利物浦香港季前巡迥之旅2025 // 足球訓練營

其實林生、林太都唔係好睇足球，不過利物浦咁出名點會唔識？！聽到有利物浦足球訓練，就立刻報咗！！家姐竟然都話去！！！足球場，又曬又熱，都頂咗40分鐘！！強勁！！之後室內仲有Mini game，又有嘢食又有嘢玩，thanks for having us！

日期﹕ 2025年7月23日(星期三)

時間﹕ 下午2:00 - 下午4:00 

足球訓練營時間：下午2:30 - 下午3:30 

地點 ﹕ 香港足球會 (主球場, 香港跑馬地體育路3號) 

貴州研學團五日四夜 // 返香港

今日返香港了，一樣是在廣州南轉車。導遊勁早帶咗去車站坐⋯⋯買定杯麵坐火車，原來唔同火車型號的廚房/menu都唔同！！今次連熱咖啡都無⋯⋯嗚嗚⋯⋯

貴州研學團五日四夜 // 圍棋比賽 // 甲秀樓 // 花果園藝術中心

今日沒有行程，只是比賽！！有七局嘅比賽！！林太當然是周圍逛逛，行咗去甲秀樓，打了卡！！再去飲一杯咖啡，好似香港的Dirty，凍奶加咖啡，只需¥13，咖啡店外仲有免費香煙給客人自取！！返去陪太子食個飯，再去逛逛，去了附近的商場，冇乜嘢買，又回去陪太子！！除咗今天的比賽，其實依幾日，一有時間，佢哋就會練習！！雖然唔係密集式，但係好好建立感情的時候！！今日比賽有殿軍，但係阿Sir話佢可以做好啲，原因是尋晚打咗機！！？因為尋晚的狀態比今日更好！！唉⋯⋯捉完圍棋比賽，細佬就攞中國象棋出嚟切磋切磋，哈哈哈！！今日其實完全冇行程，又早食完晚飯，所以就打的帶細佬去「貴陽白宮」，真名是「花果園藝術中心」。有夜市，有商場，食個宵夜，玩吓，就返去酒店了！！

行程：今日行程只有一個，就是貴陽市內圍棋比賽 — 雲松圍棋學校。

貴州研學團五日四夜 // 黃果樹大瀑布

今日香港打緊十號風球，這邊風和日麗！！好好彩地又避過一個風球，不過林生要滯留日本，嗚嗚⋯⋯貴陽必看的黃果樹大瀑布，兩個半鐘頭車程終於到了，已見到勁多人！！入場費都不便宜哦，成人要¥215，還要另加¥50園內車費。真係好多人，順着人流，迫吓迫吓，終於見到大瀑布，又是打張卡，拍個照！！又再迫吓迫吓去下一景點⋯⋯導遊姐姐嚇到小朋友，話睇奇石林要兩個小時，小朋友們都話放棄，寧願早些回酒店捉棋。所以今日早咗完，返酒店開咗間房（食飯房）捉棋，特訓兩小時！！林太就睇咗大陸的綜藝節目兩小時，哈哈哈！！但男孩子們還以猶未盡，仲要食宵夜和打機！！

行程：酒店早餐後，黃果樹瀑布，遊覽有水上石林、天然盆景之稱的【天星橋】，貴州必遊景點【黃果樹大瀑布】是1986版西遊記水簾洞取景處 — 【陡坡塘瀑布】黃果樹瀑布群中瀑頂最寬的瀑布，瀑布形成百米多長的鈣化灘壩上，在平水期，水流清澈，瀑布顯得十分清秀嫵媚。

貴州研學團五日四夜 // 蠟染體驗 // 控拜銀匠村

今日嘅研學團就是蠟染體驗和銀器體驗！！中間的時間就是行街，哈哈哈⋯⋯細佬冇咩買，全部都係玩具槍，手鏈，頸鏈⋯⋯林太就係咁買嘢飲，yeah⋯⋯林太識得俾錢啊！！哈哈哈哈，掃得好過癮！！！兩個體驗班都考起小男孩，做完一個手工又一個！！

行程：酒店早餐後，蠟染體驗邂逅干年非遺【蠟染】的靜謐藍，親手體驗蠟染藝術，以蠟為筆、以布為紙，勾勒自由紋樣。浸染藍白世界，感受植物染料的天然饋贈，讓傳統技藝在指尖流淌 — 控拜銀匠村，苗族銀飾鍛造技藝發源地，600 多年歷史沉澱。跟著老匠人，掄起小錘，敲打出專屬銀飾，讓苗寨故事與匠藝，隨著叮叮聲，刻進這一方銀器裏。

