LamBB's award // 學業成績進步獎

哈哈哈⋯⋯數學由74分，到今個學期的94分，這20分帶給他一個「進步獎」。但中、英文成績不變！！哈哈哈！！所以下次仲有機會會攞進步獎！！加油加油！！

圍棋 // 四月圍棋評級賽

順利升上B組，第12級！！Keep going！！

姊妹學校計劃 — 北京文化交流之旅

吱吱第一次的自己出國旅行，四日三夜，其實比以前嘅camp多了一天，所以林生林太不是太擔心，只是怕他漏嘢喺酒店！哈哈！！結果開心而回！！問佢最開心的是什麼？！佢嘅答案：「我帶隊入男廁！」最唔開心的是什麼？！佢嘅答案：「冇得買紀念品！」哈哈哈⋯⋯這是什麼答案？？？

《Evolution Nic Live》

由買飛到去睇演唱會，都是一件很夢幻的事！！林太平時做嘢慢吞吞，估唔到可以正價撳到張飛，而且個位靚到爆！！林太不是謝霆鋒的super fans，只是有朋友喺澳洲返嚟特登睇謝霆鋒，所以八八掛掛去睇吓啟德體育園的演唱會。入到去睇演唱會，當然嗌到七彩！！氣氛好正！！！其實首首歌都識，陪住成長，真係回憶殺的夢幻晚上！！

深圳三人行 Day3

今日返香港啦，今晚要睇謝霆鋒演唱會，哈哈哈！！其實都冇咩做，今朝睇吓想食咩，食完就返香港嚕！！！再食多個BeBe Donut，真係好好食！！飲番杯咖啡！！就去「白玉串城」食串燒，細佬勁開胃，呢幾日多咗個肚腩仔！！選擇坐火車返香港，因為小朋友有一程免費，抵呀！！

深圳三人行 Day2

今次嚟深圳嘅主要目的，就係去《深圳野生動物園》餵老虎！！因為林太好鍾意貓，所有貓科類動物都好鍾意，獅子老虎一樣喜歡！！一早去到，林太沒有看地圖，不停行呀行，點解未見老虎嘅？下午才有show盼著！？行到終於見到老虎啦！！¥50一個人，就是包車上一個位，一嚿肉！！細佬好鍾意餵，所以兩次都由他餵。入到去大獅子籠，近距離對住獅子，牠們又沒有什麼特別異味，好似幾乾淨咁！！都有啲想摸佢哋！！好可愛啊！！餵完獅子，就去睇表演，連續三場的表演⋯⋯其實林太想早啲出去食嘢，但細佬話幾好睇繼續睇？！之後，仲順路餵了水豚，¥20一盤草，可以一大一細入去，抵呀！！！在深圳野生動物園沒有餐廳，可能是平日吧，只有熱狗和漢堡包，味道真是普普通通⋯⋯都係出去打邊爐，再返房食宵夜！！Yeah！！

深圳三人行 Day1

家姐仔自己去咗北京交流，林生林太無所事事，所以北上，第一次的三人行！！細佬可以獨霸林太的時候，但林生發覺自己沒有小三在身邊，雙手太空虛了，哈哈哈！！深圳都是飲飲食食，今次喺卓悅商場附近租了酒店，中國自家品牌秋果酒店。門口細細，酒店房間只在一層，餐廳和common area，旺中帶靜，不錯的選擇。今次試了一間新嘅餐廳，筷子餐廳。全繁體字，聽聞是香港人開的，裝修餐具都好靚，是fusion菜吧，都幾有特色！！總之，食完又食，返到酒店都要外賣！！

Happy Easter 2025

今次復活節假期，林太本來諗住同細佬一齊去桂林圍棋交流團，點知買唔到高鐵飛？！結果，大家乖乖地留在香港，做功課和特別節目！振興香港經濟！！哈哈哈哈⋯⋯林生帶佢哋兩個去踩單車，在雨中繼續踩⋯⋯又有上山頂做遊客⋯⋯林太仲買咗《膠戰》飛，去排應援，去大叫，哈哈哈⋯⋯⋯Happy Easter!!!!!!

