新春DIY系列 — 賀年卡/如意吉祥立體揮春/王小虎摺紙

繼續冇街出，在家hea，繼續做小手工，剪剪貼貼吧！！不只林太勞作好，其實林生的手工也不錯哦！！哈哈哈⋯⋯

DIY — 扭扭紙杯麵包2

依個食譜真係幾好食，細佬做完13個，三小時後剩返一個！！夜晚，林太再做，第二早有新鮮麵包！嘻嘻！！

新春DIY系列 — 四季吉祥 // 剪紙

繼續新年小手工，買了HK$24的四季桔，吱吱和嘩嘩可以自己睇説明書，自己做。叻叻！！再叫吱吱剪了個「春」字，有隻老虎仔㗎！！

DIY — 扭扭紙杯麵包

話說林太去街市買紫薯，今早才發覺是紫准山，唉⋯⋯比人搵了笨！！但包已開始發，所以變了朱古力包和花生漿包。哈哈！！ https://www.ilovemama.com/idykitchen2/

新年功課 // DIY賀年手工包

因為停課，今日要回校攞福袋（功課袋），返到屋企細佬已九秒九睇完！攞曬些手工包出來，逐一開，逐一完成，攪掂！！三個賀年手工包完成！！哈哈！！

新春DIY系列 — 虎年賀歲香包吊飾

 

依家吱吱上午zoom，要諗定有咩做，令嘩嘩安靜些！！唉⋯⋯真頭痛！！買了個HK$12的材料包，比嘩嘩玩，都可以呀！總算能完成，不過攪咗好耐⋯⋯哈哈哈！

Zoom Zoom Zoom

在家zoom zoom zoom的日子，其實教導課程係慢咗，功課係少咗。不太自律的吱吱和嘩嘩，如果唔”安排些事”給他們做，他們可以玩手指玩一天！！但家長要天天絞盡腦汁，真係要互相抄吓橋！！

新年DIY系列 — 紅棗椰汁千層糕

其實林太上星期已嘗試過一次，用不同的食譜，教煮熟紅棗後用攪拌機打碎，結果紅棗皮隔唔走，食落怪怪的，而且是用馬蹄粉。今次是用粘米粉，味道不錯，十分QQ！！可以再做！！用了淘寶的禮盒，好靚哦！！哈哈，唔食得都睇得！！ http://www.twobites.com.hk/2021/01/red-date-coconut-cake.html?m=1

新年DIY系列 — 小虎燈

林太在網上見到這個「小虎燈」，屋企又見到三個大橙，就試試吧！！吱吱和嘩嘩對爛蓉蓉的橙肉和橙汁更有興趣！哈哈！！最後放了蠟燭，諗住會有橙香味，不過蠟燭太幼，好易熄咗！大家食多個橙，祝大家身體健康！！

新年DIY系列 — 黃金糕

講咗幾年的「黃金糕」，話以前食過聖安娜的好好食，但年年都無買！？今年見到cake-mix，都只是HK$28，就試試吧！！都幾易做吖，吱吱都攪掂！不過，可能天氣凍，未發得夠，還是個盆唔夠大/深呢？！一絲絲未夠多！！哈哈！！祝大家黃金滿屋！！

Sunday // Cyberport

又一個星期日，所有的課外活動取消了！！無所事事去了數碼港曬太陽，由10:30曬到6:00，拉上補下應該足夠如下的一星期吧？！哈哈哈⋯⋯

出前一丁工作坊

依家一個返上午班、一個返下午班，想一齊去玩只有星期六日，想預約出前一丁工作坊星期六下午4:30埸係超難！！林太最後是在凌晨時份等新嘅位出，才預約到！！哈哈哈！！細佬終於夠高110cm可以參加，太好了！！（之前在大阪和香港的舊館都未能參加）入到去，原來個展館咁細，不用一分鐘就行完！！如果不參加工作坊，入場費都要HK$10哦！！因疫情關係，只有半數人入座，一班12人，HK$120@。而且有很多職員/導師，1:2進行講解，用人工來計，這個工作坊都幾抵，哈哈！！對細佬來說，都有點難和攰，因為要重複壓制粉團14次，再6次！！這次經驗都十分之好玩，小朋友亦滿有成功感！！「出前一丁」仲係大人小朋友的至愛，哈哈哈！！ https://cupnoodles-museum.com.hk/

