相約迪士尼

又來迪士尼啦，孖寶年年都會一齊着一款衫，入嚟打卡！今年扮「學生妹」，不過已經唔俾你影了！哈哈哈！！而家先五月，真係熱死人！！

M 馬（容）

又到同吱吱的同學仔既父母食飯的時候，超好玩，超開心的時刻！小朋友有小朋友開派對，大人可以自己食個飯！多謝「我們尊敬的劉先生」，有間私人房，可以玩poker！嘻嘻！！

地址：香港銅鑼灣謝斐道535號TOWER 535 25樓 @mma535restaurant

忍耐到底。

今日是如常的星期五，細佬晚飯後要上基督少年軍。但林太和嘩嘩都已經很攰，唔多想返，想懶在家食雪糕，但比爸爸鬧完之後就繼續返⋯⋯完的時候，細佬攞著一張卡俾林太，林太心想都是金句卡吧⋯⋯

👦🏻主耶穌送俾我㗎！

👩🏻哦⋯⋯忍耐到底！

👦🏻送俾你吖！

👩🏻多謝！你知唔知忍耐點解呀？

👦🏻你好嬲嘅時候，忍耐多一陣，我係做到㗎！

原來要學習「忍耐」的是「我」，等佢多一陣就做到了！

就快小一大抽獎出結果，林太心思思想叩門，叩間出名的，學術高的。這個時候，就聽到細佬老師的意見/投訴，佢不夠專心，專注力不足，可能有讀寫障礙，不如去做個評估！？⋯⋯⋯林太心想：「你依家先講，點解唔早啲解決？係考小學之前就解決啦，唔係等到考唔到，先至話佢專注力不足？」聽完之後，林太當然問細佬：「你係咪上堂唔專心？」「你係咪特登玩嘢？」⋯⋯⋯細佬一直都答：「無呀！」今天的可能就是答案：「忍耐多一陣，我係做到㗎！」願主耶穌繼續與你說話！

平日的偽旅遊 // 香港維港凱悅尚萃酒店

今次是梁媽媽和梁爸爸去Staycation，林太帶著兩隻馬騮去踩場，哈哈！！見到佢哋個package幾抵，有得食有得玩，但平日都勁多人check-in，網上check-in後都要等和排隊！！泳池也是，要一早上網預約，好快滿！！25/F的泳池睇日落真的不錯，不過好曬，要擦防曬，哈哈哈！！之後，就出去北角滙買晚餐，行來行去最後試了《小巷弄》和《虎洞》。吱吱和嘩嘩超happy，有得電視送飯，又跳床。哈哈，打攪晒！！

KKday:

香港維港凱悅尚萃酒店 — 海景客房

兩位成人The Farmhouse自助午餐

兩位成人The Farmhouse自助早餐

紅酒一支

$1076

https://www.hyatt.com/en-US/hotel/china/hyatt-centric-victoria-harbour-hong-kong/hkgct?src=corp_lclb_gmb_seo_hkgct

勇記海南雞—上環

經Facebook的「海南雞群組」不斷有人讚這間海南雞飯，吸引了林生一早去排隊！11:30am開門，林生11:10am到，排第一！可以食完送細佬返學，yeah！！HK$66的海南雞飯真係幾好食同幾抵！！https://m.facebook.com/%E5%8B%87%E8%A8%98%E6%B5%B7%E5%8D%97%E9%9B%9E-100585555248108/

ABC Cooking // Master the Art of Deep-Frying with Scotch Eggs & Deep-Fried Asparagus

最後一堂！最後一堂！玩咗五年？！哈哈哈⋯⋯今天的「炸蛋」睇落好易，原來好麻煩！！

Jean May

有人話這裏是「香港灣仔的法國菜」！let’s try！其實一月已經預約，但因為疫情押後再押後，終於嚟到喇，yeah！不過有用餐時間，只得90分鐘，而且長期爆滿，所以一定請你完成晚餐！林太較喜歡他們的entree，main就普普通通，不過也OK既。食飯最緊要有腳，可以試曬所有entree，嘻嘻nice！！https://m.facebook.com/jeanmayhk/

