超值！！哈哈！！
新的Children's gallery，超靚哦！！真係啱吱吱玩哦！！有很多玩具都可以攞開玩，希望過多幾個月些玩具還在！哈哈！！可以再來！
https://museumvictoria.com.au/melbournemuseum

小童星

Back-dated 22/11/2016
返香港時，兩位小朋友去了影樓影相。Groupon買的，HK$268包一小時攝影，和十張相片連soft copy，比起澳洲真係好平！！所以玩下！
好多人都問，林生識影相，做咩要去影樓？！因為林生太忙，沒有時間修輯相，半年才有一、兩張靚相。所以試試影樓，希望一個鐘可以影到十張靚的。哈哈！！
結果，吱吱係別人的鏡頭前有另一面，交足戲！她會微笑，怕羞樣，仰望樣，遠望樣⋯而嘩嘩就有點累，只有個肥嘟嘟樣！哈哈！！個人應為，HK$268可以玩下，留下生活照。小朋友的佈景都OK既，但有點不喜歡他們sofa的顏色。影相哥哥和幫手的姐姐好好人，吱吱好鐘意他們，所以影小朋友相係OK的。
https://m.facebook.com/storyworkshop/

Oh.... Christmas tree

落咗機，返到屋企，估唔到林生買了棵小聖誕樹！等吱吱放上最後的裝飾，就進行亮燈儀式！哈哈！吱吱都識：「Christmas is coming！」

《一拖二之旅》完

兩個幾星期的假期完了，其實都沒有去過邊？沒有食過甚麼？！因為兩位小朋友都病了成星期！吱吱更燒到104度！！好彩的是，他們還OK，退到焼！
回程時再沒有幫手，好彩他們能睡！但吱吱成日滾了落地！慘慘豬！林太仲好貪心地睇了一套戲《北京遇上西雅圖之不二情書》。
女人為了自己的仔女，甚麼都能作！能夠大力如牛地攞行李，可以又推又拉雙手地推行李車和BB車！被海關點，由最右行到最左，比狗狗聞檢查行李。不過，總算是平安大吉，任務完成《一拖二之旅》完！！

Surina & Edwin's wedding // LamB's 1st flower girl experience

林太返香港的主要原因，好友結婚呀！！還有，林家大小姐第一次做花女！！
婚禮係清水灣鄉村俱樂部舉行，第一次去，真係有點遠，哈哈！不過，很靚！吱吱這位花女好乖哦！企足全程！！
雖然是中午飲宴，但一樣食足十二道菜。有足夠的時間同舊同學聚一聚。林太有點失憶，很多熟悉的面孔，但說不出名字。哈哈！！
相識超過二十年的好友結婚呀，當然為他們高興！人海茫茫中，找到人生的另一半，真是緣份，要幸福喔！