《角落小夥伴》

依家的小朋友資訊太發達，隱瞞唔到《角落小夥伴》已上映⋯⋯無奈地要去睇。林生話係出面等，點解唔可以係林太等呢？！全套戲都是旁白，沒有對白，救命呀⋯⋯差點睡著了！！吱吱仲話套戲好好睇，好感動，因為小灰雞唔可以出嚟⋯⋯吱吱和嘩嘩鐘意睇，咁都值回票價！！

《死因無可疑》

數碼港的戲院由百老匯變了MCL，由情人節開始都沒有入戲院睇戲。依家開返了，仲減價$60張票！（唔知減完價會幾錢呢）去囉去囉！！去睇《死因無可疑》，港產片不錯哦，可以再核突一點！！哈哈哈！！

https://m.mclcinema.com/?lang=1&uid=34c2dc37-47f0-4947-8ede-15fe6e6e731d

One Art Lab (3) // Hong Kong Dance Union

第一次星期六上興趣班，上午細佬要畫畫，下午要跳舞！！真係好少星期六去上堂，不過不是恆常班，算啦⋯⋯

跳舞去了Sunny Wong’s Dance Studio。依家改咗名，不過都係跳勁歌熱舞，哈哈哈！！細佬第一次跳舞，林太係出面睇得好開心，哈哈哈！！

http://www.sunnywongofficial.com/

ABC Cooking trial // Polka-dot roll cake

太古城店限定trial班，有朋友想做，林太又可以跟著免費上課，嘻嘻！！第一次上8pm堂，嘩好熱鬧喔！！都OK容易！！

龍舟水

端午節快樂！！

粽子節快樂！！

天氣實在太熱，林生林太沒有勇氣去沙灘游龍舟水，表姐們帶了吱吱和嘩嘩落了會所游水。哈哈⋯⋯林生林太係時候瞓個午睡！！嘻嘻！！

爸爸帶小孩之迪士尼

細佬的暑假活動將會很忙，所以今日玩返日先！！爸爸帶細佬入咗迪士尼，不用排隊，乜都玩！！勁呀！！仲見到Cinderella，王子都出動，哈哈哈哈⋯⋯ 

一蘭拉麵

依位小女孩真幸福！！

有爸爸一齊食午餐，帶她返學！！

吱吱話：「我鐘意媽咪，更鐘意爹哋！」

林太：「點解呀！？」

吱吱：「因為爸爸帶我食拉麵，拉麵好好味！」

林太：「咁貓貓cafe呢？兔仔cafe呢？」

吱吱：「拉麵好食！」

看來天天都是父親節！！哈哈！！

Happy Father’s Day!!!!

又到父親節，不過林太依然懶惰⋯⋯冇乜準備，同梁爸爸食餐飯。同嘩嘩做了cupcake仔就算⋯⋯哈哈哈⋯⋯父親節快樂！！

https://www.11westside.com/

Disneyland re-open

開返了，開返了！！衝呀！！

雖然好熱，熱到溶，但都好奇幻！！其實好少人，但每次玩完都要清潔，所以等待的時間耐了，不過見到工作人員咁努力清潔，等陣吧！！而且細佬102cm喇，夠高玩Iron man的機動遊戲了，yeah！！

海洋公園後記

好可愛的記錄！！

嘩嘩自己拋球贏回來的公仔！

吱吱無去，但細佬講了n次自己夠高玩了兩次過山車，哈哈！！

謝謝你們的記錄！！

One Art Lab (2)

今日輪到細佬來玩貓貓，哈哈哈⋯⋯其實是畫參加比賽既畫。估唔到細佬最鐘意黑貓！又估佢唔到，畫完貓會加蛇和poopoo！唉⋯⋯

http://www.littleredbear.com.hk/

Ocean Park Re-opening

Yeah！！海洋公園開返啊！！每日最多9000人入場。林太一早book咗今日，同嘩嘩入去八掛一下！！

10:00開，10:35到，但要排長龍，到尾段才分流，有點耐⋯⋯入場後，無乜人，十分舒服。不過，唔准企人的黃色格好似沒有人理，一樣人跟人排隊。哈哈⋯⋯餐廳也只開1/3坐位，12:00開，12:30已全滿，要等個半小時。下次可以打電話來預約，哈哈⋯⋯

同嘩嘩第一次玩過山車，極地時速！雖然沒有360度，又不是太瘋狂，但對四歲小朋友應該已經好勁！哈哈⋯⋯佢竟然超鍾意，連續玩了兩次！！之後開始多人所以冇再排隊，哈哈⋯⋯叻叻！！下次再玩！！

今日遊戲獎品可以免費升級，嘩嘩玩拋波波，贏了細獎。可以選擇細獎或中獎，佢竟然唔貪心，只要隻細公仔，哈哈⋯⋯

消化系統2

依個玩具其實係比吱吱玩，諗住佢”啱玩d”，所以主力同佢講多幾次。但叫佢再講，都是甩甩流流。相反，嘩嘩有一吹痾poopoo時，把整個消化過程講了出來！！哈哈！！Surprise！！其實嘩嘩surprise都不只依次。佢歲幾，差不多要考PN班時，不多說話，只會說「爸爸」、「媽媽」。林太一直都好擔心！！有一日林太晾衫嘅時候，嘩嘩自己攞住本picture book，讀晒書裏面嘅動物名稱，「大象」、「蛇」、「老虎」⋯⋯仲要係全對！！嘩嘩，你很喜歡給林太surprise！！哈哈哈⋯⋯