The Peninsula Boutique & Cafe High Tea

半島酒店賣蛋糕的店舖，裝修後有得sit-in，high-tea仲可以預約，太好了，不用排隊！！不過，得五張枱，真係幾難訂，但林太係星期一竟然預約到星期六，呵呵！！林生又竟然上面食high-tea，所以一家四口去了食high-tea。只叫了一個set，因為怕食唔曬，但結果兩隻小魔怪20分鐘KO了！！哈哈哈！！https://www.peninsula.com/en/hong-kong/hotel-fine-dining/the-peninsula-boutique-and-cafe

新年DIY系列 — 笑口棗

又到下午班的細佬，上午在家攪攪震！！今次做笑口棗，唔知點解細佬對手好黐立立，一搓粉就黐住手，因為暖男有對暖手？！哈哈哈⋯⋯林太只是用半煎炸油，所以不夠鬆化，還是梳打粉過了期？哈哈⋯⋯祝大家笑口常開，哈哈大笑！！ https://www.daydaycook.com/daydaycook/hk/website/recipe/details.do?id=1426

Stay home stay safe, 5th wave

香港的第五波疫情好似以經開始。全部的興趣班都取消了，又沒有準備些甚麼，真係要留在家hea！林生林太之前睇完新個套蜘蛛俠，就煲了全部的蜘蛛俠。今個周未就同小朋友一齊煲Marvel吧！！由第一集的Marvel，2008 Iron Man睇起⋯⋯哈哈哈⋯⋯

新年DIY系列 — 紫薯年糕

依期喜歡紫薯，又紫色，幾靚哦！就試試做紫薯年糕，今次沒有由頭叫小朋友做，先準備了紫薯蓉，和糖水放涼後才叫小朋友開始。預祝各位新年快樂，賺到發紫！！ https://m.youtube.com/watch?v=1zVEsG4dx1c

新年DIY系列 — 不倒翁

林太諗住下年無嘢做，不如教吓手工，嘗試一下玩輕黏土？！哈哈哈⋯⋯今晚無嘢做，試吓先⋯⋯但原來都幾難喎，哈哈哈！！不是不倒翁，是一面倒翁！！Oppps⋯⋯⋯可能吱吱比林太更有潛質，佢坐咗係度兩小時！！

https://m.youtube.com/watch?v=eKsusxRPH8g

LamBB’s homework

有時候，細佬的功課都幾好玩！！但都考起家長！！哈哈哈！！留個紀念吧！！

ABC Cooking // A Lively Korean Menu Recreation the Taste of a Korean Food Stall

超簡單的食譜，不過發現了原來韓國菜用了勁多糖！！下次食的時候都要考慮考慮！！！哈哈哈！！！

Sunday // Times Square // 中環街市 // PMQ // 木製動物陶笛工作坊 // 大館 // 釘孤枝熱血大亂鬥

一睇題目，就知有一個忙碌的星期天！！仲要是林太一打二，貪心之作，順道去埋！！哈哈！！嘩嘩更厲害，由早玩到晚，9:30-11:00了足球班，開始一天的行程。上完足球班，去Times Square附近食午飯，再影吓相。之後，到中環街市打打卡。行上PMQ上工作坊，木製動物陶笛工作坊（$150），”由認真做無聊事”舉辦 https://lastminuteforever.com/ 。木版die-cut得好靚，其實都好簡單，小朋友可以自己攪掂，用木工膠水黏好，再用沙紙打磨一下！！（可惜，細佬嗰隻鹿，兩隻角最後都斷了⋯⋯）啱啱做完就收到朋友的message，佢哋喺大館，有得睇《釘孤枝熱血大亂鬥》。好，又去吧！！吱吱和嘩嘩睇得好慶喜！！有幾個參賽者的雜技真係好犀利！！而且現場觀眾亦很投入，所以氣氛很好，睇完整個比賽，仲可以現場投票，正！！開始累了，要回家吧，結束聖誕假期的最後一天⋯⋯⋯

Happy New Year 2022

唔知由幾時開始，一月一號上山頂行成了慣例？！又再一次上去行個大運！！Happy New Year 2022！