長洲 // 公公，生日快樂！！

2021年已差不多完，聖誕假也差不多完，係時候要去一去離島！約了”壽星公公”去長洲行一行，食吓海鮮。今日長洲都唔少人，張保仔洞都要排隊，所以只玩了一次！！婆婆都入咗去，勁呀！！之後就食海鮮餐，再周圍行吓。生日快樂，公公！！

MOKO mall

細佬就同林生拍拖拖，去了MOKO mall，剛剛翻新的遊樂場，好靚哦！！又少人，又方便！！玩完又有嘢食！！佢哋玩完，食完，行完金魚街才返屋企！！勁！！

PMQ // Isatisse Studio // Nagomi Pastel Greeting Cards DIY Workshop // Fini’s

吱吱班的同學仔一齊的聖誕節目，日本和諧粉彩工作坊，$300@（2hrs）。有十個小女孩一齊玩，三個女人一個墟，依到已經有三個！！唔知老師覺唔覺得嘈？？哈哈！！工作坊最少畫到兩張心意卡，班小女孩每人畫了五至七張，勁呀！！再落去PMQ Bubbly Christmas的免費工作坊，做香港花卉的襟章和卡。之後，同同學仔食午餐，吱吱真是一個開心果，佢身邊的同學仔都成日咔咔聲笑！！https://www.pmq.org.hk/shop/isatisse-studio/

Christmas Dinner at Tsui’s

又到徐氏家開派對，yeah yeah yeah！！有火雞和生蠔，yum yum yum！！還有，小朋友的交換禮物，個個都好開心！！Merry Christmas！！

童行森林學院 // 日營 — 牧羊人過聖誕之智破豺狼巢穴

童行的活動，係信心的保證，因為一定會有好多嘢做，活動豐富緊湊！！哈哈！！不過，尋晚夜瞓，今朝又咁凍，已好欣賞吱吱獨自去參加，完成任務！！今日題目應該是野外定向搵羊，製作羊棚和煮午餐。吱吱完成後有個”hard working”襟章，都似佢，佢是會在背後默默洗碗，做嘢的小寶寶。Well done！

10:00 到達藍屋/安頓/檢查裝束/分組/活動簡介

10:00-10:15 到農場收集農作物，中午煮食用

10:15-11:30場地定向，以線索找出基地，並殲滅豺狼洞穴(定向、合作、解難、邏輯) 

11:30-13:00 場地提供新鮮蔬菜，自煮午飯 (洗米、洗菜、醃肉、處理食材) 菜單：瑞士汁雞翼、粟米魚塊、腸仔煎蛋及時菜豬骨魚蛋湯 

13:00-14:00 洗碗及自由活動

14:00-14:30 總結早上學習 

14:30-15:45 製作木工羊棚(協作、木工、創意) 

16:00-16:30 總結/分享(反思) 填寫學習記錄冊 

16:45 回程上旅遊巴

Glasshouse Greenery’s high tea

每年的聖誕High tea，沒有預早預約，又訂到Glasshouse Greenery，就去吧！！還是公眾假期，廚房水巴忙到甩轆？！用餐時間90分鐘，但嘢飲70分鐘先到？！哈哈哈哈⋯⋯不要影響聖誕心情，算吧！⋯⋯https://gaiagroup.com.hk/restaurant/glasshouse-greenery/

Christmas BBQ // 龍鼓灘海邊BBQ

雖然全日的天氣都麻麻，好彩林生00:00預約了間大房，最大間房可容納20-50人，大到可以係裹面玩scooter！！Yeah！！由早燒到晚⋯⋯⋯ http://yl.hk/hb-bbq/

林家過聖誕

其實沒有什麼特別，都是食個飯。聖誕節林生下廚，有牛扒和龍蝦。祝各位與家人有個平安快樂的聖誕！！

Santa // LEGO 31089: Sunset Track Racer

吱吱經過上年的教訓，因為太遲寫信俾聖誕老人，結果得到一個”鬧鐘”作為聖誕禮物，聖誕老人仲叫佢好好準備，善用時間！！今年十一月就已寫信給聖誕老人，哈哈，仲要圖文並茂！！（但吱吱想要的已是兩年前的玩具，已停產了？！）平安夜更為聖誕老人準備了外賣的曲奇和奶，因為家裏沒有QR code，不能堂食喎？！哈哈！！食得太多曲奇會肥，要飲脫脂牛奶！！聖誕節，收到聖誕老人的禮物，雖然比他們的想像有點出入，不過也很開心，仍然相信！！

Christmas Dinner // Christmas workshop

今天，是分開玩；女仔約了女同學，男仔約了男同學。吱吱和幼稚園既同學仔仲有見面，其實真係好sweet！！上了同學仔家，請了老師教手工。之後，爸爸們下廚，聖誕大餐開動！！Merry Christmas！！

M+ 博物館 picnic

對，又嚟喇！！！哈哈！！不過今次只是來野餐，同細佬的男同學！！女校男生的男同學！！男仔，真的是好動嗎？又唔係吖！真的是講嘢冇咁叻？又唔係吖！男仔，睇吓佢想唔想做給你看吧！？

Christmas lights - TST

林太兒時，每個聖誕都會在尖東噴水池旁影張相，食個聖誕大餐！！今日，見七點未夠就食完晚飯，就衝咗去尖東，睇聖誕燈飾！！今年仲有迪士尼做主題，好靚呀！！雖然有一個睇睇吓是Disney+在賣廣告，但都幾靚吖！！Merry Christmas！！

M+ 博物館

細佬係學校不斷聽到M+博物館，有很多藝術品，書法可以睇？！又睇到電視的M+博物館開幕，就話要去⋯⋯？？真的嗎？？最後預約了今天，聖誕假的第一天！！今早仲要上了劍擊（9:00-10:30），再坐屯馬線，係柯士甸站行過去。其實林太未睇，已經有點累了，哈哈！！但見到吱吱和嘩嘩不斷睇，又願意自己去畫感想，其實也不錯！！對他最深刻的是《亞洲土地》的8萬隻泥公仔！安東尼·葛姆雷2003年創作的《亞洲土地》，他當年邀請300多位象山村、即廣州市花東鎮居民合力製作近20萬個泥人，促使參觀者思考個體與集體關係，其中約8萬個展於二樓西展廳。8萬隻泥公仔真係好密集，每個都唔同樣，真係好壯觀！！依個係唯一要排隊入的展館，哈哈！！而《清友壽司吧》，該吧1988年在東京新橋區開業，由倉俁史朗設計，為少數完整保留下來的作品，呼應日本茶室「數寄屋造」的簡潔和用天然物料的設計傳統。吱吱和嘩嘩入到去是「吓？！噢！」就出來了，哈哈！！有機會再來吧，慢慢慢慢欣賞⋯⋯ https://www.mplus.org.hk/tc/

聖誕節慶祝會 2021

學校停辦了一年的聖誕節慶祝會今年復辦！Yeah！太好了！不過，因人數關係K1，K2未能參加！細佬話自己想做聖誕老人，不用背金句，不用背對白？！今天終於明白了，因為聖誕老人下半埸才出場，出嚟只唱兩首歌，哈哈哈！！今年仲有K1小朋友的爸爸扮聖誕老人，辛苦曬！！還有，林生林太扭的花花，美！！