今日遲咗小小起床，09:45先去到黑門巿場，第一天食咗個豐富早餐，有長腳蟹的腳，又有大拖羅，呵呵呵⋯⋯諗住咁近酒店，就行吓藥莊，點知行得太耐，趕唔切返酒店，就繼續攞著大包小包的行程。之後，去了LV開的V Cafe，主要是輕食，所以無乜興趣，只食個甜點吧！！哈哈！！打打卡⋯⋯再去心齋橋行街街！！行到累了，就上了Donki摩天輪，涼吓冷氣，休息一下！！嚟過咁多次都未玩過，哈哈！！之後，回酒店換件「白色的」衣服，準備今晚行程。去了梅田的「高層」大廈食個晚餐。之後，上去梅田藍天大廈展望台。一棟先起兩邊，再釣個展望台上去的大廈，其實不是很高，得35層。它們出名的是展望台會夜光的地下！！！！哈哈哈！！但想不到的是，要排隊哦⋯⋯都等咗陣⋯⋯上到去，有星光的地下，林太覺得比起出面的燈光更美，所以沒有影風景，哈哈！！玩完，就返去，個BRÛLÉE雪糕（crème brûlée），超好吃！！
難得七。一的長週末，林太搵到朋友仔陪玩！！嚟個快閃之旅！！大阪四日三夜，沒有早機去晚機返，舒舒服服的中午機，一個遊閒的旅程。坐Peach MM064，但遇上跑道塞車，遲了一小時起飛，所以去到，再坐火車出大阪市已是晩上09:00，快快手check-in，和食碗拉麵！！四天王的雞湯拉麵好香呀！！仲有日元對港元，碗麵只是HK$45，仲係超抵！！食飽飽，就去打機，夾公仔！！Yeah！！
有同學仔媽咪正籌備小朋友的縫紉工作坊，所以邀請了吱吱和嘩嘩「嘗試一下」。他們學習用衣車，今次沒有剪裁，造了一隻好多頭髮，可穿衣服的洋娃娃！！Well done！！謝謝邀請！！
今次飯盒真係可以收工、收工、收工！！兩位少主開始返半日，不用再一早爬起床整飯盒，放假。Yeah！
嚟到第三日，當然是去Kayak。去了Little Cove食個早餐，之後就出發。去個程，吱吱和嘩嘩跟了表姐，所以林太好爽地跟了林生！哈哈！！但回程時，無人同佢哋兩個，最後，林太要出力了⋯⋯曬了一日，林太多了一對襪仔和tattoo！！哈哈哈⋯⋯
考完試的週末當然要走走，走堂，走功課！！哈哈！！多謝hotel.com的優惠，住十晚送一晚，所以依兩晚的酒店是免費的！！（但好似細過之前？！）今日仍然要返學，所以一放學就入西貢。林生泊好車才發覺條軚流氣，噢⋯⋯所以立即去換軚，而林太就開始chill⋯⋯晚上，行了出去食泰國菜，偽旅行一吓！！第二天，好早就起身（多謝嘩嘩！），係房食個包，09:30就上去游水！！泳池細佬仲未夠高，所以佢喺池邊行吓行吓⋯⋯玩完泳池，返房換返件衫，就出去偽文青一下，搵間cafe打打卡。11:30到，不用排隊，食物都好靚喎！！食完個早飯，仲想食甜品，吱吱的一句：「我想等佢開門，食咗先！」所以等咗佢10分鐘開門，做第一位顧客。之後，就見到勁多人排隊，所以這個決定也沒有錯，哈哈哈！！食完雪糕，就坐船入三星灣，沒有救生員，所以應該不可以進行水上活動，佢哋大部份時間都係「玩沙」！！而林太就遮蔭，好晒呀！！！玩到差不多17:00就坐返船返去，因為最後班船是六點，唔想同人迫。返到去酒店沖過涼，走落樓下M Square食晚飯，有足球機玩，有桌球玩，又有得打機⋯⋯⋯
考完試，爸爸不在家，搵地方食晚飯！！所以嚟咗貓貓Cafe，又可以玩又可以食！！因為真心覺得依間貓貓Cafe啲嘢食好食過其他，哈哈哈⋯⋯嚟到先知，晚上七點前都是下午茶時段，加$5就有得飲嘢，抵呀！！
因為吱吱考試先，嘩嘩亦跟著早了開始溫！其實咁細個，一個學期做了一本中一本英的閱讀理解，已經好乖，有努力過！！今次考試跨過端午節，有三天假，又唔可以去玩，數學又冇乜嘢溫，細佬做了五、六份試卷！！祝你好運！！
小四期考，一個搞掂！！咁快⋯⋯小四就讀完咁，吱吱無乜反應，但林太好驚，因為小五呈分開始了⋯⋯如果留在香港升學，就要加油了！！今次考試，吱吱都是傻吓傻吓，要陪讀陪溫⋯⋯四科都「7」字頭，中英都有進步，加油！！考完試，要去玩玩，好好彩地無落雨！！Work hard，Play hard！
