何蘭正

我們又來了！！因為幾好坐，炸雞、薯條、叉燒飯小朋友都喜歡。今次細佬幫林太影相，忽然變了長腿姐姐，哈哈！！不知林太在細佬心目中是不是一名靚女？哈哈！！

Sunday // Encanto

星期日，林生林太也需要休息！！幫嘩嘩請了假，唔上足球班，走了去睇戲《Encanto》！哈哈！！因為⋯⋯林生林太想偷懶，而且吱吱十二月考試，今日唔睇無得睇，哈哈！！Encanto講美麗寶全家都有天賦，唯獨佢沒有，但佢仍然想留在家中守護每一位。但林太又覺得美麗寶也有天賦，就是他令人講出心底話！！可能是他的真誠，唔係每個人都有！！

童理玩// 銅鑼灣花園

「童理玩」邀請大家一起設計，共創新一代遊樂場。吱吱實在太好彩，有朋友仔報多咗一個位，可以跟著參加！！（因為得二十四個位，超難報）今日是【社區遊樂研調】實地試玩與考察。吱吱要去銅鑼灣花園自由玩，林太要在旁觀察佢點玩；之後是創新玩，要諗一些新方法，親子一齊玩，共融地玩，用觸感地玩。之後，再返回小組（四位小朋友）分享，溝通，創造一個新的遊樂設施！！一個很好的體驗，可以給小朋友觀察，創作，聆聽，遵守一些規定/一些必須符合的條件。林太也學到嘢，就是「加減乘除的設計」，在設計上有乜嘢可以加？冇乜作用嘅就可以唔要？多謝晒這個機會，期待2023年公園的成品！！

星期六

依家每個星期六都交咗比林生帶細佬去上劍擊堂，增加父子情，但每個星期六都要同細佬糾纏！因為佢想林太送囉⋯⋯

👦🏻：我想你帶我

👦🏻：我愛你呀，我想你同我一齊去

👩🏻：我都好愛你，但唔見一陣唔代表我唔愛你

👦🏻：我想見到你呀嘛

👦🏻：我好愛你，我想你喺我身邊！

有咩辦法唔冧死⋯⋯

PIER 1929 // Fly-Teacation

想飛，想到傻了！！見到這間的tea-set即刻想嚟打個卡！！哈哈！！又搵到友人陪，太好了，哈哈！！不過，林太一直都唔知有依個地方「灣仔碼頭」，只見地盤！！估唔到有船可以坐去尖沙咀，而且有個”灣仔臨時海濱花園”可以打卡，哈哈！！雖然是HK$698/2ppl，但都幾有心思，print定張有名的boarding pass（不過只是一張），還送了2 sets香港航空的餐具，而且tea-set有得refill，大食的朋友最啱，哈哈！！

https://www.pier1929.hk/

LamBB小一的結局⋯⋯？？

林太替細佬報了十間直資/私校，全軍覆沒，連2nd round都入唔到。有朋友話林太只報一線學校，應該嘗試二線直資，但又⋯⋯唉⋯⋯林太情緒已低落了一排，是做得不久好？不夠多？補習社不夠出名？溫習不夠多？看得太多電視？？⋯⋯唉⋯⋯還是個天還有安排？？依家細佬20分，在自行入了間學校，之後再算吧！！

PIXAR at Science Museum

PIXAR展由七月開始，但一開始時勁多人去，一直都未能預約，等吓等，展覽原來就快完了⋯⋯哈哈⋯⋯今日星期日去了，雖然有幾多人，但都夠設施，等一陣就可以玩到。有很多由平面至3D，嘩嘩都十分有興趣！玩咗一個鐘！！之後，繼續係科學館玩。小小工程師1:45攞飛，4:15先有得玩，真是等了又等。不過，依15分鐘係佢哋玩得最開心的時候！！

ABC Cooking // Premium Cream Bread

最後最後的一個麵包堂！有些唔捨得，因為他們的麵包好好食！最後一堂，比粒骰仔吸引了，但原來個包無咩特別⋯⋯仲等了很久很久，足足做了三小時！！而家店內又唔可以食嘢飲嘢，攰死人呀！！

《飛．裳．感謝你》創意比賽同樂日

又是林太在Facebook睇到的廣告，吸引咗去參加。見佢HK$100一個小朋友可以玩一個下午，又可以試玩草地滾球，話晒都係香港隊！！所以就參加了！！真係玩了一個下午2:00-6:00，太厲害了！！林生林太都累了⋯⋯哈哈！！除了草地滾球，還有紙飛機比賽，和環保衣服設計比賽；吱吱仲贏了”最能傳達愛意獎”，但嘩嘩就沒有獎，佢有點失望⋯⋯吱吱和嘩嘩仲走咗去”畫玻璃”！！

