《北京七天好得旅行團》 Day7

咁快就玩完七日，今朝早喺酒店食早餐，影返張大合照，就要走了。車程三個半小時，都有點塞車！！途中去了一個中途站，去過廁所，買個麥當勞，就去機場。機場入閘後，沒有什麼商店和餐廳，所以要上機等飛機餐，噢⋯⋯

《北京七天好得旅行團》 Day6 // 太舞小鎮

自由滑的一天，沒有上堂，自由民主地滑！！

《北京七天好得旅行團》 Day5 // 太舞小鎮

開始滑雪了，小朋友們上吓堂先，10:00-16:00，一對二教練，二人共¥1600。林太就下午14:00-17:00，上三小時，refresh一下！！林生不用說，由早滑到晚⋯⋯哈哈哈⋯⋯ 

《北京七天好得旅行團》 Day4 // 太舞小鎮

出發去雪場喇！！大概要兩個半至三小時，所以應該唔夠時間加插行程。預約了大巴，但是太多行李（11個大人，8個小朋友），需要時間放上車，最後12:00才起程。三小時後到達太舞小鎮，lobby又幾歐陸風，兩房的酒店房，有洗衣/乾衣機，正！！雖然有煮食爐，但沒有任何煮食用具和碗碟，哈哈哈！！不過冇問題，滑雪村內有很多嘢食選擇，正！！凍冰冰，可以食碗熱辣辣的麵！！真係未試過滑雪可以食火鍋，串燒，和珍珠奶茶，超開心！！ https://www.thaiwoo.com

《北京七天好得旅行團》 Day3 // 長城 // 慕田峪長城纜車 // 冠龍 // 花家怡園—四合院總店 // Kerry Hotel

聖誕節快樂！！今日行程去長城，經過尋日的經驗，着多咗件衫，着多咗對襪，所以唔覺得太凍！！去了慕田峪長城段，有纜車坐，唔係行好遠，幾舒服！！午餐在附近試了農家菜，幾好食喎！！出返去北京市又有點塞車，加插唔到其他行程，不過酒店每天5:00-6:00都有特別表演，應酬一下班小朋友，哈哈！！Hea吓之後，又出去食飯，花家怡園—四合院總店，四合院真係好靚！！所有食物嘅容器都好靚，好似宮廷菜咁！！食完飯返到酒店，聖誕裝飾已經冇晒，咁快嘅⋯⋯哈哈⋯⋯

《北京七天好得旅行團》 Day2 // 故宮 // 鄉味小廚Rosewood // 798藝術區 // Kerry’s Kitchen // Kerry Hotel

第二天的旅程，吱吱瞓到唔想起身，所以林太同吱吱留在房裏繼續瞓，林生同細佬落去食早餐！！《好得旅行團》已經預約了車，和故宮門券，出發去故宮！！喺故宮門口，有導遊兜售服務，¥500 三小時的講解服務。我們就多了一個雙語導遊。他帶着小朋友講解故宮，大人亦長知識！例如，故宮外的門是方的，經隧道行到入去是圓的？地上凡間的門是方的，天上的門是圓的。故宮有四色：紅色—喜慶、幸福；黃色—權力、皇權；綠色—地；藍色—天。無事不登三寶殿：太和殿、中和殿、保和殿。喺故宮行到1:30出返去食午飯，點知塞車，最後2:30先去到鄉味小廚Rosewood。他們的set lunch超多嘢食，味道和服務都好好！！燒鴨即叫即燒，正！！食飽飽再去798藝術區，行吓，飲杯咖啡！！今晚是平安夜，北京沒有聖誕節氣氛，所以留在酒店吃自助餐比較有氣氛。枱上有手寫的聖誕節咭，聖誕節蛋糕，裝飾⋯⋯自助餐還包了小朋友DIY cupcake，哈哈，不過做完沒有食！！

《北京七天好得旅行團》 Day1 // 東來順 // Kerry Hotel

聖誕節假喇！！今年返人潮，返中國玩！！林太都未去過北京，今次是第一次！！而且，是第一次同其他家庭一齊去玩，以前大多數都是自己一家或是和家人去玩。Happy holiday！！七天北京之旅，都是hea住嚟玩，好舒服！！第一天下午才飛，機場嘅人龍已經走咗，所以舒舒服服過關。落機之後，去了東來順食返個火鍋！！就返酒店。