2025 下水禮

咦⋯⋯天氣真係越嚟越熱，今年嘅下水禮特別早！！復活節假前，端午節前已經落水！！！今日會所第一日開，就跳落去游過水！！

全方位學習日2025

復活節假前夕，細佬已經唔使上堂，由上星期五開始嘅閱讀日，今個星期三天的「全方位學習日」！！實在太開心了！！亦都好多謝各位老師嘅投入，搵地方去玩，book車book場！！辛苦晒！！！見到小朋友玩得開開心心！！

Happy 9th Birthday, LamBB!!

生日快樂呀！！林家小寶寶，「小魔怪」！！細佬真係好鬼似「哪吒」，心地善良，但十分衝動；相信他的潛力無限，只需要時間雕琢。跟哪吒一樣：「你的路還需你去闖，今後，忠於自己內心的選擇吧！」⋯⋯考試後，決定替他開生日派對，林太又懶，所以決定在麥當勞開，唔駛煩！！諗住開完再去公園玩，但今天天氣麻麻，就沒有去公園。昨晚凌晨，林太已吹定波波，等細佬一開門，就傾倒在他身上，點知家姐一早起身去廁所，哈哈哈⋯⋯今早，仲要回校攞成績表，他竟然上磅 —— 數學成績進步獎！！Well done！！下午，才是麥當勞生日會。嘩！！全部都是男孩子，得一個女仔，好鬼嘈！！！之後，天氣麻麻，所以去咗室內遊戲室玩。晚上，再打邊爐！

圍棋 // 第四屆惠苗盃香港校際圍棋公開賽

好，又係大型圍棋比賽！！參加了「中小組」，小三至小四，都知道有段位，又係輸少當贏的心態，增加經驗值！！結果三勝二敗，37人排第17！！都是中間吧，下次加油加油加油！！

時間：9:00 am - 4:00pm

地點：聖公會聖提摩太小學

聯校音樂大賽2025 // 小學弦樂(小提琴)獨奏 - 高級組

吱吱第一次的現埸比賽，自從COVID-19後，全部考琴和比賽都是錄影，一直未轉返現場。所以吱吱喺佢嘅錄影Comfort Zone好耐，今次特登報現場，半氹半就，佢先肯參加！！結果，不錯喔！！Well done！！多謝伴奏姐姐，都好last minute先搵佢，又夾得幾好！！哈哈！！

林太偷走到首爾 Day 5 // UO631 16:10

最後的一天，雖然飛機時間是下午四點，但聽聞出境要排長龍，有啲驚驚！！所以最後決定，是瞓晏少少（09:00），之後就出機場。酒店門口就有去機場的巴士站，還有站長幫你攞行李上車。沒有塞車，一個多小時就到機場。去到當然counter都未開啦，所以食個早/午飯，再第一個check-in！！入到禁區，十分暢順，所以有兩個小時行街街！！林太努力地用晒所有散子，好叻啊，最後喺CU差不多用晒！！哈哈哈⋯⋯喺飛機，還是了最新嘅「譚仔杯麵」，正呀！！五天嘅旅程就此結束，又要返去現實，每日早起做全職媽媽！！

林太偷走到首爾 Day 4 // 汝矣島站 // Maison Hermes Dosan Park // 弘大 // 五花肉專賣店總統 (삼겹살전문점대통령) // 東大門

今日星期日，一離開酒店見到人跑緊馬拉松，仲諗住封咗路點算？！過咗一陣，就跑完了。食完個早餐，再去追櫻！！諗住影多兩張櫻花相交功課！！去咗汝矣島站，沿着河邊，都有櫻花樹，但未完全開晒，所以得幾棵影吓相！！影完之後，就坐的士去Hermes Cafe，Maison Hermes Dosan Park，因為有點兒山旮旯，要轉幾程車。十二點幾去到，竟然唔使排隊，價錢仲十分抵食！！不過坐落覺得十分casual！！之後再坐的士去弘大，文青一下！！結果，好搞笑地林太和朋友仔各自買了同一款袋，哈哈哈！！今晚是最後一晚shopping衝刺，返回東大門，行批發市場，好正啊！！行到凌晨兩點，嘩嘩嘩⋯⋯