會展站

細佬要去會展站睇炸彈，講了幾日！林太想睇吓去黃埔經東鐵線會唔會快啲，如果快啲，送細佬上劍擊都方便些⋯⋯所以今日行程係：堅尼地城>金鐘>會展>紅磡>何文田>黃埔>油麻地>金鐘>堅尼地城，坐咗五條線，救命呀！！坐到傻了！！玩咗個幾鐘的車程，同站出，大人HK$10，小朋友HK$5。幾好的親子活動，哈哈哈！！

LamBB’s first teeth

嘩！細佬終於甩牙啦！！隻成人牙喺後面好耐，已經幾個月，但因疫情關係沒有看牙醫，一直在等等等⋯⋯終於甩掉了！！踏入恆齒另一階段！

星期六 // LEGO 31089 3in1

又到星期六的下午，家姐要溫書，細佬要靜靜地靜靜地⋯⋯換了維他檸檬茶積木，好得意呀！！但細佬九秒九就玩完！之後無端端話要拆以前的Lego，因為是3in1，可以有別的造型，由頭再砌過！！救命呀，拆到指甲也崩了！！

ABC Cooking // DIY pack // 精緻法國傳統甜品

今朝早紅雨，停課，黑雨；吱吱要準備測驗，要溫習溫習！！嘩嘩在家無事做，要佢靜靜地好難，所以開包DIY pack，等佢安靜片刻，哈哈！！ABC DIY pack唔減價時都唔平哦，依家半價，哈哈抵呀！！一向ABC作風，全部啲嘢都包得好靚，好日系。所以林太都沒有換碗，將成包朱古力直接放入暧水內浸溶朱古力，哈哈！！細佬就繼續自動波做完6粒朱古力。剩了的朱古力，林太仲畫了個「G」字；細佬唔肯用/食的橙乾都加了上去，好味！！

精緻法國傳統甜品～3色蒙地安朱古力  （連金色小盤）

烹調時間：約60分鐘

完成品：6個

價錢（會員）: HK$220/套 → HK$110/套

價錢（非會員）: HK$240/套 → HK$120/套

LamB’s 8th Birthday

少女已經八歲了！！時間過得真係快！！今年少女更加request要邊個生日蛋糕，林太話貴，佢話自己比，都係要嗰個！？真係大個女，有錢人！！結果當然經過一輪bargain沒有買到，買咗個平少少的，哈哈！！今年的弟弟嬲嬲豬，又話依樣，又話個樣，唉真麻煩⋯⋯吱吱，生日快樂，祝你快「高」長「唔肥」，快些開竅，d書唔讀都識！！Love you！

Play date at BUNS

難得的公眾假期可以約到吱吱的同學仔，出街玩完再食午餐！先去BUNS玩懷舊Roller，吱吱嘩嘩第一次玩，欣賞他們的耐力，不斷試不斷試，最終都可以行到，叻叻！！林太當然在旁看，哈哈大笑！！之後，去了富嘉閣飲茶，好耐沒有飲茶了。林太一早同吱吱講，今年不能開生日會。吱吱話「想同同學切蛋糕」，「想要皇冠蛋糕」，「想要LuLu豬蛋糕」，「想要磁石珠珠」⋯⋯很多「想」，今日先完成兩個願望。飲茶時突然攞個蛋糕出嚟，是林太改裝Lady M的士多啤梨蛋糕，哈哈！！Hope you will like it，my sweet heart！！ https://buns2020.com.hk/

Happy Mother’s Day // Home。焙小日子 // 小豬餅乾球

母親節快樂！！今年的母親節只收到嘩嘩的小禮物，都是學校做的小手工吧！不過他由星期一收在爸爸的衣櫃，等到今天才攞出嚟。天天問「今天是星期日嗎？？」哈哈！！到今天⋯⋯

