NYE // 坪洲 // Snoopy石 // 祺森冰室 // 牛皮廠

睇完《新假期》https://www.weekendhk.com/香港好去處/坪洲-牛皮廠-蝦多士-周末遊懶人包 好似不錯，人少少，呼吸一下新鮮空氣，又有嘢食，哈哈哈！！林生林太帶著四個小朋友，有嬸嬸問林太是否生了四個？！好叻呀？！⋯⋯哈哈哈⋯⋯林生林太當然是「早出早歸」坐9:15am船出發，2:30pm就回程了。跟足新假期的行程，沒有上「手指山」，只去到Snoopy石（「釣魚公」的大石頭）。雖然是冬天，入冬以來最凍的一天，但無阻小朋友們係沙灘玩！！坪洲，真的很舒服，一個很平靜的小島！！

LEGO Technic 42119: Monster Jam Max-D // LEGO Disney 43176: Ariel's Storybook Adventures

在家繼續拆禮物，開了LEGO，細佬的車車要幫手，家姐嗰個係easy job吧！

北港古道

林太係Facebook見到介紹「香港竹林」，覺得都好似大版嗰個，就forward比林生研究一下！！發覺可行，就跟了他們的行程：富安花園 > 梅子林路 > 梅子林 > 茅坪 > 茅坪坳 > 北港 > 西貢公路，還加了昂坪觀景台。約了另一家人，給吱吱和嘩嘩一個伴，追追跑跑可以完成！不過，林太不幸仆咗兩次，左腳腫了，右腳損了！！好彩都能完成！！https://www.hk01.com/即時體育/483757/西貢行山路線-尋訪茅坪藤皇沿路多樹蔭-行北港古道賞竹林隧道

Zeng’s high-tea

A Christmas high tea！！依家還是table for 2，所以要4個人去食high tea，哈哈！！林太的友人們勁忙，聖誕期要到27號先食到high tea，哈哈！！去了間餐廳，平日相信是bar，但依家6pm後不能堂食，所以加了high tea？！相信都是買回來的甜點，再砌出來呢！明顯有兩件蛋糕特別大舊，哈哈！！Happy Gathering！！  https://zenghk.com/

梁爸爸，生日快樂！

提早同梁爸爸慶祝生日，買了個忠誠盆菜。嘩，超多肥豬肉，但梁爸爸食到舔舔脷！！哈哈！！切蛋糕時又比嘩嘩搶鏡，攞咗把刀，好似佢生日咁，哈哈！！梁爸爸，生日快樂！！身體健康！！ http://www.chungshingfood.com.hk/index/main/

LEGO city 60117

Boxing Day！！其實禮物尋日已拆咗，今天開嚟玩吧！吱吱又係表姐屋企，細佬的LEGO自己嚟吧！雖然是5yro+，但砌得不錯哦！！籃色車大部份都是對稱位置，所以砌得特別快！！Well done!!!

Merry Christmas

聖誕快樂！！一年一度的聖誕大餐！！今年是外買哦，訂了Conrad的四人套餐，半價自取！林家九個人，雖然加了沙律和牛扒，但四人餐份量實在太大！！食唔曬⋯⋯噢⋯⋯希望下一年可以去酒店食啦！

Santa arrived

林太一早叫吱吱寫信給聖誕老人，佢又唔郁！到平安夜先寫，寫完就不停吹林太寄，吹到林太想罵人！！又叫林太email聖誕老人，林太答：「已經太遲，聖誕老人依家揸緊鹿車，出發派禮物！揸車不能check email呀！」吹完又吹⋯⋯攪到林太扮聖誕老人回信，叫佢明年請早！！！哈哈哈！！！

Santa Claus cookies

經過卡通片的薰陶，吱吱終於知道聖誕老人會爬煙通入嚟派禮物，還要準備牛奶和曲奇給聖誕老人吃。哈哈⋯⋯⋯但香港的屋何來找煙通？！吱吱話：「放近些窗邊，聖誕老人應該爬到入嚟！」哈哈哈⋯⋯咁好啦，快些預備曲奇吧！ 

Oh..... Christmas tree

林生林太香港的家一直都沒有聖誕樹，因為沒有位置⋯⋯今年的聖誕節快到了，到今日，林生才剛剛淘了一棵聖誕樹回來！？就砌了它吧！！兩位小魔怪更要砌完才肯瞓覺！！由7:30pm《東張西望》砌到9:30《踩過界2》，搞掂，兩位小魔怪可以睡覺，林太可以煲劇了！哈哈哈，HoHoHo⋯⋯

長洲

依家嘅疫情，應該要留在家中減少聚集，但小朋友也要到戶外走走，伸展一下！！林生林太就決定要出去唞唞，又要避開人群，所以就要早早早！！仲早過平時上zoom課！！9:00am船去長洲，去到單車舖都未開！！哈哈哈！！吱吱和嘩嘩踩單車，雖然是有輔助碌，但都好快到達張保仔洞。林太搵到個太陽位，曬太陽，林生同小朋友們不停re-loop張保仔洞！！之後，一到中午，就午餐，再行多陣就離開長洲了！！ https://m.facebook.com/WOWLABLTD/

