沒有什麼特別，只是臨開學前，上深圳玩！！今次去咗玩貓貓，¥29入場費，買咗¥15零食俾貓貓，就可以停留3小時！！啲貓貓好可愛，又乖！！好得意喎！！地方又乾淨！！之後都係打邊爐，食牛肉，鉗公仔，行超市，之後就返香港！！Happy Holiday！！開學快樂！！
吱吱完成咗一連八堂嘅聲樂課程，本來唔肯表演嘅佢最後自己話要上台表演，勇氣可加！！仲要唱首咁難嘅歌！！其實林太已經好感動！小寶寶長大了，自己解決問題，自己決定！！Well done！！
適合對象：4-12歲的小朋友，特別適合初次接觸聲樂的孩子 課程內容：8堂聲樂課程+ 3首音樂劇歌曲 + 畢業音樂會課程時間：2025年7-8月
班級人數：3-6人
費用：＄2,880 / 8堂 (包一次演出費用）
表演時間：24 Aug 25
表演地址：上環文娛中心演講廳
又來圍棋比賽，五局，兩勝三敗⋯⋯好似有點不在狀態！！唉⋯⋯下次吧！！
嘩！！世界上真是有免費的午餐！！哈哈哈！！！小童群益會舉辦的「祖孫廚房」，又有得食，又有得玩，又有得煮，又有禮物！！太開心了！！謝謝梁媽媽陪吱吱玩了一天！！
六月考完試之後，細佬無端端話要學扯鈴？！林太摸不着頭腦？！佢點解會識呢樣嘢？！係學校嘅中國文化日？！搵吓搵吓，終於搵到一間，但時間唔啱，等吓等吓，上星期終於上咗一堂⋯⋯但係溝通上，阿Sir唔知，所以學咗轉碟。今日！！！終於學到！！佢勁開心，睇吓嘅笑容！！所有媽咪都喜歡的「自信的笑容」，「滿足的笑容」！！噢⋯⋯又多樣「興趣」，點攪？！
林太又係Facebook搵到免費劍擊比賽，平時一個劍擊比賽要$500至$600，當然立刻報啦，好彩又抽到！！其實林太覺得細佬實力未夠，所以林太唔想俾錢去輸，有免費的比賽，就去練吓吧！！不過，經過暑假上多幾堂，好似又好咗啲，姿勢靚咗少少⋯⋯竟然出到線！！再接再厲吧，加油！
一年一度的林家Kayak！！唔知從幾時開始，每年的夏天都要Kayak！！但係今年由七月開始就是下雨，每個週末都是下雨，一係雷暴，一係打風，一係黑雨⋯⋯暑假都就放完，都冇乜晴天，所以今日無端端見到個太陽，就衝咗去Kayak！！多謝林生的陪伴，成就「Kayak傳統」！！
兩年前E先生的第一個演唱會，林太去咗澳洲旅行，趕唔切睇。今年喺香港，又有朋友仔搶到飛，擔定凳仔等睇show！！林太當然鍾意E先生的風趣幽默！！仲要越嚟越靚仔，真係唔知點算！！哈哈哈！！其實見到佢呢兩年的努力，佢下的苦功，加油啊！！
有澳洲朋友返咗香港，想去做facial，林太又諗唔到去邊度做？！哈哈哈，結果北上消費！！！佢哋又幾認真喎，同你做晒皮膚分析，冇叫你買貴plan，反而介紹個二百幾蚊，最後港幣300有找，玩咗兩粒鐘！！又有得做facial，又有body massage（機器刮痧），正呀！！之後嗱嗱臨打個邊爐，再shopping！！買到一袋二袋就坐車返香港，放低啲嘢再食晚飯！！
其實有咁多種運動，又有新興嘅運動，小朋友又使乜咁快揀定吖！？林太覺得小朋友應該多嘗試，多體驗！！最好，乖乖聽教練講，哈哈哈！！聆聽同服從係要學㗎！！佢哋玩完之後，覺得Cricket好好玩！！
今年是閠六月，所以太婆有兩個生日！！返老還童的太婆，兩個生日都要慶祝，可愛！！祝生日快樂，年年都慶祝！！
