Disneyland

迪士尼開返啦！！可以再嚟啦！！細佬今日不用返學，家姐一zoom完就入去玩陣先！！Yeah！！雖然好多人，但都玩到幾樣嘢，不錯不錯！！

LamBB’s DIY pack

又到了這個年紀，甚麼都要自己做！！自己完成！！嘩嘩未開始面授，係屋企的時候就搵了以前買落的DIY pack，什麼什麼STEM pack⋯⋯

Lulu豬 X Vive

見到佢哋有Lulu豬好耐，但因為疫情遲遲未去。今日專誠揸車嚟買個外賣，呵呵！！可愛的LuLu，要食你啦！！

特別假期 // Sky 100

天際100 11歲生日，門票由$178減到$11，勁抵！！細佬還在”特別假期”，可以下午去一去，到此一遊！《100層樓的家》就睇過，唔知搭lift搭100層要幾耐？！哈哈⋯⋯去到都是行個圈，在100樓望下地面，搵吓屋企係邊，之後就走了⋯⋯ https://sky100.com.hk/zh-hant/

特別假期 // LEGO 31054 : LEGO Creator Blue Express

嘩嘩最後的一份生日禮物，開晒啦！！玩完啦！！哈哈⋯⋯林太同佢講，到七歲先再會買LEGO。哈哈！！

特別假期 // 全日做咩好？！

細佬還是”特別假期”，但家姐已開始zoom zoom！！今日，細佬同家姐一樣咁早起身！！救命呀，做咩好？！佢搵了本舊書，話要做「牛奶盒錢包」，做完家姐放小息，就焗個蛋糕吧！！之後，再砌LEGO，再搵到之前買的手工包，再完成佢！！嘩，今日做咗好多嘢！！

特別假期 // 復活節假期

繼續不是假期的假期！！見到新聞的片段，人山人海的離島，camping site，長龍⋯⋯所以林生林太都無日日出街，到最後一日假期才去迪恩湖走走，早去早走，準備明天zoom的復課！！

特別假期 // 復活節活動：LEGO 40463 : Easter Bunny

這個特別假期，終於到尾聲了，放假放到有點悶，連復活節假都宅在家！！懷念以前的復活節假旅行⋯唉⋯⋯算了吧！！今天的下午⋯⋯無無聊聊的下午，應吓節，開了盒LEGO砌吓。兩小寶中段時話唔見咗兩塊，最後林生發現他們砌錯了兩塊，哈哈！！

特別假期 // 復活節活動：Easter Egg Nest

復活節當然要做一些復活節活動，食復活蛋，哈哈哈！！吱吱和嘩嘩用rice bubbles做了一個復活蛋巢，Happy Easter！！

特別假期 // Lumière—DIY兒童擴香石彩繪套裝

林太在Ig見到，見平平地，HK$45-55一套，已有齊所有嘢，就買了三套嚟玩！！應吓節，當然有買復活蛋啦！！點解依排咁興”擴香石”嘅？！用嚟滴香油？！都OK既，但有點阻埞，哈哈！！

特別假期 // 山頂

田田又出街街喇！！今次上了山頂。一路上都聽到蟲叫，其實田田聽唔聽到呢？！有得聽，無得食，真慘！！

特別假期 // LEGO 42133 : Telehandler

細佬的生日禮物開箱了，今日選了這個。好快自己砌完，但發現吊臂不能上下郁動！！Oh no！！真是”一子錯滿盤皆落朔”，林太又不想由頭砌，所以拆些又沒有拆全部，攪到用咗好耐時間，唉⋯⋯

特別假期 // LamBB’s 6th Birthday

仍在特別假期中，仍然二人限聚令，所以生日派對沒有了，嗚嗚⋯⋯又一年沒有生日會，嘩嘩係未試過有生日會，慘慘豬，應承你應承你總有一年開得成！！哈哈！！因為沒有生日會，林太有點內疚，所以買多幾份生日禮物補數，哈哈！！尋晚開始吹波波，和做兔仔麵包，給他一個驚喜！！嘩嘩要Pooh仔蛋糕，但不太吃蛋糕的他，林太決定買自己喜歡的再加工！！哈哈！！先去數碼港野餐，再回家晚飯。細佬，我們的開心果，永遠愛你！！繼續做自己吧，哈哈！！（不過，可唔可以唔俾人鬧而做自己？！）

特別假期 // 迪恩湖

又來了，又來了！！That’s crazy！！今天加了兩個表姐，林太又可以hea，不過有點太曬，太熱！！燒燶了！！就快要返學，可能有排都唔會嚟⋯⋯再見！

特別假期 // LamB’s BFF 1st sleepover

吱吱K1的best friend，到現在識了五年？！可能是疫情關係，各自都未有”新best friend”⋯⋯而且係屋企悶到傻了，雙方家長終於同意（之前其實係林生唔同意）終於可以sleepover！！他們開心到傻咗！！哈哈哈！！

特別假期 // My supernanny

2表姐過來sleepover兩晚，佢就做了兩天的supernanny！！陪讀書童，陪玩專員！！Thank you！！

特別假期 // 迪恩湖

天氣好，又是去迪恩湖hea的時候！！今次都去了同一位置，彩虹桉樹下！！哈哈！！今次更hea，因為小朋友已識路，所以林太更安心hea！！Happy Friday！！

特別假期 // 復活節活動：大大隻恐龍蛋考古挖掘套装

林太網購了這隻蛋，諗住復活節先玩，但一攞返屋企已被發現⋯⋯諗住恐龍得細佬鐘意，點知家姐都要玩！？Oh no⋯⋯兩個玩到瘋狂到一個點⋯⋯⋯好恐怖呀！！周圍都是泥⋯⋯

特別假期 // 復活節活動：學校功課

學校的功課，細佬無乜興趣，不過都算完成吧！！哈哈⋯⋯

特別假期 // 三天的數碼港

上個星期，天氣麻麻，留了在家整個星期。太陽終於出來了，let’s go out！！但又遇上星期天，和公眾假期，所以早點出發，10:00-2:00，人群來的時候就走！！曬曬太陽，吸收一下維他命D！！

特別假期 // 復活節活動：復活節咔

上星期做的再造紙和淘泥公仔，諗吓可以用來做乜嘢？！就快到復活節，就叫兩小魔怪畫復活節咔。登登登登⋯⋯完成！只此一張，哈哈哈哈哈⋯⋯

特別假期 // 角落生物DIY鑰匙圈

好耐之前，林太在網上已見到這個不織布吊飾DIY pack，但一直沒有買到。因為覺得兩隻小魔怪會做做吓唔做，最後林太要執手尾，所以沒有買。但林生一見到，竟然買了，話吱吱鐘意⋯⋯⋯最後，真係要幫他們執手尾，救命呀！！

特別假期 // 復活節活動：帶眼鏡的雞媽媽

林太在Facebook見到人家的art class網課，好似好得意，就自己試試。細佬放假前有個功課，要DIY信箱，就話這個是信箱吧，哈哈！！嘩嘩剪剪貼貼就完成了。原來屋企沒有大眼晴，就叫佢畫，佢畫了”帶眼鏡”？！林太當然問，點解既？！佢話：「帶眼鏡的雞媽媽」哈哈！！之後，仲可以玩掟波波遊戲。