大澳之旅

個酒店package無包早餐，諗住去迪欣湖玩和食早餐。9:45am去到迪欣湖，但泊車位已無曬，餐廳、水上/陸上運動都唔開，得7-11開⋯⋯上返車諗住去東涌食個早餐，但泊完車林生話坐的士入大澳⋯⋯哈哈哈⋯⋯真突然，完全唔夠衫，入去食風！！大澳都去過幾次，都係去個幾個景點。心經簡林原來好近，第一次行入去，不過太大風，只留咗一陣。小朋友最興奮都係坐360纜車！！不過，今次發現了細佬影相的潛質！！不錯哦！！

今日行程：大澳巴士站 —> 華記餐室 —> 沿着海邊行 —> 大澳文物酒店 —> 天壇大佛 —> 心經簡林 —> 昂坪360 —> 東薈城

Disneyland Hotel staycation

係十月時（疫情較為緩和的時候），經東瀛遊預訂了今晚的房間，因為是「聖誕節假開始喇！」！！哈哈哈！！聖誕節嚟喇！！Package包括迪士尼樂園酒店一晚和HK$400飲食卷，星期五晚入住，HK$1920。Check-in時話已upgrade咗去deluxe room？！又發現林生兩日前生日，所以安排了毛巾蛋糕。雖然buffet唔開，但原來可以打電話嚟，只要晚上在餐廳消費的全年證會員，可以有個生日蛋糕，蠢咗哈哈哈！！2:00pm上了房，3:00pm開始玩小朋友的「迪士尼樂繽紛」，玩了「聖誕老人小助手」、「康樂部手工藝創作」、和「迪士尼電影播放」睇了《阿拉丁》，都玩到7:00pm才返房。7:30pm攞晶荷軒外賣！係房繼續迪士尼卡通無限播放！！吱吱和嘩嘩開心到⋯⋯Happy holiday！！

ABC Cooking Trial // Grilled Spare Ribs & Whole Wheat Bread & Blueberry Panna Cotta

林太覺得ABC Cooking Trial係最抵，因為價錢係等於出街食飯的一個餐。哈哈⋯⋯今日拉了梁媽媽上堂！！梁媽媽第一次搓包吧？！

Mr Lam, happy birthday!!!

林生，生日快樂！！因上星期開始已禁6:00pm後堂食，所以8號已偷走，去了COBO House食晚飯！當晚是林生預約，今日又是林生煮飯，哈哈，辛苦曬！！真係諗唔到送乜，林太送了「花」，因為林生問過，「點解男仔唔可以收花？！」。林太也是第一次認真地買花比男仔！哈哈！！生日快樂！！祝人比花嬌！！ https://www.cobohouse.com/

避人之旅 — 鶴咀海岸保護區

又到星期一，諗住出外走走，可以去一去郊外。去了「鶴咀海岸保護區」，點知都有人，不過也可以接受！！開頭的路程都算易行，可以玩scooter，之後就是石灘。不過小朋友的小腳，在石灘上行沒有難度，還可以跳來跳去！？細佬仲要好窩心咁跑去林太身邊，問：「你行得咁慢嘅？！我拖著你吖！唔駛驚！！」哈哈！林太怕拉跌細佬，都是放手讓他自己行吧。去到景點「蟹洞」和「雷音洞」，但小朋友就係咁問「做咩呀？做咩呀？」哈哈哈⋯⋯

DIY — slime

林太係上一次停課期間（第三波時）就買了盒slime DIY-kit，寄到嚟又覆課了。噢，依家又玩得了！一開發現是「唔知乜文？」睇極都唔明個說明書，終於搵到一句英文！！「1:1:1 e.g.60ml」就靠估吧！！哈哈！！都尚算成功！！搓得，拉得，玩得！！一盒可以分兩次玩，會唔會等到第五波再玩？！唉⋯⋯

LEGO Disney 41153: Ariel's Royal Celebration Boat

吱吱五歲生日會時收的生日禮物⋯⋯日等夜等⋯⋯今日終於可以開了！！哈哈⋯⋯因為林太想「做完功課先」，「溫完習先」，「練完琴先」，結果未有時間，哈哈！！放了年幾，今日唔出街，可以玩了！！兩個合力，砌好了！！等待，更有滿足感！！

梁媽媽，生日快樂！

梁媽媽生日哦，本來是去海洋公園酒店住返晚。但又沒有堂食，又不能去海洋公園，所以最後在家⋯⋯帶了孫仔孫女去食個晚飯，生日快樂！！祝身體健康！！

學校zoom堂 — 小實驗堂

細佬上zoom通常都是左搖右擺，左望右望！嘩！！今天竟然坐停停，哈哈！！小實驗的吸引力！！其實好簡單的小實驗，只是檸檬加梳打粉⋯⋯

避人之旅 — 南丫島

依家雖然上緊zoom，但仍然有「教師發展日假」，哈哈！！所以想出外走走，避人之旅，去了南丫島，由中環坐船去索罟灣，經家樂徑行去榕樹灣，再坐船回程。一去到，食個早飯，但不是全部餐廳都開。最後都是去了天虹海鮮餐廳，分兩枱，分餸食！！之後，開始慢慢行，細佬又話累，又話肚痛，又話要抱，好彩最後都能完成⋯⋯

Violin grade 2 exam

吱吱由K2起學小提琴，但沒有練習，一個星期上一堂就算⋯⋯直至停課才開始天天練習。本來報了9-10月的第二級考試，想給他一個目標。可惜，因為疫情取消了，最後變了拍片。又要上網掙位，又唔知要拍幾多次才算”good-take”⋯⋯最後，最後，終於完成了！！仲要提前完成，9/1/2021才是考試日，等待成績單⋯⋯⋯