林生一拖二入迪士尼！Yeah！！感動哦！！因為林太同友人去食high-tea，嘻嘻！！吱吱和嘩嘩上完drama班後，就急急腳入了迪士尼。雖然天陰陰，但都玩得很開心！！而林太去了尖沙咀的百樂酒店食high-tea，因為有士多啤梨，扮吓少女先，哈哈！！
係北角的”香港兒童探索博物館”其實已經開咗兩年多，一直想去睇吓，但等吓等吓又唔記得咗⋯⋯佢哋做到今個月尾，之後就會搬，拿拿臨同細佬去一次先。一個時段是個半鐘，比起之前二個半小時少咗，但都有足夠的時間，因為有幾樣活動都無開，今日10:00-11:30時段去咗。（兩個半小時—>個半小時，$150–>$120）一入到去是比36個月以下的小朋友地區”漫遊小香港”，林太一見有點失望，以為很細，好彩行入去仲有嘢玩。細佬最鐘意當然是玩水，林太都覺得水係最好玩！繩網太細了，三歲以下的小朋友較為適合。 https://www.childrensdiscoverymuseum.hk/
吱吱的zoom改了下午之後，很難夾時間出外走走，今日”快閃赤柱”。比兩隻小馬騮跑吓，爬吓！食個早飯，之後回家zoom zoom了！
林生去咗行山，林太又在家搞搞震！！去了唐包買包，因為有角落生物，白熊菜肉包，哈哈！！還用角落生物威化紙放在其他點心上，成為”角落生物點心”，哈哈！！嘩嘩的小一面試班教緊一些常識，飲茶有咩點心，所以繼續在家上課！？介紹完蝦餃、燒賣、腸粉，嘩嘩話：「我都唔食嘅！」唉⋯⋯
今天是星期六，難得吱吱和嘩嘩不用上興趣班，左諗右諗可以去邊？！又要避開人群，又想曬吓太陽吸收新鮮空氣！？最後，去了長洲。例牌活動，踏單車，趴張保仔洞⋯⋯午餐去了島中坊研-樹下店，係佢未開門就入去坐，之後要排隊呀！！
海洋公園重開，趁平日小啲人，快啲去一次先！林太同細佬去，十二點多先入到去，帶了飯團，食完開始玩。細路一見到有人排隊，就會話：「其實我唔想玩，可以去其他地方！」哈哈⋯⋯看來他已知道自己的弱點，就係不能企定定排隊！細佬就行去些”無乜人”的地方，入了”觀鳥徑”，真是沒有人，但也看不見雀，哈哈⋯⋯又行了入”熱帶雨林館”，救命呀蛇呀！為母則強，時運高見佢唔到，哈哈哈⋯⋯估唔到海洋公園還有未發掘的地方！！
很特別的一年，帶著口罩去拜年！！不過，同家人也有食個飯，原來已食了六個盆菜，今年夠數吧！應該可以盤滿缽滿，哈哈！！
COVID-19已經一年了，這一年，小朋友好像失去了童年。無得返學，更加無得開生日會，慘慘豬！！今日好好彩，可以係私人會所的遊樂場開個小型生日會。嘩嘩無見成年的同學仔，變了糖黐豆，開心到⋯⋯雖然只玩咗一陣，已足夠他開心！！哈哈哈！！