👦🏻今天是星期日？

👩🏻係呀！

👦🏻今天咪係母親節？

👩🏻係呀！

👦🏻母親節快樂！

👩🏻Thank you！

👦🏻我可唔可以煮早餐比你？

👩🏻多謝你呀！媽咪唔食早餐。

👦🏻我可以煮奶茶比你。

👩🏻哈哈！多謝！你識煮咩？

⋯⋯⋯

最窩心的嘩嘩，I love you！！

母親節？！沒有特別節目哦！反而林太一拖四去做蛋糕？！哈哈，奇怪？！不是應該林生做的嗎？？玩了兩個半小時，做了一個蛋糕和十八隻小豬！！小朋友強呀，因為林太坐係到乜都無做，哈哈！！http://www.homebakingday.com/

Happy Mother’s Day: 婆婆節

好耐沒有同梁爸爸和梁媽媽食飯，終於可以一齊坐了！！去了唐宮小聚，但因母親節太繁忙，好多餸菜都沒有了？！林太又在Facebook見到廣告，第一次係Facebook買花，「迷人櫻花粉色蝴蝶蘭」，好靚呀！！花瓣有少少珍珠色，在陽光底下閃吓閃吓！！祝母親節快樂！！

2022下水禮

因為疫情，一直四人限聚，政府的泳泄未開，屋企的泳泄也未開⋯⋯等了又等⋯⋯今年的下水禮！P.S.全部泳衣已不合穿了！！

【李錦記網上親子日嚐煮食教室：在家。一起嚐】Oh!爸媽 X 李錦記

多謝Oh!爸媽！又有機會參加李錦記的活動，因為上次李錦記的活動超好玩！！今次係母親節特別節目？！比小朋友煮餐好嘅俾媽咪食？？全程兩個半小時，見到吱吱忙過不停，不過林太都沒有休息時間，要左掃掃右掃掃做清潔女工，哈哈！！林太最欣賞今次的食譜是用椰菜花砌成小粒扮飯！還有用檸檬雞的醬汁做甜品，原來醬汁不用煮就可以食用，哈哈！！Well done，吱吱！！

日期：2022年5月7日 ( 星期六 ) 

時間：10:30 - 13:00 

形式：網上Zoom 進行

導師：靚媽廚神梁雅琳Hilda Leung

前菜：香煎茄子小肉餅

主菜： 照燒豬扒紫菜包飯

甜品：檸檬醬奇亞籽布甸

Happy Mother’s Day: DIY flower box

又到母親節，林太係Facebook見到個廣告，$688一個兩層的flower box，上層是康乃馨，下層是焗芝士蛋糕。當然覺得佢貴，諗住淘返個，自己DIY，點知淘個盒的運費是HK$70⋯⋯噢⋯⋯林生又話整個比林媽媽，唔想一樣就用乾花！？結果，鮮花買了HK$220（細佬選的紅色和粉紅色康乃馨），還有乾花HK$276不過用剩了很多薰衣草。登登登登靚嗎？！⋯⋯

Lunch X Hightea

林太又在Facebook見到個廣告買Hightea送LuLu豬口罩，比完錢先發現係三選一贈品⋯⋯唉⋯⋯算吧！見佢可以一早囉，擋午餐食，慶祝吓復課一星期，早起了一個星期，哈哈！！

Thursday

平平無奇的星期四，細佬上zoom，又嚟無無聊聊hea一hea。

Back to school

第五波的疫情，無端端放咗個「特別假期」，終於可以返學了！！真係超期待，但有少少唔想，因為要早起身，哈哈哈！！一直都未習慣早起，又變回zoom 08:00開始。今日開始，林太06:15起身做早餐，吱吱06:30起身，要每天檢測和除隱形眼鏡，07:10上校車！

LamBB’s drawing class // WOAH art academy

見到屋企附近開了間新野，小朋友的手工/畫畫班，細佬又沒有畫畫班，就去試試吧！今堂係試堂，費用全免，仲要一對一，真係抵到無朋友。林生林太可以舒舒服服食個早餐，thank you！