Kkday // Fullerton Ocean Park Hotel // 星耀廊High tea

2024年最後的一天，要sweet一sweet，去食個high tea。去了Fullerton Hotel，雖然是港島區，但在另一邊，地鐵再轉巴士，係有點不方便，不過去到又真係幾舒服！！哈哈！！酒店職員仲好貼心地搬了熊貓來合照！！哈哈！！Happy New Year！！All the best in 2025！！

Korea Christmas Trip // Day 8 // 烏達里家 // Daiso

今日要返香港喇，包了車100,000 Won 七人車，11:30酒店接，幸好酒店比late check-out，所以最後係酒店走，行李不用搬來搬去！！一早，林生點會放過早餐時間！！要食醬油蟹，網上寫08:30開門，去到原來09:00先開，要去買柸咖啡再返嚟。最後排頭位，09:10開門，XXL售罄，只能食到XL!！不過，已經好好好多肉！！可惜，除了醬油蟹和蝦外，沒有其他嘢食，小寶們只可以食飯，哈哈！！食完，仲有時間衝Daiso，十二層的Daiso，不過其實每層都不大，可以睇完，買買買！！之後，就要講再見了！！

烏達里家:

乌达里家(오다리집) - 酱油蟹酱 & 烤炭专门店 명동 간장게장&숯불구이 전문점

Korea Christmas Trip // Day 7 // Everland // 豬腳小姐

嚟到假期的第七天，決定去啲遠啲嘅地方，小朋友們唔多想觀光，所以決定去Everland。睇了Kkday和KLOOK的一日團時間，最後決定包車，270,000 Won 九小時。09:30出發，18:30回到明洞。一去到Everland，趁住人唔多，就排隊玩最激動嗰個機動遊戲，一個木製的過山車，沒有360度，但聽聞離心力超強！！所以決定排隊，70分鐘排隊，真係70分鐘喎！！細佬高度差少少玩唔到，129.7cm 需要130cm，嘗試了很久，都不夠高！！不過也好彩，因為離心力真係好勁，林太都怕安全帶扣不住他，因為他太矮。玩完之後，正呀！！真係像跳樓一樣痴線，哈哈哈！！其實全日都沒有食過正餐，因為不斷排隊再排隊！！吱吱玩完個勁轉的機動遊戲後，暈了！！哈哈！！到細佬玩低B機動遊戲，哈哈哈！！裏面有個Safari World，要排60分鐘，林生不斷話天寒地凍，啲動物瞓晒，不如唔好排！？（其實林生同細佬一樣，不喜歡排隊！！）嘩！！結果喜出望外，動物們好鬼精神，行來行去！！仲好多添！！又勁近！！正呀！！！玩到五點多，就回程，車程需要45分鐘。出到明洞，今晚食豬腳小姐，其實他們沒有豬手和豬腳，只有豬爪，哈哈！！

Everland:

Book Everland Tickets 2024

豬腳小姐:

REDTABLE

Korea Christmas Trip // Day 6 // Phoenix Park // 明洞餃子 // Korea Sniper

第三天的滑雪，林太選擇唔滑，hea一天！！因為已經check-out，所以在不同的cafe/餐廳漂流！！今日16:00就要上車返明洞，計過時間，想用盡六小時ski pass，就要09:00開始，小寶們很合作，09:00開始！！林太不在，他們玩得更好，吱吱和嘩嘩滑藍色沒有難度！！仲搵到煮杯麵的地方，哈哈！！準時16:00上車，返回明洞。到咗明洞，決定排隊食明洞餃子，每天都排長龍的餃子店，餐廳只得三款食物：餃子、冷麵和湯麵。有趣有趣！！又真係幾好食。之後就喺明洞夜市嗰幾條街度行嚟行去，其實已經行咗好多次！！今晚有新發現，5000 Won 嘅射槍，射氣槍！！兩小寶表示好好玩！！

Korea Sniper:

https://www.instagram.com/korea.sniper?igsh=anA0d3B6dnl6aGl1

Korea Christmas Trip // Day 5 // Phoenix Park

第二天的滑雪，由於不太熟識酒店，所以尋晚搬曬所雪鞋上房，今早又要搬回去！！蠢咗！！哈哈！！因為順路，所以去返同一間bakery。今日，有朋友仔介紹係KLOOK買ski pass，平啲，不過只有六小時的ski pass。林太本來只想滑四小時，但最後也買了六小時。林太估計自己滑四次就夠了，哈哈！！雪埸每天16:00-17:00關閉，反雪，所以六小時就10:00-16:00吧！！小寶們很強勁，自上自落，林太就休息休息，影吓相。到15:00，林太已頂唔順，還了雪具，偷懶，哈哈！！食個早的晚餐，玩吓雪，再食雪糕！！林太一個人先回房，沖個悠長的涼，爽呀！！

