十里湘薈。下午茶

之前去古宮博物館，諗住去完過嚟食，點知細佬已沒有課外活動，要去接佢放學。轉了時間，今天試！！佢哋下午2:30開始可以叫下午茶，不錯的late lunch選擇，而且一人也可以！！所以林太這個獨行俠啱曬！！哈哈！！其實普普通通，不過係Elements的價格差不多吧！！林太最喜歡他們的「爆汁和牛燒餅」，真係幾多汁！！

KKday //【下午茶優惠2023】 十里湘薈下午茶套餐 |ELEMENTS 圓方 $185

鮮蝦牛油果沙律

蜂蜜照薯鮮淮山

椒麻脆炸雞

宇治抹茶蘿蔔絲酥

爆汁和牛燒餅

馬卡能

椰汁杏仁豆腐

偽單親 Day8 // Last day

最後一天的自由時間，哈哈！！沒有特別，只是去做運動，本來想食隻熱狗，但馳名熱狗沒有腸，想點？！今晚，炒了一個「DorDor多粒炒飯」，仲多餸過太興的煙三文魚粒炒飯！！哈哈！！

偽單親 Day7 // JAJA

今日梁爸爸唔會一齊食晚飯，所以去咗食齋！！係好靚嘅素菜！！周圍都是粉紅色，實在太美少女，吱吱超鍾意，細佬都鍾意喎！！而且仲有免費夾糖，實在太開心了！！雖然是一個四人餐，兩大兩細都食得差唔多，如果四個大男人就應該唔夠，不過四個大男人又唔會嚟呢間粉紅色餐廳吧，哈哈！！

https://www.miradining.com/jaja/

偽單親 Day6

吱吱嘅同學仔媽咪實在太好了，知道林生唔喺香港，就邀請去佢屋企食飯。所以臨考試前，吱吱竟然可以鬆一鬆，去咗朋友仔屋企做功課、玩、唱歌、食飯⋯⋯Thank you！！

偽單親 Day6 // 故宮博物館

一早諗定今日去故宮博物館，因為有卡地亞特別展覽 — 白樣玲瓏 Cartier and Women。有導賞員加以講解，變得更加有趣！！林太覺得首飾，奢侈品，都是有錢人的玩意，有錢就任性，哈哈哈！！但原來當中還有歷史，當男女平等，女性獨立、自由之後，女性做了更加多的首飾嚟到 “show off” 一下！！而且當年卡地亞的作品都是度身訂造，真係件件精細！！既然買咗飛入場，所以林太繼續行，完成了九個展館！！You learn something new everyday！！原來以前祭天祭地的器皿都係唔同色，仲有皇帝龍袍上嘅圖案有好多意思⋯⋯用咗三個鐘，好好睇！！

偽單親 Day5

星期天，除咗細佬要上足球班（16:00-17:00），就沒有其他事要做。所以今天的計劃是溫書，溫書，再溫書！！結果都幾好呀，家姐做咗好多中文練習，細佬都作咗好多篇文！！哈哈哈，不過作得好唔好就見仁見智！！帶咗細佬上足球班，本來同大小姐去7-11買嘢飲，但大小姐又話熱又話攰，最後坐咗入間cafe食蛋糕，真識嘆！！！踢完波，返屋企仲要游水！！2023年的第一次，下水禮！！

偽單親 Day4

今天不能「偽單身」，因為星期六唔使返學，又沒有兩個一齊上堂的時間⋯⋯唉⋯⋯兩小寶依然一早起床，08:00am，不過林太依然 hea到09:00am 才離開張床，哈哈哈！！細佬做完功課之後，09:30 開始數學比賽，都唔容易哦！！其實係做到，但要講解一下題目！！10:30 細佬上中文班，之後食迴轉壽司，15:30 家姐上小提琴。其餘時間都係溫習，溫習，再溫習！！晚上，林太終於有時間睇《想見你》，本來以為只是單單愛情片，但原來是穿越時空嘅電影。如果知道結果，依然會去愛嗎？？

偽單親 Day3

今日hea些⋯⋯林太約了媽媽們食個早餐，回家打掃加做 facial⋯⋯再行吓花墟，買紮花氹吓自己開心！！下午，照常地同細佬上劍擊！！林太終於有時間睇《Ticket To Paradise》，其實只係想睇Lucas Bravo，但林生沒有興趣。哈哈⋯⋯結果，這套戲真是普普通通，而且佢唔係出咗好多場，哈哈！！

偽單親 Day2

今早，兩小寶自動自覺起身，梳洗、換衫、食早餐，07:00am攪掂，仲可以睇電視！！奇蹟！！不過，Uber一直好貴，所以最後落街捷。送完返學，林太就回家做家務，之後，約了朋友仔睇早埸！！《悲情城市》是一部1989年上映的台灣歷史電影，是第一部涉及到台灣政治最敏感的「二二八事件」爭議的電影，講述了1940年代末，一個台灣家庭捲入從國民政府對台灣人民施加的「白色恐怖」事件。林太睇是因為有梁朝偉！！哈哈！！一個聾人！！一樣靚仔！！睇完戲同朋友仔食飯，慶祝五月之星，生日快樂！！晚上，還是專人陪讀和陪玩，沒有電視的聲音是多麼的好！！

