第三屆全港競技疊杯挑戰賽

細佬第三次的疊杯比賽，其實林太係第一次觀戰！！今次喺大型商場內舉行，點知係冇位坐？！好似罰企咗五個鐘咁！！！其實平日沒有見過佢練習，練得最多就係比賽前，哈哈哈！！單人總排名是15/27，又是中間！！哈哈哈！！二人接力和四人團體賽都冇贏喎，下次努力吧？！

日期：2025年5月18日（星期日）

時間：上午09:30 - 下午5:30

地點：荃灣愉景新城 D.PARK中庭

報名費：每人港幣390元（包括個人3-3-3、3-6-3、cycle計時賽及二人3-6-3接力淘汰賽)

宴。鐡板燒

林太同朋友仔食午飯撐枱腳，今次誤信Ig廣告⋯⋯唉⋯⋯其實普普通通吧，不算是難食，只可以話唔抵食！！

宴．鐡板燒 – 香港天后的日本菜鐵板燒 | OpenRice 香港開飯喇

陸運會 2025

今年沒有落雨，仲好鬼曬！！相信又黑咗兩度！！同樣地，林生被安排玩親子比賽和家長比賽，哈哈！！林生和吱吱緊張了幾日，無端端贏咗個亞軍，哈哈，well done！！

LamB’s 11th Birthday // Oolaa

11歲，好似大個咗咁？！但有時仲好BB！！細佬以前試過唔開生日會可以折現，吱吱又想，但個傻妹開價係HK$100！！！哈哈哈！！！佢問HK$500都好似唔好意思咁，好好笑！！！吱吱想要隻Stanley保溫杯好耐，之前有機會買，佢又扭扭擰擰，想睇實物顏色⋯⋯今日生日，終於去買咗！！小學界嘅名牌水壺，Stanley！！最後都冇搞生日會，只是一家人出去食個飯⋯⋯生日快樂，我嘅「開心果」！！Love you always！！ Home | Oolaa Group

Happy Mother’s Day 2025 // Hotel Alexandra’s High-tea

今年帶梁媽媽吃high-tea！！因為林太喜歡囉！！哈哈！！全芒果的high-tea！！幾好食！！仲係北角買晒所有母親節的花，Happy Mother’s Day！！細佬仍然男孩子的作風，就係乜都冇？！好似林生咁？！母親節係乜都冇！！

Home | Hotel Alexandra

YA:JANG

韓國朋友仔re-union，當然食韓國菜啦！！有間新餐廳，聽聞裏面全部是韓國人，大大隻的韓國仔！！哈哈哈！！當然是去看大隻仔啦！！食物選擇唔多，不過都好「肉肉」，主要目的達成，就是看高高的韓國仔！！比起住喺韓國的，餐廳內嘅較為有禮貌，較為「nice」！哈哈⋯⋯

YA:JANG – 香港上環的韓國菜韓燒 | OpenRice 香港開飯喇

樂聚聖士提反 2025

又一年的「樂聚聖士提反」，吱吱今年升了高級合唱團（因年齡關係），小提琴升了二手。能夠欣賞其他同學的表演，實在是精彩！！！亦深深覺得學校要小朋友學音樂，是對的！！特別參與管弦樂團，一齊練習，一齊面對；面對練習時的樽頸位，面對比你強的人，面對比你弱的人！！加油呀！！

圍棋 // 第二十屆香港校際圍棋大賽

是啊，圍棋都有校際！！林太知道細佬想玩，所以幫佢搵咗同學仔，一齊參加隊際賽！！介紹咗”圍棋比賽”俾佢嘅同學仔，既刺激又好玩！！都知道有好勁嘅對手，都是志在參與！！中小組有甲組（34隊）和乙組（35隊），嘩嘩和同學仔在甲組排12/34，成績也不錯哦！！嘩嘩是全勝！！Yeah！！甲組和乙組共八對入總決賽，今次無緣參加，下次啦！！林太係等嘅過程中，去咗睇早場《送院途中》，又一個冷門的行業，一個不被重視的行業，但其實為我們默默付出！！

初賽：

日期 ：2025年5 月 5日（星期一）

時間 ：上午8時30 分至下午 12時 30分

地點 ： 喇沙書院

香港兒童棋院 – HONG KONG CHILDREN'S GO COLLEGE

圍棋 // 第二屆 — 卓思盃

林太又找到圍棋比賽，初小組（小一至小三），五級以上的去精英組。林太一心諗住「易打啲」，結果都是一樣，有更勁的人！！細佬三勝二敗，排第十一（33人）。敗給五級和九級的人，所以要更加努力！！四小時的等待，林太又周圍去，由九龍城跳了上架小巴，去咗旺角。又食午餐又食下午茶，終於hea完，幸運遇上Labubu餐廳！！

比賽日期：2025年5月1日 (星期四) 

比賽時間：13:15 - 17:00頒獎

比賽地點：九龍城太子道西322號

第二屆 「卓思盃」全港學界棋藝錦標賽 2025 | Ec Chess Education