DIY — Chocolate Brownie

之前後U購買的Tesco Chocolate Brownie Kit，減價HK$20，抵！！放咗係到好耐，今日同嘩嘩玩咗佢先，哈哈！！超簡單，攪攪攪就得！！嘩嘩一邊做，林太仲要佢練習講故事，真係慘，哈哈哈！！首先 -> 然後 -> 跟住 -> 最後

蛋與兔 X 童畫

細佬的時間表已被林太塞到滿滿，但又好像缺乏了一些藝術元素，哈哈！！所以帶了細佬去「童畫」玩，試堂價HK$500兩堂，一件作品。吱吱和嘩嘩一起上課，返到屋企吱吱就不斷打小報告，哈哈哈⋯⋯可唔可以相親相愛一起上課呢？！

海洋公園 // 親子體驗 // 花草麵包創作坊

以前吱吱有跟ABC Cooking學做麵包，嘩嘩也要做吓包，煮吓嘢食先！見到海洋公園有，HK$160一對親子，一個半小時，也不錯哦，試吓先！個麵團已做好，自己鐘意做乜形狀都得，可以加些生果/蔬菜上去點綴一下。做完個包之後，有工作人員解釋一下要用什麼材料，再有一舊粉團比小朋友搓吓，玩吓。依個時候嘩嘩已經開始坐不定，開始搗亂，唉⋯⋯好彩，都有個麵包可以出爐，哈哈哈！！他的火車麵包，似嗎？！第一次入海濱樂園水都餅店，佢哋的曲奇和麵包都好靚哦，忍唔住買咗盒添，哈哈哈！！

親子塗鴉體驗日

由墨爾本回來的林生林太，對塗鴉是不會陌生，而且覺得好型添！！哈哈！！就帶同小朋友一起體驗一下。HK$150一位小朋友，可以噴一個環保袋，鐘意點噴都得。其實都要用點力去按個噴嘴，所以小朋友噴噴會想畫返，哈哈！！

慳BB襟章

Yeah！得咗！有200分可以換吓嘢喇！！食物唔多想換，所以換了個「慳BB襟章」。可想而知，林家有幾多垃圾，咁快就儲到200分！！唉⋯⋯都係用少些，更環保！！支持環保，加油！！

https://www.wastereduction.gov.hk/tc/community/crn_intro.htm

一嗚燒

林太很久沒有見面的朋友仔，本來是baby shower，但最後主角沒有出現！不過，照食吧！！哈哈哈⋯⋯六折喎⋯⋯抵到⋯⋯

香港歷史博物館 // 經典再現 ── 香港故事精華展

睇海報睇咗好耐，終於去了！因為今日去開尖東，哈哈！！小朋友睇返公公婆婆年代的生活，好可愛。而且用了黑白色簡單圖案表達，很簡潔，無咁老土！！只是行了「經典再現」，沒有再行入去其他展館，下次吧！！

https://hk.history.museum/zh_TW/web/mh/exhibition/hkstory.html

Classified Post EASTER Eggs-stravaganza // Robot cart race

今次既免費活動，其實係「永明強積金」贊助，所以中途要比人sell吓，哈哈！！個車車remote係靠個平衡sensor控制前後，轉左轉右，走出迷宮。幾好玩喎！！細佬最後唔想控制個remote，想去睇迷宮，比指示，原來你是領導者？！哈哈！！Well done！！

Ocean park~~

又去海洋公園喇！！不過，吱吱仍然要下午zoom，所以嘩嘩同梁爸爸梁媽媽入去先，林太再同吱吱一放學衝入去！！梁爸爸梁媽媽由頭玩到尾，勁呀！！哈哈哈⋯⋯嘩嘩好似玩咗好多嘢，勁呀！！

無學返的小朋友

中西區的COVID-19爆發，令吱吱和嘩嘩的學校暫停面授，改回zoom zoom zoom。所以嘩嘩zoom完後就無嘢做⋯⋯林生帶咗佢入迪士尼，玩到last min才離開！累死了！！

《獨角獸男孩》

劇場終於開返啦！！期待已久入劇場！！小朋友親身在劇場看嘅感受真係唔同㗎！！帶了吱吱和嘩嘩去睇《獨角獸男孩》，嘩嘩睇到最後有啲眼瞓，開始郁嚟郁去，不過都算幾好啦！吱吱睇完之後話：「都冇獨角獸嘅！」哈哈哈⋯⋯世界上真係沒有童話了？！⋯⋯

Saturday

中西區突然間有好多個案發生，林生想逃離中西區，連吱吱和嘩嘩的戲劇班都沒有上堂。逃到數碼港，睇了《Raya and the last dragon》，迪士尼又有新公主啦！！哈哈哈！！林太最唔明白，點解條龍四隻腳長到好似草泥馬咁嘅？？又毛絨絨咁？！哈哈哈！！之後，再去大潭BBQ。

