賣旗日

因為疫情，好耐冇得賣旗啦，今日細佬有得賣𣄃呀！！但似乎姐姐們更加落力幫手！！多謝你們哦！！

The wonders of life X 童畫

終於有得玩了！唔知依堂平時都係咁少人，還是因為疫情，所以更少班教學？！上完依幾堂，吱吱更認識動物，更用動物來作比喻。「我好似隻駱駝咁，不用飲水！返學前飲完，放學先要再飲。」「我的皮膚好似仙人掌咁！」「啄木鳥是樹木醫生！」哈哈⋯⋯有趣有趣⋯⋯

【鳳園蝴蝶節 - 植物導賞活動】

秋風起，應該去吓郊遊！但今個星期是long weekend，相信些熱門地點一定會好多人，所以走了入大埔，鳳園蝴蝶保育區，行吓山睇蝴蝶。見有導賞團，林太就預約了。一直以為導賞團是介紹蝴蝶，但行行吓才發覺係介紹植物，哈哈哈⋯⋯細佬一早去了劍擊比賽，所以有點累，行行吓只想搵狗仔玩，甚麼也聽不入耳！途中蝴蝶就影唔到，它們飛得太快，但真係有好多！！！

導賞日期：每個月的最後一個星期日 9:30 或 12:00

地點：鳳園蝴蝶保育區

內容：鳳園蝴蝶保育區內的風水林植物及中草藥

費用：活動費用全免，訪客只需繳付保育區個人參觀即日通行證之費用 (20元正) 

https://fungyuen.org/

Primo Fencing 小人仔小比賽

之前的暑期證書課程已完結，還有個小比賽，今日舉行！！當然是分年齡，和分性別，所以有四組，總共十四個小朋友。嘩嘩個組個個都細細粒，沒有甚麼技術，就是鬥快冲呀！！哈哈哈⋯⋯很可愛！！嘩嘩個組四個小朋友，攞了亞軍，哈哈！！

勁多人的海洋公園

吱吱成日投訴沒有去過海洋公園，其實細佬都只係去多兩次？！少女真是麻煩？！哈哈！！林太一早預約了，但吱吱慢動作地做功課，所以最後入到去已是下午2:00⋯⋯好多人哦！！甚麼都要排隊！！排隊！！和排隊！！一個過山車排了四十分鐘！！之後，放棄了纜車，實在太多人排隊⋯⋯好彩仲入到威威劇場。最少人排隊的是”五感發現之旅”，利用五感玩些小遊戲，之後換貼紙⋯⋯⋯走人⋯⋯

生態保衛賽2020線上跑

因為疫情關係，海洋公園保育基金的「生態保衛賽2020」改了在線上跑，不受地域或時間限制，參加者都可以隨時隨地根據自己的運動喜好，完成3公里或10公里的賽事。林家參加了家庭組，HK$450，四個人一起跑3km。 容易吧，山頂行一個圈已是4km，今日雖然三號風球，涼涼地，上山頂行個圈吧！！完成！！https://m.facebook.com/RunForSurvival/

Bedroom makeover

經過一個星期，吱吱和嘩嘩的房終於攪掂。上星期拆掉舊的，今日砌床。兩位少主都十分滿意！！希望他們安安全全，唔好做危險動作，唔好碌落床，哈哈哈！！

DWC比賽

本來二月的比賽，因為疫情所以押後到依家⋯⋯仲要係錄影進行。三位小妺妹其實已經唔同班，已經勁耐沒有一齊排舞，今日都唔知跳成點⋯⋯哈哈！！

Colour Brown x PHVLO HATCH

連幼稚園都恢復正常，一日返三小時。林生林太有三小時的假期喇！！Yeah Yeah Yeah！！偷走到深水埗，偽文青一下！！哈哈！！試一試中西合壁，咖啡紅豆冰，幾得意哦！！https://www.openrice.com/zh/hongkong/r-colour-brown-x-phvlo-hatch-深水埗-西式-r645294?fbclid=IwAR0bMp1rIycaB1ciMOewANL0fcCXtptpAeTINV00kZcflWYkx98Z2VVk6Xk

迪士尼呀！

迪士尼又嚟了，今次約了朋友仔，做「孖寶貝」！！林生有事，玩玩吓走咗，對著嘩嘩，林太真係追到氣都斷！！

#世界救心日2020

一個佷有意義的親子zoom課，「世界救心日2020 - 在家心肺復蘇法馬拉松」。林太和嘩嘩一起在家學CPR！曾幾何時，林太在工作上要幫病人CPR，睇到CPR的震撼，聽到胸骨折斷的聲音，等候救護車的心情⋯⋯急救常識真係應該要識！！依家仲有apps可以幫你計compression rate，又有mouth piece派，真係太好了！！謝謝紅十字會的世界救心日！！

Lunching

趁疫情緩和，出外逛逛，食個午飯。林生林太試過去茶餐廳，竟然開始返搭枱，所以都係正正經經搵間餐廳食返餐！無得飛，食返個brunch，擋返了墨爾本；食個和牛燒，擋去了日本！！哈哈！！細佬認到「牛」「肉」，林太已經很開心！！哈哈哈！！

Conrad high tea

Conrad Hotel 30週年，樂聚廊二人份外帶下午茶三層架75折！！其實林太十分大鄉里，唔知間酒店係邊？！不過成日見到隻bear bear在打卡，也八八掛掛試吓先！！又去了平台，小朋友可以走走，林太就慢慢嘆⋯⋯嘻嘻⋯⋯ https://conraddining.com/zh-hant/dining-news-and-offers/hungry-tuesday-online-exclusive-dining-deals-up-to-35-off/

山頂

家中停電無水，作為城市人極之不便，都係出外走走，食個午餐先。嘩！今日見到大蜘蛛和竹節蟲，超大哦，爬了下來！！勁呀！！家姐還在上學，得細佬一個，又話累，又點點，提不起勁，家姐多麼的重要！！

Pooh仔不見了⋯⋯

一次的大意，留了Pooh仔係酒店！！細佬有好多條巾仔，但他唯獨喜歡Pooh仔！！林生林太有打回酒店，但搵唔到。Pooh仔陪了細佬四年，去過澳洲、日本、大陸，竟然係香港酒店唔見咗。依款Pooh仔是四年前隨書附送的巾仔，已經無得賣，在eBay找到一條二手的。依兩晚盡量令他很累很累才睡⋯⋯但細佬仍有不少問題⋯⋯

「Pooh仔去咗邊？」「無人理Pooh仔，佢會唔會自己坐飛機返澳洲？」

「如果係街到再見到Pooh仔，我哋問人可唔可以比返我吖！？」

嘗試比另一隻Pooh仔佢，佢話「點解佢個鼻唔係黑色？我鐘意黑色鼻Pooh仔！」

依款係迪士尼買嫁！佢話「點解咁既色？佢冇曬太陽？我唔鍾意依隻色！」

⋯⋯⋯

一行九人入迪士尼

因為入住酒店，所以不用上網預約，yeah！！現在還有四人限聚令和保持社交距離，所以樣樣機動遊戲都排長龍！！不過，其實等待的時間不長，只是條龍長，哈哈！！一行九人可以包船，小小世界；又可以一拖五玩space mountain，勁呀！！