九龍半天遊

家姐和細佬返咗全日之後，林太終於可以得閒約下舊朋友食個飯！！而且又有朋友喺澳洲返港，小朋友都已經三歲，原來三年冇見了！！一早去到石硤尾食早餐，再去荔枝角食午飯。Happy gathering！！

最後一天的新年假

細佬的學校很特別，聖誕節假和農曆新年假都都放一日，所以今天家姐已開始返學，細佬還留在家！！本來諗住同佢出去玩，點知原來仲有勁多功課未做！！最後喺屋企追功課！！最麻煩的功課就是拍片，今個假期仲要兩條片⋯⋯今天一次K.O.咗佢！！好彩仲趕得切！！

BBQ X3

今個新年假，最激動的就是連續燒了三次BBQ！！兩晚加一次午餐，試了對着尖沙咀靚景燒，試了勁大風之下燒，最開心就係用炭火燒！！！相信呢三日家姐和細佬係冇食過嘢，不斷玩，哈哈哈⋯⋯

大年初四 // 昂坪360 // 天壇大佛

大年初四，由暖泣泣的新年，突然凍咗。本來約了林太的好朋友去野餐，不過諗吓諗吓可能會變雪條，所以轉了去坐䌫車，哈哈！！但原來年初四的昂坪纜車沒有折扣，所以得正價，都唔平哦，而且好多人，都排了差不多－小時！！好彩有財神爺出來派吓金幣，哈哈！！去到已有點肚餓，立即食碗豆腐花和串燒，分別也加了價，HK$25@串燒，HK$23豆腐花。之後，就行上天壇大佛，再食齋！！玩到三點多就回程了！！

https://www.np360.com.hk/tc/

大年初三 // 赤口 // 山頂

初三沒有拜年，上了山頂行個圈。但唔知點解咁早（9:45am）上到去等，等到11:00食午餐，之後先開始行！！行完回家hea⋯⋯哈哈⋯⋯

大年初二 // 開年飯

食過「開年飯」，今年豐衣又足食！！林太的靚姨搬了入愉景灣，所以坐車又坐船，時間趕緊咗些！哈哈！！不過，也很開心！！愉景灣住又真的很舒服，十分平靜！！嘆！！

大年初一 // 兔年新春快樂

新年快樂！！恭喜發財！！

大年初一的行程：奶奶家食粥 》林生姨媽 〉林生姑媽 》林太爸媽。很豐富的行程，吱吱和嘩嘩係車瞓到豬咁既樣，哈哈！！

團年飯

「團年飯」中國人重視吃團年飯，除了吃一頓好的以慰年來的努力之外，其實亦寓意「豐衣足食」。民以食為天，豐衣足食當然重要，而更重要的，是團年飯能促進親情的凝聚與依附，亦給孩子創建家庭的歸屬感。林家的團年飯都是為了食食食！！預祝新一年身體健康，豐衣足食！！

馬林糖（11-13)

到農曆新年版！！馬林糖進駐新年糖果盒！！

過大年，玉兔迎春

今年兔仔年！！屋企好多兔仔呀！！We are ready！！

農曆年假開始

一放假，當然要睇返一場早場啦！！要去捧Edan場！！哈哈哈⋯⋯之後，行維園花市！！迎接新年！！

林太的小情人

又來了！！嘩嘩最喜歡的乳鴿！！嘩嘩真是林太前世的情人！！對著佢，真係有窩心的感覺！！林太切切吓生果，細佬會從後攬住林太，笑笑囗講句「I love you！」就走開。今晚，天氣突然凍咗，林太雙手插入褸袋，突然有隻小手伸了入林太的褸袋「好凍，拖拖！」。坐係到，又攬住林太的粗腰⋯⋯真係有初戀的感覺！！哈哈哈⋯⋯

Cruise Restaurant and Bar

林太約了靚太們食午餐，雖然是酒店餐廳，但價錢十分相宜！！酒店的頂樓餐廳，有海景睇，東南亞美食，笑笑說說又過了一個午餐時間！！ https://cruiserestaurantandbar.com/

PMQ

林太的好姊妹回港，終於有機會見面了！！小朋友又大咗好多！！男孩子同男孩子玩，哈哈！！可愛！！

匯弦音樂中心 // 香港學校音樂節75屆學生實習音樂會

依三年的疫情，所有音樂表演/比賽/考試都變了錄影。吱吱考了兩次試，參加過一次比賽，但今次是第一次有觀眾的獨奏表演！！Well done！！其實二月中已要錄影比賽，但仲未背好首歌，哈哈哈⋯⋯再聽了老師的示範，簡直有更多的進步空間，努力！！