Recycle Screw Pump

上次細佬做小小店長時，一出薪金就睇中了這個玩具！！STEM的玩具越出越靚，但做完又明白幾多呢？！不過，也是益智玩具，所以林太沒有阻止細佬買！！哈哈！！做完後，細佬細心觀察，但家姐一句話「咁小水既？！」唉⋯⋯

基督少年軍幼級組體驗章

Yeah！細佬有章攞！！雖然不是”考”回來，可能只是看看表現已分發。但細佬已經很開心，多了一份肯定，一份歸屬感，一份自豪，一份優越感！努力呀！！（基督少年軍幼級組體驗章：分服從、虔誠、紀律和自愛四部份，各項獎章分三個級別，獎章考取方法以累積分數計算，累積至足夠分數便可升級。）

https://www.bbhk.org.hk/pre-junior.experiencebadgeschemehttps://www.bbhk.org.hk/

ABC Cooking // A Taste of China with Pot-Sticker Wrappers Made from Scratch!

又嚟煮嘢！林太諗住餃子好食的話，反屋企同小朋友一齊做⋯⋯嘩⋯⋯但個餃子皮係痛苦！！攪咗好耐先得六隻，哈哈！！

Mrs Lam, Happy Birthday!!!

林太三字頭的最後一年！沒有甚麼特別，因為小孩們要返學，一樣的要做功課，正常的一天！！晚上，去了「何蘭正」食飯，希望有「好L正」的一年！！

吱吱嘩嘩魔術表演

又是林太在Facebook見到的免費活動，報咗之後，找一找個地址，原來是AIA哦⋯⋯之前去過保誠的親子活動，今次chur好多，一對一，有一個保險從業員跟著你，哈哈！！而且，他們準備了活動，帶走小朋友，大人們有一小時要聽保險，噢⋯⋯都去了，睇吓一小時，吱吱和嘩嘩學咗些甚麼？！

KLOOK // 我的Staycation不可能那麼壞

上次林太同吱吱睇完Keigo展覽，笑到卡卡聲！！林太見到依個staycation就忍不住book了，哈哈！！重遊舊地，林生林太當年結婚的地方，林生林太以前超白癡以為這裡是Langham Hotel，原來一直都是Cordis Hotel！因為package沒有包車位，所以Uber嚟，仲要重遇兩年前的Uber司機，哈哈！！3:00前已完成check-in，上了房，免費upgrade了全景商務客房，真係大好多！！3:15下午茶開始，但等到3:45才有嘢食⋯⋯雖然是二人下午茶tea-set，但有超多嘢食！！甜點仲可以自己選擇，有時有啲甜點真係唔想食，哈哈！！細佬自己選了四個馬卡龍！！哈哈哈！！食飽飽抖一陣，5:30就去游水放電！游泳池在酒店的頂樓，可以睇到日落都幾靚喎！！不過，玻璃不是密封，溫度同室外差不多，都有點凍哦！！頂了半小時，都是走吧⋯⋯6:45去了酒店餐廳Alibi，有85折，都幾抵！！食了兩個4 courses，一個today special pasta。08:30就去了朗豪坊行街街，買雪糕和浴鹽回房搞搞震！！哈哈！！兩隻小魔怪似乎飽到食唔落雪糕，就浸了個士多啤梨浴，好香呀！！Goodnight！！雖然夜瞓，小魔怪依然7:00幾起身⋯⋯所以08:30食早餐是沒問題的⋯⋯林太超愛他們的奶紙，呵呵呵⋯⋯正！！細佬星期六要學劍擊，上堂先，林太繼續hea⋯⋯01:00前check-out，再見！！

KLOOK x香港康得思酒店 x Keigo「我的 Staycation 不可能那麼壞」 Staycation 套餐：豪華客房 + 下午茶 + 自助早餐 + Keigo主題禮品包 （星期五晚入住：HK$1968.6）

。1晚Keigo主題豪華客房住宿

。入住當天於The Place 享用雙人下午茶套餐

。两位於The Place享用自助早餐

。Keigo主題禮品包1 份(包括Keigo主題單肩布袋、收納布袋、⾦屬徽章) (價值超過HK$450)

。於酒店所有餐廳消費可享85折優惠，包括客房送餐服務

。每位登記客人每晚入住可使用游泳池一次，每次時段為一小時

。每位小童賓客可享免費兒童小背包一個 (內有多款康迪主題小禮品)

*Free upgrade* 「我的 Staycation 不可能那麼壞」Keigo主題全景商務客房

*Free* 375ml 紅酒一支

*Free* 小朋友的自助早餐不用另收費