馬林糖（14）

嘩⋯⋯成年無做過⋯⋯樣子怪怪的，哈哈哈！！餅乾都過了期，下次再試！！

海洋公園

無端端的學校假期，呢隻小豬有得去海洋公園！！有梁爸爸和梁媽媽陪，辛苦曬！！係裏面仲撞到同學仔，真開心！！

60周年校慶 // 60周年校慶親子口號設計比賽

細佬學校60周年，今個星期都唔駛返學咁既樣，哈哈！！老師和要表演的同學就忙過不停，辛苦曬！！最後，參加了親子口號比賽，有個季軍，有幸能參加頒獎典禮，和睇表演！！

「與基督同行 樂在鮑聖園」

聖安多尼六十載

知恩感恩滿仁愛

善良謙遜樂滿載

鮑聖精神常同在

鮑聖精神 — 鮑思高神父預防教育法的原則

鮑思高神父把預防教育法的原則濃縮在這句精簡的說話裡：「這種教育法完全建立在理智、宗教和慈愛上。」它們彼此之間的關係好像是一個三角形，不能缺一。這教育法的實施完全根據聖經的說話：「愛是慈祥的，含忍的，凡事包容，凡是盼望 (改善)，凡事忍耐。」鮑思高神父的一生就是這些原則的實現。

林太一直以為校徽中間的是一隻白鴿企在十字架上，但原來是一朵百合花。

百合花象徵上帝的恩典，這恩典如此聖潔、慷慨、豐盛、美麗與奧妙。百合花也象徵人對上帝的信心，這信心如此專一、忠貞、敬虔、珍貴與潔白。哪裡有這百合花的恩典，那裡就有這百合花的信心；哪裡有這百合花的信心，那裡就有這百合花的恩典。
深信聖安多尼學校滿有上帝的恩典，亦以鮑思高神父的精神，用信望愛來培育下一代。

Mr Lam’s Birthday 2023

林生今年的生日在星期六，而且被吱吱嘅考試夾住，所以沒有大慶祝！！連出去食午飯，都要限時個半鐘，因為要接返佢哋落堂，哈哈哈⋯⋯林生成日睇餐廳，搵餐廳食飯真是有難度，所以林太搵咗一間勁新嘅餐廳！！但去到，新到未有酒牌，更好食的餸菜，沒有美酒相伴，嗚嗚⋯⋯晚上都是一家人吃個飯，小寶寶要繼續溫習⋯⋯

兩小無猜

家姐讀女校，沒有這種情況！！哈哈哈！！不過細佬，女校男生，估唔到一早俾人看中了！！！好耐冇見，依然咁sweet！！

咖啡呀唔該

咁近，冇理由唔去打返張卡？依位小朋友唔使返學，但係又唔飲咖啡，唔知佢跟嚟做咩？！哈哈哈⋯⋯

Madagascar The Musical

多謝Ohpama！今晚有得睇Madagascar The Musical，其實2019年睇過，但相信細佬已經唔記得！！林太本來同細佬去睇，但家姐仔仲考緊試，要陪讀呢！細佬睇完之後，成晚好好唱口！！

English Exam

吱吱由小三開始，英文突然間好差，搵了一個補習先生，好凶咁鬧咗佢一餐（應該係幾餐）⋯⋯⋯但結果，沒有幫助，佢好似放棄咗英文咁，小三下學期嘅英文默書，長期不合格！！仲會同你講「默書都唔計分」就算了⋯⋯相信讀書是要有「動力」的，嘗試過獎勵，但佢嘅性格會冇所謂，選擇放棄！！唉⋯⋯ 林太頭痕了一輪，一定要換補習老師，找了「芯釋爸爸育兒札記」。吱吱上得好開心！！平時林太見到佢嘅功課，成日錯埋同一樣嘢，就會講：「背咗佢啦！！」小朋友當然會問：「點解呀！」大人就會答：「背咗佢咪得囉！」但原來真係有解釋，林太也在長知識！哈哈！！吱吱的默書進步了不少，佢可以好自豪咁攞俾林太睇，自己溫書的感覺是不同的！！今日考英文，尋晚做past paper，第一次見到全對的版面！！林太其實已經好開心！！久違的畫面！！未知成績係點，佢嘅目標是70分，可能有人話咁低？！但已經係一個好好嘅起點，有待進步，加油！！

DIY — Christmas Card

細佬之前考試，沒有時間畫聖誔卡。考完試，唯有DIY吧！！今年的金沙花環，送比老師們，祝聖誕快樂！！今年辛苦喇！！