*****

曾幾何時，有個萍水相逢的朋友跟林太說。照顧女孩子和男孩子的大不同。女孩子早些給他們出外上課，因為他們的語言能力較早成熟，他們早些接觸其他人會幫助他們的溝通技巧。吱吱很早就上全日childcare，他又真的是每次出外都識到朋友。男孩子遲些才上課吧，因為他們的溝通技巧是來自媽媽！！可惜，回流返香港，嘩嘩要跟著香港的教育制度，兩歲就上PN，又要照顧家姐，林太很少機會跟嘩嘩溝通溝通！！這半年的長假，可能是一件好事吧！！林太無想過，會親自教嘩嘩1-100，A-Z，認字！！嘩嘩希望你這半年差足電，再出發，K2加油，爆發你的自信心！！

Toys

停課期間都買咗一些新玩具，但其實舊嘅玩具都有好多未開/好耐冇玩過。好好利用呢段時間玩玩具！！嘩嘩大咗小小，可以一齊玩broad game，可以輪流，可以鬥快！！喜歡這樣的你們！！

Primo Fencing 第一堂

吱吱復課，嘩嘩到九月一日才返學。學校的功課不多，他的暑假好像已經開始！！哈哈！！那就開始上暑期班吧！！

第一個暑假班 —- 劍擊訓練！！

一個星期一堂，十個星期後有個小型比賽，仲有cert攞，HK$3300。不錯不錯！！今日是第一堂，林太留了喺裏面陪嘩嘩上堂。他真的不怕羞喎，成堂都聽到佢把聲！！哈哈哈！！佢好似好鍾意哦！！希望你繼續努力啦！！做一個林太心目中的型男，哈哈哈哈哈⋯⋯

K3復課！

復課了！！復課了！！

不單止吱吱，林生林太也超興奮！！四個半月的悠長假期，終於可以結束！！一個不能出街，不能同好友相聚的假期！！回復K3的學習 — 小學適應班！！加油呀！！好好享受幼稚園的生活！！

DIY — 自製飛碟

又是其中一個艙底貨，哈哈哈！！不過，這個有點危險，可能是摩打太快，飛碟飛出嚟嘅時候有機會界到，小心眼睛！！所以玩了一次後，林太丟了⋯⋯

Patio Private Kitchen

Tonight menu:

Home Smoked Mackerel with Truffle Caesar / 煙燻青魚配松露凱撒沙律

Marinated Abalone in Chinese Wine / 花鵰醉鮑魚

Hand Shredded Chicken with Avocado, Papaya and Quinoa / 牛油果木瓜藜麥手撕雞

Spicy Hand Shredded Pork with Kimchi & Flat Vermicelli / 手撕辣豬肉泡菜粉皮

Slow Cooked Angus Whole Short Rib and Grilled Pineapples / 慢煮原條牛肋骨

Thai Style Pork Knuckle / 泰式元蹄

Penne with Daily Fresh Crab Meat and Roe / 生拆蟹粉長通粉

Cinnamon Lime Apple Crumble / 玉桂青檸蘋果批

疫情差不多完？！實在太耐沒有一齊食飯！！搵個籍口一齊食餐飯，「興祝復課」！！哈哈哈哈！！私房菜真係要有朋友介紹，真係唔識路上去，哈哈！！Happy gathering！！

Crostini

依家好多酒店和餐廳都減價，就連蛋糕店也減價！成日經過Crostini，但總係未試過，見佢由HK$198減到$98，就買來試吓！！個樣幾靚哦！仲吸引了吱吱不停影相，哈哈！！林生和林太每人只食了個馬卡龍，之後就比小朋友們KO曬！！哈哈哈！！林太仲未試到個蛋糕！！

https://m.facebook.com/crostinihk/

LamB’s K2 sketchbook

放假期間，成日搵畫紙，就係吱吱K2本sketchbook到撕落嚟，哈哈！！撕下撕下無曬了⋯⋯再見⋯⋯

Rabbitland Cafe

林太同吱吱終於去到「兔仔cafe」，因為他們只比四歲以上的小朋友入埸，又要大人對小朋友係一對一。細佬啱啱先四歲，所以次次帶著細佬都入唔到。

林太覺得兔仔幾得意，但無乜好感。一入到就聞到貓尿的味道，不過地方總算清潔。吱吱當然興奮，追著兔仔周圍走！可惜，客人越嚟越多，無乜位置走動，食完都係走吧！結果，吱吱對襪中曬地雷，救命呀！！

One Art Lab (1)

林太又搵咗一間新地方上堂，學畫畫，會有四隻貓貓陪畫畫！！好得意呀！！選擇了較靜的時間，大部份時間差不多一對一，太好了！！第一次的作品，用了兩堂時間。

https://m.facebook.com/oneartlab/

https://www.harmonypassiton.com/