貴州研學團五日四夜 // 貴州 // 西江苗寨

林生帶着吱吱去了福岡，細佬選擇去貴州捉棋比賽，林太好認真咁問佢真的嗎？！細佬好認真地回答：「日本成日都去，貴州的比賽可能只有一次，下次就不會是貴州了！我哋下次先去日本！」林太俾佢嘅認真嚇傻了，唯有陪太子讀書，報名參加！！其實報完名都沒有認真睇睇行程，只知道在高鐵站集合，哈哈哈⋯⋯今日勁早起身，坐地鐵去高鐵站，坐高鐵去廣州南再轉車，總共坐了四個多小時的高鐵終於到達「都勻東」站。之後上旅遊巴，再坐兩個半小時到達「西江苗寨」。導遊姐姐一路講普通話，林太的普通話麻麻哋，所以聽到一半半⋯⋯聽到話西江千戶苗寨景區被評為國家AAAA級景區，為保留原有面貌裏面係冇車，入園後要行！！諗住個團有老人家又有小朋友，應該唔會好辛苦，點知一落車見到一路的石春路已覺不妙！！跟住導遊不停向前走，又再向前走，行了半個鐘終於到！！苗寨的吊腳屋是沒有電梯，一定是行樓梯，結果拉着行李行了三層樓梯！！放好行李，諗住去食個飯就可以休息，點知，仲要睇夜景！！！不過，他的夜景真的很美，好像《千與千尋》的感覺！！很美，很美！！

行程：導遊都勻東高鐵站接客人後，前往西江苗寨，坐在苗家吊腳樓上，倚著美人靠，聽聽自然的聲音，喝杯濃香的苗家米酒，無比愜意。在山坡上建有大片苗家木質吊腳樓，層層疊疊咖啡色的老房子，晚上干戶苗寨的景色堪為一絕，家家戶戶亮起了黃色的燈，千戶苗寨也變成了一片燈的海洋。

書展2025

記錄一下今年的書展，林太越來越醒目，帶了拉篋！！但帶了最麻煩的細佬，所以變了最蠢的選擇！！哈哈哈⋯⋯最蠢的是比細佬去書店繼續買書，最蠢係攞埋小六的教科書！！重死咁去食飯！！哈哈哈⋯⋯

Bochord High Tea

兩位媽媽無端端得閒，想食high-tea，就試試walk-in！！咦⋯⋯依間可以喔！！幾好喎！！又小些人，不錯不錯！！

賀國慶迎全運，東區青少年劍擊比賽 // U10男子重劍

林太又係無無聊聊上網時見到免費報名，就幫細佬報咗名。可能是免費吧，當天有六個人沒有出席，直接變成16人參加。諗住有機會打吓淘汰賽，點知淘汰賽只有頭四名出線！所以打完小組賽已經可以返屋企，哈哈哈哈⋯⋯

Gatsby’s New Pet // 細粒 // 暑假開始

教育局無端端宣佈今天停課，但今日又天朗氣清，冇咩嘢好做，就要找數！！細佬全科合格，還有一個A，所以可以去買倉鼠一隻！！！哈哈哈！！！特登去金魚街睇倉鼠，因為有多啲可以揀！！細佬左揀右揀，揀咗佢返屋企！！大家好，佢叫「細粒」！！即將陪伴大家過暑假！！

Waterloo26.loft

吱吱已經上去畫咗幾次畫，林太亦都陪公主讀書，一齊去畫！！其實都幾靚，又幾易畫！！都OK啦！！

圍棋 // 善弈棋苑2025夏季圍棋級位賽—中級組 // 香港棋藝教育2025初夏圍棋季度比賽—2016年組

就快放暑假，林太懶得編排行程，星期六日/七一放假，無嘢做。Last minute 報咗圍棋比賽，等細佬去hea吓，哈哈！！一個第八，一個第二（仲要係同第一同分，抽籤決定）。

深圳龍崗 // 阪田萬科廣場 // KL Sport

細佬嘅學校假期，同佢嘅同學仔一齊北上，去深圳玩咗一日！！其實全日都只係幾個鐘，哈哈哈⋯⋯由會展站坐直通巴上去，第一次試，又幾方便喎！！其實全日都只係喺同一個商場裏面，深圳龍崗區的阪田萬科廣場！！揀呢個商場，係因為KL Sport，一心諗住入去玩兩個半小時，一大一小門票¥270，比起香港，真係好鬼抵！！！所以首先食個lunch，就去玩兩個半小時，其實都唔夠玩，不過又唔使排隊，所以三個小寶寶係咁試係咁玩！！之後再行supermarket，鉗公仔，買嘢飲⋯⋯ Happy的一天！！