偽單親 Day1

林生和林媽媽去咗日本旅行，林太就一打二，進行「偽單親」/「偽單身」八天！！哈哈哈⋯⋯第一日，成功坐Uber taxi 送完返學之後，飲杯咖啡，再去做gym，再去做返個facial，爽呀！！之後鋸扒，再去行書店，買下補充練習，做返個阿媽先！！晚上，有專人陪同玩圍棋和溫習，林太又可以打機囉！！

《弦續李克勤‧港樂演唱會》

嘩～～有靚位睇演唱會！！今次簡直是靚聲！！小提琴家和管弦樂團勁到爆！！正！！還有兩屆《中國好聲音》冠軍的伍珂玥及梁玉莹來當嘉賓，又是靚聲！！最攪笑的是演唱會前的晚餐，林生林太由上環行到中環都搵唔到嘢食，一係排長龍，一係唔開，哈哈哈！！

Dalloyau

ZA bank送的優惠券，林太約了朋友仔食個午餐先，有位稀客到咗！！三歲的小孩真可愛！！林太很懷念細佬的小時候！！個 lunch set 最抵的是 +HK$30 有甜品，滿足！！

Happy Mother’s Day

母親節快樂！沒有特別的母親節，依然有著母親的責任，帶著小孩周圍去，周圍上堂！

賽馬會青少年足球發展計劃 U8 比賽 （05.2023）

問過細佬點解唔鐘意劍擊？！因為成日「輸」！！但踢波都成日「輸」，點解仲嚟比賽？！因為「好玩」！！林太不明白的道理，有人解答嗎？母親節整天落雨，細佬繼續練波，真係風雨不改，媽媽也是風雨不改地等⋯⋯哈哈哈⋯⋯

繪畫比賽 // 樂在畫中繪畫比賽2023

真心覺得依幅畫好靚，用咗好多堂嘅時間，即係用咗好多錢堆砌出嚟，哈哈哈！！不過慢工出細貨，係畫得靚嘅！恭喜曬！！

樹苗護理日2023

多謝Towngas的「樹苗護理日」，可以親親大自然，植樹，救救地球！！林太本來以為是植樹日，但原來只是樹苗護理日，護理之前已經植好嘅樹苗，哈哈哈⋯⋯下次去到城門郊野公園，希望佢哋仲健康成長啦！！

LamB’s 9th Birthday!!!

原來已經九歲！！

時間過得真係快！

但你每天都是慢慢的，

像一隻樹懶一樣，

在媽媽眼中，

慢慢地做功課，

慢慢地溫習，

什麼都是慢慢的！

其實是想快啲快啲，

還是慢啲慢啲？

快或慢，

只想用一生愛你！！  

拍拖拖食lunch⋯

哈哈哈⋯⋯原來今個星期日日都出去食lunch！做完瑜伽咁食法，好似無乜用哦！！

九巴車廠遊學團

林太一直未能預約「九巴車廠遊學團」，一係勁快冇位，一係考試期間，而家佢哋一日開六團，每逢星期六日都有，終於預約成功！！林太覺得細佬對巴士都係普普通通，沒有特別濃厚興趣，但去到先知原來佢都有一個渣巴士的夢想，是不是每一個男孩都一樣呢？哈哈！！導賞團叔叔十分搞笑，坐咗喺巴士上面一個鐘都好舒服！！先嚟介紹九巴有四個車廠，屯門的是最大，沙田的就有特別巴士睇「古董巴士」。由一入廠，洗車、入油、數據下載，之後洗車，檢查，維修，環保車呔⋯⋯都一一介紹晒，最後就可以玩駕舊巴士！！

活動介紹：KMB Design 舉辦【九巴車廠遊學團】親子遊活動，行程豐富，包括暢遊九巴車廠感受巴士洗車過程、認識巴士維修、了解環境保護、古董巴士介紹及做個好乘客等。活動完成後，每位參加者將獲發車廠參觀證書留念。

https://www.design1933.hk/t_chinese/2023-13-14may.html

LamB’s 9th Birthday // Cinnamoroll party // Slime party

搞咗一輪，最後都係喺返會所到開生日會，哈哈哈⋯⋯大個咗，唔再請魔術師啦，今次請了一個姐姐嚟教大家玩SLIME！！好多父母都最怕的slime！！其實真係幾核突，哈哈！！個姐姐材料好充足，仲好鬼靚！！小朋友們當然很開心！！玩完slime，小朋友問起田田，佢就成為了「活動項目之一」，哈哈，又平又正！！吱吱，生日快樂！！祝你和你的朋友仔一起健康成長！！

https://www.partyfaces.com.hk/

LamB’s 9th Birthday // Cinnamoroll party set up

吱吱唔知幾時開始鐘意咗肉桂狗，角落生物又放埋一邊⋯⋯今年生日又係屋企會所，所以攪攪新意思，淘個backdrop返嚟（¥374），自己攪！！林生和林太攪了兩小時！！靚嗎？

Hashtag

林太次次經過時都想試，但手上已買咗柸咖啡，所以今天特登去試！！哈哈！！一杯Magic的咖啡，味道好香好滑，但算不算Magic呢？！