Ocean park - Gatsby and his BF

嘩嘩的第一張海洋公園年票終於到期了，由19年5月到依家，今日第十一次入場，哈哈！！嘩嘩的best friend公公，要一齊坐哦！！嘩嘩終於贏到禮物了，叻叻！！哈哈！！

故事結局

吱吱和嘩嘩的幼稚園最鐘意「親子故事結局創作比賽」，上年和今年都除消了。林太有點身痕，見到依個就想參加，哈哈哈⋯⋯吱吱和嘩嘩聽完個故事，他們想出解決方法就是搵幫手！！故事中的媽媽吧！？就算是家人，都要「有借有還」，對嗎？？交咗之後，覺得有改進的空間，下次再玩過！！哈哈哈⋯⋯https://cclc.bgca.org.hk/?p=1403

《松果在哪裏？》

松鼠哥哥拿着一顆松果回家，告知妹妹他們只有一顆松果過冬。松鼠妹妹大哭起來！！松鼠妹妹又肚餓又不知道怎樣辦好？！

松鼠哥哥鼓起勇氣，提議說：「不如我們打電話俾媽媽，她應該會有好辦法㗎！」媽媽細心聆聽，安慰松鼠哥哥：「⋯⋯我哋可以問爺爺借，爺爺每年都勤力工作，儲起了很多很多松果。」

松鼠媽媽帶着很多很多松果回家，松鼠哥哥和松鼠妹妹開心得跳起。松鼠媽媽微笑說：「松果只是向爺爺借回來，到下年的秋天時要還哦；所以，今年你們要加倍努力，為下年的冬天作好準備，又要搵足夠的松果還給爺爺，可以嗎？」松鼠哥哥開心說：「可以！」松鼠哥哥終於明白，世界上沒有魔法山洞，是要靠自己的勤力，不懶惰才能收集足夠的松果過冬！

LamBB講故事⋯⋯

細佬嘅英文功課，The Three Billy Goats Gruff。做完小手工之後要講故事⋯⋯要知道細佬的英文⋯⋯唉⋯⋯救命呀⋯⋯攪咗幾耐！！有咩辦法可以幫佢嘅英文進步快些呢？？⋯⋯

三。八婦女節

婦女節林太要去hea下先⋯⋯嘻嘻⋯⋯約了友人和靚仔BB食個早餐。吱吱自己食咗成個餐，仲連多士都食完⋯⋯嘩！？真係咁好食！？

校際音樂節2021

校際音樂節2020，因為疫情取消了。今年可以進行，但是要錄影，而且首歌是一樣的。哈哈！！對，首歌玩了一年，但其實仲有進步的空間！！唔知道小朋友有沒有感受到壓力呢？！睇吓吱吱一錄完之後的笑容！！Good job！！

Happy 40th anniversary to grandparents

依家仲係四人限聚，所以懶得帶兩隻小魔怪出街食飯⋯⋯首先食得妙，再去杏香園食糖水。林太好似做返女咁，同爸爸媽媽出街食飯。以前的小學/中學時代都是這樣子。嘻嘻！！

山頂。看霧

玩開航拍的林生，今早見到有雲海，就密謀上山頂！！林太極力反對，因為濕度是100%，黐粒粒的感覺不想行山⋯⋯最後也上了⋯⋯上到去見小朋友們看看霧，像不像仙境，他們的答案是：「睇咩呀？」「d雲底咗？」唉⋯⋯⋯仲要越行越濕，最後落出雨⋯⋯

半路咖啡

林太幫吱吱和嘩嘩報的Faust drama class，因為疫情，由暑期班改到term1，再改到term2。本來是兩個同一時間上，但又因太多人，政府規定，改了不同時間上。終於，可以一齊上了！！林生林太有兩個半小時的free time，yeah！！哈哈！！首先食返個早餐，打個卡，再行街街，去了中環的Donki。之後，無嘢做添⋯⋯下星期諗清楚去邊到先！？哈哈！！ https://m.facebook.com/halfwaycoffeehk

Chez Moi

已經留在家中好多好多晚⋯⋯終於可以出街了，到晚上十時正！哈哈！！林生林太好乖呀，四人限聚，所以分開了三枱，不過紅酒沒有分枱，它們走來走去！哈哈！！充滿笑聲的一晚，好懷念幼稚園生活！！ Chez Moi

星期三，赤柱

又是星期三，又到赤柱一遊。今日勁大風，吹到傻了！！但兩位小朋友照常跑跑跳跳，見石就爬⋯⋯發現了新石頭，就是關帝廟對出。又是hea一hea，返屋企上zoom。