日期：2023年1月15日 

時間：10:00-12:00

地點：中環大會堂高座8樓演奏廳

曲目：N211 — NO 6 POLKA BY CHARLES DANCLA

賽馬會氣候變化博物館：週末導賞團

這個疫情已經維持咗三年，三年沒有出國，假日都在香港找節目！！所以教曉林太在香港「搵」博物館睇！！去到外國，什麼博物館都去睇！！但唔知點解喺香港，免費入場的反而沒有人去？！林太見到Facebook有人介紹氣候變化博物館，見到個「導賞團」好似好難預約，幾個月前撳到今日，就今日吧！！兩小時的導賞團？？對是兩小時！！一小時會在館內參觀，另一小時會到香港中文大學 — 未圓湖導賞。一團導賞團只有兩家人，大概十人以下，兩名大學生帶隊，今天的是Miko哥哥和Anson哥哥。其實未去氣候變化博物館時都估到會有什麼看，除咗大路環保知識外，佢最特別就是介紹中國的雪龍號。一首可以航行到南極和北極的探索船，介紹科學家在船上和極地上的研究工作。這次導賞團，林太最深刻的是未圓湖的導賞，介紹什麼是外來的植物：台灣相思、澳洲百千層⋯⋯長知識！！

https://www.mocc.cuhk.edu.hk/en-gb/

賽馬會青少年足球發展計劃 U8 比賽 （01.2023）

細佬又踢咗幾個月波，終於有得出賽啦！！本來有學校的課外活動也請了假，因為林太覺得真係要體驗一下比賽，細佬一直都唔明白比賽的重要性？！成日喺度玩吓玩吓，有時候要認真地玩！！第一場比賽輸了，下次再努力吧！！U8還有一年多的時間等你！！

便當。第二次

上次整完白熊的便當，吱吱表示喜歡。今日林太諗住挑戰難度，整長頭髮公主！！上網都見到教學，諗住不是太難⋯⋯結果，都整到一個出嚟影相⋯⋯但送到返學的時候已經發覺變色龍的眼睛溶了！！放學後，吱吱話：「認唔到是什麼公主，只是得一個飯團！！」林太傷心極了，原來吱吱攞飯盒時已經是鈄了，長頭髮公主的「蛋皮」全部亂了（頭髮亂了），變色龍對眼唔見咗又碌咗出嚟，唉！！下次諗吓應該做乜先？！

擴香石DIY工作坊

學校跟小童群益會社工合辦的家長工作坊，一班媽咪返學校做擴香石。原來材料只需「石膏粉」，分量是3:1（石膏粉：水），很快乾，唔怪得知他有吸濕的功能！！是媽咪們ME time的時間，但是傾計的話題都是圍繞著小朋友⋯⋯哈哈！！

主題：同儕互助小組(一)之擴香石DIY

日期：11/1/2023 (三)

時間：上午10:00-中午12:00

地點：學校母佑堂 (實體面授)

內容：

1) 家長交流分享會

2) 家長一起輕輕鬆鬆製作擴香石DIY，齊來體驗家長Me-Time

薄扶林村蘿蔔糕節

幾個星期前已係Facebook見到這個post，一見到「免費」，而且又咁近，所以林太set定鬧鐘，去報名！！哈哈哈！！成日經過「薄扶林村」，都唔明點解仲會有「鐵皮屋」，又唔拆？！裏面仲有田可以拔蘿蔔？！林太十萬個問號入薄扶林村睇吓！！原來「薄扶林村」清朝已經有，仲早過香港成立，他們的地契應該是歷史遺物！！今日拔蘿蔔，一班村民在兩個月前種定蘿蔔，但因天氣太熱，所以得三份一收成，共80斤！！吱吱和嘩嘩拔完蘿蔔，之後㓟皮，磨蓉，切粒，好努力啊！！係等蒸糕的時候，仲有叔叔帶行薄扶林水溏，介紹薄扶林村和牛奶公司的建築。行完就返去食蘿蔔糕，還有「賴鑊邊」（蘿蔔糕既漿再水一些，好似做賴粉咁），還有還有湯圓番薯糖水。謝謝薄扶林村一天的款待！！

CIAK

KLOOK // 獨家優惠:香港海洋公園萬豪酒店Staycation「食‧住‧樂」 渡假優惠連$800麗新餐飲禮券及住宿優惠

之前$800麗新餐飲禮券，快些用咗佢先⋯⋯今日去咗《CIAK》，意大利菜，pizza 和 pasta 是基本。細佬話好好食！！自己食了隻lamb chop，仲清咗意粉！！勁！！之後，仲去搵Miffy影相！！

https://ciakconcept.com/

便當。第一次

買了依個飯盒已兩年幾，但因疫情一直沒有「lunchtime」，終於等到可以用！！哈哈！！不過，吱吱星期一至五在校撘食，不用花神準備。今天是星期五，要管弦樂團練習，林太就花點心思，做個便當，再攞返學！！

《陳奕迅Fear and Dreams》

Yeah Yeah Yeah！！到林生林太睇了！！要知道係香港買演唱會票難過買機票！！今次都係有朋友幫手才買到！！難得睇演唱會，林生林太偷走出去食個晚飯，平日已經經過「鯛白湯らーめん○de▽」，好似好好味！！今日去試吧！嘩！個魚湯甜到不得了！！正！！食飽飽，一早去到紅館，坐定定等開場。今次個演唱會好似一個歌舞劇咁，雖然只開三面台，但已很震撼！！正！！而且好識帶動氣氛，所以超正！！