Lifetastic patisserie takeaway tea box

開學有開學禮，讀完有畢業禮，暑假結束有沒有”暑結禮”？”迎學禮”？哈哈⋯⋯總之，搵樣嘢慶祝一下！！哈哈！！買了一個外賣High-tea，還有免費送貨，抵玩！！但12:30送到，個鬆餅仲好凍/硬，好似仲未解凍咁，哈哈！！

https://lifetastichk.com/cakeOrder.php?lang=en&gclid=EAIaIQobChMIs-i929_6-QIV_MBMAh0OLQFIEAAYASAAEgJ6NPD_BwE

Home。焙小日子 // 快樂小熊塔

細佬返咗學，吱吱約了他的幼稚園sweet heart做蛋糕！兩個雖然不同小學，但一齊時仍然好sweet！！希望你們新的學年繼續加油，努力學習！！

LamBB’s primary school // 小一開學

細佬的學校小一適應週，星期一和星期二首先返學！！終於開學了，咁樣就變了”小學雞”！！唔知道佢會上成點呢？！林生一早去街市買了棵蔥俾細佬，希望他”聰聰明明”！！哈哈！！

BomBomBomBomB // 南豐紗廠 X ohmykids market

期待已久，終於開檔了！！左計右計，諗住只能賣到60個bath bomb，所以只有60個的材料！早上，小朋友開始準備，12:00佈置檔口，1:00開始賣！！突然勁好生意，主辦單位叫我哋加價，由$50加到$90！！嘩！！最後售罄！！吱吱和嘩嘩都有幫襯隔離檔，哈哈！！各位小朋友，叻叻！！互相配合，互相幫助！！多謝各位媽咪陪林太癲，林太想玩就拉了他們一齊落水，但又早走⋯⋯哈哈！！

DIY — 角落生物冰皮月餅

又來整月餅，見佢咁平玩下啦！！HK$288一人四個冰皮月餅，可以包班！但其實個皮和餡料都一早預備好，所以其實係玩造型，好似玩泥膠咁，哈哈哈！！嘩嘩又是光速完成，唔理靚唔靚，完成就得了，之後就搞搞震！！女校男生成日聽到「你好嘈啊！」「唔係咁㗎！」「你坐好啦！」其實成日聽，可能佢已經免疫！！哈哈哈！！林太叫細佬：「林生呀⋯⋯⋯」細佬話自己不是林生，咁係叫咩呢？有個女同學搶答：「佢係何太！」女同學姓何，哦⋯⋯⋯竟然係咁！？哈哈哈！！

http://www.dreamsparty.hk/

Happy 8th Birthday Cynthia

吱吱的同學仔生日，簡簡單單在家玩了一個下午！！簡簡單單是最純真的快樂！！希望你們能夠知足！！Happy Birthday！

Disneyland Hotel Day3 // Disneyland

又要走了，check-out喇⋯⋯有林生喺度又點會遲呢？！已經不用七點爬起身游水，最後十點check-out⋯⋯去到迪士尼就開始玩！！勁呀！！熱辣辣玩足成日，六點幾先走！！

Disneyland Hotel Day2 // 屁屁偵探電影 // Beans

尋晚嘅八號風球，今朝已經下波，不過仍然落雨！！迪士尼樂園星期二唔開，一早已經決定去青衣城睇早場，所以沒有太大影響。去到青衣城，食個早餐，再看看《屁屁偵探電影》，再食午餐。放假的節奏，就是食和玩！！之後就回酒店，一口氣游兩節水（下午3:30 - 下午4:45；下午5:00 - 晚上6:15）。再去畫吓畫！！晚上，又是外賣晶荷軒兩個餸和柸麵，電視撈飯！！又一晚了！！

Disneyland Hotel Day1

天文台預報會掛八號風球，林生覺得八號風球staycation好唔抵！林太就覺得取消staycation小朋友會很失望！！而且預約staycation後，已發覺星期四迪士尼是唔開的，星期四係唔係都係hea吓，所以就算是八號風球也無乜所謂？！最後決定⋯⋯⋯都是入住，哈哈哈！！好彩的事，仍然趕得上三號風球去嬉水，可以用一用酒店設施，算係抵咗，哈哈哈！！八號風球留在房間吃杯麵，和到晶荷軒外賣兩個餸，再加電視撈飯，正呀！！小朋友最開心！！

挪亞學堂 // 大自然遊歷探險營之日營

三天的日營圓滿結束！！雖然確診數字不斷上升，又打風，好彩也能圓滿結束，林太的角度是「抵」、「賺咗了」！！哈哈！！小朋友們都有小小投訴，第一天的行程較悶，全日在上課，坐坐坐，聽聽聽，沒有動手。之後兩天比較好玩，哈哈！！小朋友們都就快升小三，但都未試過全日上課，所以今次玩日營是一個很好的體驗！！

不用帶娃的日子

家姐同細佬可以一齊上同一班了！Yeah！！（啱年齡了，6-10歲）22至24號參加了「大自然遊歷探險營之日營」，每天09:00/15:30要去青衣地鐵站接送，之後就是林生林太的自由時間！！Yeah Yeah！！因為要去到青衣，所以林太沒有回家hea，每天都行街，哈哈！！第一天係青衣城睇《阿媽有咗第二個！》。第二天去咗東薈城探LuLu豬，再去東涌世茂喜來登酒店的Maison Du MEZZE食個中東菜，偽旅遊一番，哈哈！！第三天有一號風球，但都入了迪士尼樂園拍拖拖！不用帶娃都幾爽，哈哈！！

《開心無敵獎門人》

林生林太小學時代已經睇「獎門人」，估唔到依家小朋友已經係小學生，「獎門人」還在。取了入埸卷，入去支持一吓啊！！睇吓有冇百萬禮品？！哈哈哈，點知獎門人確診，見唔到佢。晚上7:00開始等接駁巴士，入到去直接入一廠，之後等到7:45開場⋯⋯第一時間是小朋友玩遊戲，念急口令，吱吱被拉咗出去，雖然輸咗但都有大富翁禮物！！哈哈⋯⋯玩到11:00要走了，他們還未拍完，辛苦了！！

西貢遊 Day3 // WM Hotel // 小滿定律

依家WM Hotel住一晚只可以使用泳池一次，噚日整天划艇沒有使用泳池，所以仲有一個quota！林生又點會放過，預約了9:45-11:15，所以早餐又要提早08:00-9:00！！哈哈哈！！又竟然有人陪佢癲，朋友們都好準時食到早餐、去到游水！！叻叻！！12:30 check-out，之後再喺酒店”M Thai”食個午餐，再行出去西貢市中心食返杯雪糕。雖然食食吓雪糕落了一場驟雨，但已經好好彩，依幾日的狂風雷暴雨帶不見了！！謝謝各位！！

西貢遊 Day2 // WM Hotel // 橋咀島 // 勝記

第二早，林生十分仁慈，自己08:00走去食早餐，之後返房睇小朋友；林太可以09:00先食早餐！！但當林太09:00落到去，見到條龍⋯⋯⋯等呀等，09:20先坐下來，但是10:00就完，食得超趕⋯⋯算啦，因為食完之後，要出發Kayak！！林太人生中的第一次！！十萬個不情願，但最後都去了。因為個個都去，一艘艇一個大人帶一個小孩，我唔去的話家姐/細佬無得玩⋯⋯唉⋯⋯為母則強，應該唔死得嘅！！係臨到橋咀島之前，林太有少少頭暈，可能有少少中暑，好彩去到橋咀島可以勁飲勁食，補充體力！！最後，都安全返去，不過對手累到沒有反應！！食海鮮餐補補先！！