Korea Christmas Trip // Day 4 // Phoenix Park

萬眾期待的滑雪，終於開始了！！07:00上車，巴士要再接人，其實2.5小時車程，最後10:00到達。放低行李，食小小嘢，稓雪具，開始！！雪山上有得燒棉花糖！！好正呀！！林太玩了三轉已要休息休息！！他們繼續吧！！雪場16:00-17:00清埸，反雪；就這個時間check-in吧！！稓了Euro Villa，三房，但原來要行較遠⋯⋯哈哈⋯⋯大件細件的行李，雪鞋！！肚餓食個早飯，好有feel的韓燒，韓牛！！正！！雪場還有night ski，再玩！！林太玩了一轉，頂唔順，太icy，對腳唔夠力！！家姐玩了兩轉也無電！！不過，一返回房，宵夜時間又精神返！！

Phoenix Park Korea:

메인 | 휘닉스 파크

Korea Christmas Trip // Day 3 // 神仙雪濃湯 // 景福宮 // 土俗村蔘鷄湯 // 舊街市 // Borrow Coffee Place // 南山纜車 // 柳氏家鐵板雞

聖誕快樂！！！今日同埋朋友仔一齊做遊客，先去神仙雪濃湯食早餐，再坐地鐵去景福宮。本來諗住穿韓服，因為穿韓服就免費入景福宮。但最後唔想行來行去（租/還），少女們又唔想，所以沒有穿。哈哈，不過今天是聖誕節，他們的「文化日」，所以免費入景福宮！！可能是冬天吧，光禿禿的，沒有甚麼色彩⋯⋯到此一遊吧！！之後，去土俗村蔘鷄湯食人蔘雞湯！！嘩，勁長龍，不過都入得很快！！好攪笑呀，人蔘粉！！好濃的蔘味！！Good！！繼續周街逛，去咗當地的市場，買到花生糖和大大粒韓國士多啤梨！！開心！！行到累了，coffee time！！上了一間樓上店，Borrow Coffee Place。叉叉電，再行過。一到晚上五點多，諗住坐南山纜車上去睇夜影，點知聖誕節，勁多人！！等咗一個鐘，仲派了特大暖包！！哈哈，幾窩心！！上去影完相，再返落嚟已經唔早，勁多人的明洞間間餐廳都要排隊，決定排柳氏家鐵板雞！排的時候已講了六人，排咗30分鐘先講：「沒有六人枱！」「做不到六人枱！」「Sorry!」「你去第二間吧！！」真攪笑，去第二間又再排過？！最後，只好分枱食，但其實食食吓（15分鐘左右）差不多半數的客人都已走，已經是十點！！真心唔明他們的苦心！！

神仙雪濃湯:

https://www.shinsunseolnongtang.co.kr

土俗村蔘鷄湯:

http://tosokchon.com/index.php

柳氏家鐵板雞:

https://www.yoogane.co.kr/intro/main/main.html

Korea Christmas Trip // Day 2 // 瑞源粥店 // 北村韓屋村 // 大瓦房 // Cafe Onion // 智勇迷宮 // 熟成到（숙성도）乙支路店

 

第二日，領隊林生當然唔會遲起身啦，一早起身去食粥！！其實林太唔鍾意食粥，不過嚟到首爾都要食吓！！勁多人打卡的粥店！！唔知係咪因為聖誕節，食完碗粥，老闆仲請小朋友飲益力多和百力枝，哈哈！！食完之後出嚟，就開始排長龍！！林生當然得戚「都話要早啲起身！」。之後就坐地鐵，去到北村韓屋村。古舊嘅韓式屋，應該仲有人住，亦都是上等人住，哈哈！！因為幾靚，幾貴！！之後又食！！去到大瓦房排定隊，11:30開門，第一批入去食！！林太終於一嘗韓國醬油蟹的滋味！！因為上次大住肚冇得食！！超好食，隻蟹好多肉，好甜！！食完又食，去到另一間打卡cafe，係間韓屋裏面，Cafe Onion！！一個上午已經食咗好多餐，所以決定做做運動，行去搵迷宮玩。依個智勇迷宮，連Kkday都有得賣，又有好多介紹，見佢平平哋就試吓！林生帶着兩位小寶入咗去，玩咗32分鐘！！哈哈哈！！呢個年紀啱㗎啦⋯⋯⋯！！都仲未開始餓，所以繼續行，行返去明洞，shopping！！最鍾意的Daiso！！還有些小店，買呀買！！晚上，約了吱吱的同學仔嘅家庭一齊韓燒，濟州黑豬肉！！眼見好肥，但食落好香！！呵呵呵呵⋯⋯平安夜，一齊去睇吓燈飾！！

瑞源粥店:

https://www.instagram.com/seowonjuk?igsh=NHM4d3JwdWxhM2x0

大瓦房:

한식의 명가 큰기와집 : 네이버 블로그

Cafe Onion:

https://www.instagram.com/cafe.onion?igsh=MXNwY293ejN3ZDRkcg==